hósdagur 24. januar 2019síða 7

FRÍGGJADAGUR 25. JANUAR 2019 SOSIALURIN 10 7 hann hálvspyrjandi, tí hann sjálv­ur ikki heilt skilir hetta posi­tiva valdið, hatturin hevur á hon­um. Seldi 15.000 plátur við Naked Stone Nú skrúva vit tíðina aftur til fyrru helvt av 90’unum, tá LP plát­ur­nar enn vóru vanliga for­ mat­ið at geva tónleik út í. Søren Haugaard mannaði saman við øðrum rokkbólkin, Naked Stone, sum veruliga slóð seg fastan á danska rokk-tónleikapallinum um hetta mundið. Naked Stone góvu eina plátu út í 1994, sum seldi heili 15.000 eintøk. - Tað var ein ordilig rokk- pláta, sigur Søren Haugaard við ein­um nostalgiskum smíli og peikar upp á veggin, har plátan hongur innrammað saman við plakat og øðrum minnum frá Naked Stone. Hann minnist aftur á, tá Naked Stone luttóku í tónleikakappingini DM i Rock í 1994. Hetta var ein hin mest virda tónleikakappingin í Dan­ mark á sinni, og teir endaðu millum fýra teir bestu bólkarnar hetta árið. Men teir fingu harða kapping frá vinnaranum og vælkenda bólkinum, sum í dag eitur Junior Senior, og sum blivu ein risa altjóða-success aftan á DM í Rock. - 94… tað er gott nokk langt síðani. Tá var eg ungur, og nú eri eg jú næstan ein gamal maður, flennir Søren Haugaard, meðan hann vísir gomlu upptøkuna av Naked Stone framførsluni til DM í Rock, sum er at finna á You­ Tube. Her sæst Søren renna runt á pallinum við síðum langum hári. Hann líkist tó sær sjálvum, men tónleikastílurin víkir langt frá nøkrum, sum vit hava hoyrt hann spælt við Hitmen. Hetta er veru­ligt klassiskt grunge-rock í besta stíli, og Søren sigur, at teir serliga fingu íblástur frá Seattle legendunum, Alice in Chains og Sound­garden. Aftaná DM í Rock gekk tað skjótt, og tað var tá, teir góvu væl­seljandi plátuna út. Teir fóru á konsertferð, har teir eitt nú møttu bólkunum Dizzy Mizz Lizzy og Kashmir, sum lut­tóku í DM í Rock árið fyri í 1993. Men ævintýrið við Naked Stone fekk ein enda stutt aftaná, og limir­ nir fóru hvør til sítt. Søren Hau­ gaard fór tá at royna seg sum sjón­leikara, og hann hevði fleiri leik­lutir í stórum sangleikum sum eitt nú Fame og Hair. Sum ein annar Robbie Williams Í 2001 byrjar eitt nýtt ævintýr hjá Søren Haugaard. Jam- bólk­ar, sum spæla tónleik hjá øðrum tónleikarum, vóru í hæddini í 00’unum, og hetta sá Søren Haugaard ein møgu­leika í. Aftaná ein dia­log við ein ljóð­ mann, hann hevði møtt til eina av sínum musical-fram­førsl­um, sprettist hug­skotið um at stovna ein Robbie Williams jam-bólk. - Eg fekk so ofta at vita frá fólki, at eg ljóðaði sum Robbie Williams, tá eg sang. Eg kendi hann ikki ordiliga, men visti, at hann var við i Take That. Hugskotið bleiv til veruleika, og Robbie.dk sá dagsins ljós. - Vit settu okkum í samband við mítt gamla tónleika­bureau frá Naked Stone. Um­boðs­maður­ in bókaði 10 spælingar til okkum alt fyri eitt uttan yvirhøvur at hava hoyrt okkum áðrenn. Hann visti ikki, um Robbie.dk var gott ella ringt, men honum dámdi bara hugskotið so mikið væl, at hann stólaði uppá okkum, greiðir Søren Haugaard frá. Robbie.dk hava síðan 2001 spælt fleiri enn túsund konsertir á alskyns festivalum, uttandura kon­sertum, barrum og spæli­ støðum í øllum Danmark. - Eg minnist, vit spældu í Kolding eina ferð, har at­gongu­ merki kostaði 150 krónur. Sama dag spældi Tim Christensen eitt annað stað, har atgongumerki kostaði 100 krónur. Tað bleiv ikki útselt til Tim Christensen, men okkara konsert bleiv útselt, flenn­ir Søren Haugaard. Robbie Williams Jam við Søren á odda var eitt nøvnunum á Voxbotn í 2012. Teir verða av donskum bókarum í dag skýrdir at vera tað nærmasta, mann kann koma at kontroversiellu bretsku poppstjørnuni, Robbie Williams. Og við Søren Hau­ gaard er mann altíð tryggjað­ ur eitt framúrskarandi undir­ hald­andi show, stendur at lesa bókara­síðuni. Eitt kvøld við stjørnunum Í løtuni er Søren Haugaard aktuellur í einum konsepti í Dan­mark, sum eitur A Night With the Stars (Eitt kvøld við stjørnunum). Her eru fýra ymsir sangarar, sum ávika­ vist syngja løg hjá Robbie Williams, Bryan Adams, Queen og Whitney Houston. Søren Hau­gaard syngur sjálvsagt Robbie Williams. Konseptið er vælumtók í Danmark, og tey verða javnan bókað til festivalar, firma­veitslur o.a. Konseptið byrjaði sum partur av einari sjón­varps­sending á DK4, har tey fram­førdu í steðginum. Nógvir fyri­spurn­ingar eru, og tað kann væntast, at føroyingar koma at upp­liva A Night With the Stars í næstum. - Vit skulu til Thailands at framføra í vetur. Vit eru eisini í ferð við at selja konseptið til Føroya, soleiðis at hesar fýra “stjørn­ur­nar” koma til Føroya. Vit hava fingið áhuga frá nøkr­ um støðum, og tað gleði eg meg sera nógv til, um tað verður veru­leiki, sigur Søren Haugaard. PATURE@SOSIALURIN.FO 45 ára gamli Søren Haugaard Pedersen er oddamaðurin í Hitmen Søren var við í danska rokkbólinum, Naked Stone, sum seldi heili 15.000 plátur