mánadagur 21. januar 2019síða 8

Mánadagur 21. januar 2019 · Nr. 8 8 Sosialurin Hugskot og viðmerkingar – send sms til 225000 Seinasta mikudag var hátíðarhald í Mylnuhúsinum í Klaksvík, sum nú hevur 20 ár á baki, og her varð bjóðað til kakao og bollar. Tunnilsliðið arbeiðir nú 189 metrar undir vatnskorpuni Í dag veit NCC at siga, at í síðstu viku varð komið niður á lægsta stað, sum verður í Eysturoyar­ tunlinum, og nú verður eisini farið undir at spreingja hin seinasta av fimm brunnum til vatn Vilmund Jacobsen Í síðstu viku vórðu boraðir og sprongdir 118 metrar í Eyst­ uroyartunlinum tilsam­ans. Tað merkir, veit NCC í dag at siga, at nú eru sprongdir tilsamans 9.176 metrar av teim­um 11.250 metrunum, sum samlaða longdin av Eystur­oy­ artunlinum verður. Stívliga 2000 metrar – ella neyvari 2074 metrar – eru nú eftir at bora og spreingja. Soleiðis gekk Gongdin í tunnilsarbeiðnum í síðstu viku var, at 58 metr­ ar vórðu sprongdir frá Streymoyarlandinum, og her eru nú sprongdir 4.452 metrar tilsamans. Frá rundkoyringini undir Tangafirði og móti Hvítanesi vórðu sprongdir tilsamans 23 metrar, og á hesum teini eru nú sprongdir tilsamans 1.577 metrar. Sprongt hevur eisini verið fyri pumpubrunni á teininum móti Hvítanesi í undanfarnu viku. Í síðstu viku vórðu sprongd­ ir 37 metrar frá rundkoyringini undir Tangafirði og móti Saltnesi, og á hesum teini eru nú sprongdir tilsamans 1.522 metrar. Lægsta stað Í dag veit NCC eisini at siga, at í síðstu viku varð komið niður á lægsta stað, sum verður í Eysturoyartunlinum á Tangafirði, og hetta punkt er 189 metrar undir vatnskorpuni. - Nú verður farið undir at spreingja hin seinasta av fimm brunnum til vatn, sum lekur inn í Eysturoyartunnilin, leggur NCC aftrat í síni nýggjastu frágreiðing um gongdina í tunnilsarbeiðnum. Nú er arbeiðið í gongd Vilmund Jacobsen Hin 14. januar í ár byrjaðu Falkon Entreprenørar upp á lendisarbeiðið á Kneysum á Toftum, har tvær íbúðareindir við tilsamans 18 leigu-og lutaíbúðum skulu byggjast. Tað er Nes kommuna, sum stendur fyri lendis­ar­ beiðnum fyri Bústaðir, ið lata íbúðirnar byggja. Tað verður byggivirkið KBH, sum byggir íbúðirnar fyri Bústaðir, og tær fyrstu skulu standa klárar at flyta inn í á heysti ár 2020. Økið á Kneysum er beint oman fyri havnalagið á Toft­um, og í Nes kommunu halda tey, at hetta er ein góð staðseting – við stutt­ um vegi í skúla og góðum út­sýni yvir fjørðin. Talan verður um tvey íbúð­arhús. Tað eina við átta eins íbúðum á umleið 75 fermetrar - og hitt við 10 íbúðum, har tær seks verða umleið 50 fermetrar hvør, og hinar fýra verða umleið 75 fermetrar hvør. VIRÐISLØNIR: Tað verður mikukvøldið 23. januar, at Rigmor Dam, landsstýriskvinna í mentamálum, fer at handa virðislønirnar til lista- og mentafólk fyri 2018, og í ár verður handanin á almennari samkomu í Mentanarhúsinum í Fuglafirði klokkan 19. Bara upsaveiðan sum ikki roynist Tað er nógvur toskur og nógv hýsa at fáa, men verri gongur við upsanum Vilmund Jacobsen Meðan línuskip og útróðr­ arbátar hava góðan fiskiskap eftir toski og hýsu, og fiski­ skapurin hjá trolbátum sum heild eisini hevur roynst, lata teir, sum fiska upsa, ikki so væl at. Upsafiskiskapurin hevur í longri tíð verið smáligur, men tað eru eisini skip, sum gera hampilig hál eftir upsa. Tó hevur ikki bragdað í upsafiskiskapi, soleiðis sum tað hevur gjørt í veiði við húki eftir toski og hýsu. Fríggjadagin vóru øll partrolarapørini til fiskiskap, men latið verður einki serligt at. Eitt par hevur verið á Rygg­ inum, og hini øll fiska upsa. Tveir djúpvatnstrolarar vóru til fiskiskap fríggjadagin. Teir fiska upsa og koma væntandi inn at landa mið­ skeiðis í hesi vikuni. - Fýra trolbátar fiska hav­ tasku, og ein fiskar tosk og hýsu. Vit rokna við, at teir koma inn at landa miðsleiðis í hesi vikuni, siga tey á Fiska­ marknaði Føroya. Lagt verður aftrat, at fýra garna­skip fiska svartkalva.  Tað, sum bara var ein dreymur fyri nøkrum árum síðan, nærkast nú veruleika Mynd: DroneDirector/ Simon Nordendal Í longri tíð hevur ikki verið latið nakað serligt at upsaveiðini