hósdagur 24. januar 2019síða 10

FRÍGGJADAGUR 25. JANUAR 2019 SOSIALURIN 10 10 Góða, elskaða omma 28.06.2016 sløknaði títt ljós, sum altíð lýsti so bjart. Tú vart ein dags­túr í Kals­oynni saman við teimum frá Til­haldinum, og tit høvdu júst vitjað Kópa­konu­ na, tá tú brádliga var tikin frá okkum. Tú var glað og vælnøgd tann dagin, søgdu tey, sum vóru saman við tær, og tað er gott at vita. Tað troystar okkum enn at vita, at tú ikki var einsamøll tína síðstu løtu. Hóast nógvar svárar missir og stóra sorg í lívinum, misti tú ongantíð lívs­viljan og lívs­ gleðina. Tú gjørdist ongan­tíð beisk. Tú tosaði ongantíð ilt um fólk. Um tað gekk long tíð ímillum, at vit sóust, so tók tú altíð ímóti mær við opnum ørmum. Ikki eitt orð um, at tað var langt síðani seinast, men heldur bara gleði um at fáa vitjan. Tá eg fór av­stað aftur var tað við orðunum: "Kom skjótt aftur". Elskaða omma, tú átti altíð ein muss, eitt klemm og ein heitan drekka­munn. Og tað er nokk eisini tí, at øll tíni børn eru so kerlig menniskju. Tú elskaði okkum øll, hvønn og ein, stór og smá, og tú læt okkum altíð vita tað. Tú fylgdi við í okkara lívum, og tú var so stolt av tíni stóru familju, sum tú og abbi í kærleiki løgdu lunnar undir. Tú elskaði tónleik, sang og dans. Tær dámdi altíð so væl at taka myndir og at eiga myndir, hevði altíð myndatólið við tær, og tín stova var prýdd av myndum av okkum øllum, sum tú elskaði og sum elskaðu teg. Á tann hátt vóru vit altíð saman. Tú segði ofta nógv stuttligt, sum enn fær meg at flenna, tá eg hugsi um tað. Tú vart sera sosial, og tú elskaði lív rundan um teg. Tá var tú mitt í verðini. Hvørt ár á jólum gav tú fleiri enn 50 jóla­gávur, tær flestu evnaðar til úr tín­um vøkru og dugnaligu hondum. Eg eri so glað fyri, at tú og Jana komu framvið hjá okkum, so tú kundi siga okkum farvæl, áðrenn vit fóru til Dan­markar. Ikki vistu vit, at tað var síðstu ferð vit sóust. At tað var síðstu ferð, eg slapp at mussa tín mjúka kjálka og hoyra tína sermerktu rødd. Tá eg koyri fram­við tínum húsum, hugsi eg altíð um teg. Tú sat oftast við vindeygað og hugdi út, meðan tú lurtaði eftir útvarpinum. Eg eri glað fyri, at vit 14. juni 2016 fingu eina deiliga løtu saman uttanfyri hjá tær í sólini, har vit ótu ís og prátaðu. Tú elskaði sólina og sat altíð uttanfyri í tínum deiliga króki, tá veðrið var til tað. Har kundi tú eygleiða lívið og heilsa uppá tey menniskju, sum gingu fram­við. Tú vart sera sterk í trúnni, og tú bað altíð fyri og við okkum. Tú legði alt í Guds hendur. Góða omma, nú eru tú og abbi saman - eg síggi tykkum taka ein dans saman, so sum babba hevur fortalt mær, at tit viðhvørt plagdu at gera í køkinum til døgurðatónleikin í útvarpinum. Tú hevði saknað abba, sum tit mistu alt ov tíð­ liga, hvønn dag í yvir 40 ár, og tað er leingi at sakna! Mín elskaða omma - takk fyri allar hosurnar, tú bant okkum, allar drekka­munnarnar, og takk fyri allar muss­arnar, tú altíð so gleðiliga gav. Takk fyri alt, sum tú var fyri meg og míni. Hvíl í friði. Altíð elskað og ongantíð gloymd. Til minnis um Johild á Løgmansbø 08.08.1928 - 28.06.2016 MINNINGARORÐ KJAK ANNFINN BREKKSTEIN Vit nærkast nú einum full­kom­ num politiskum ruðuleika við hesari samgonguni.  Vit føroyingar krevja valdið aft­ur til føroysku fólkavaldu politisku skipanina, har fólkið velur flokkar og politikarar, sum eru førir fyri at stýra landi okkara á ein demokratiskan hátt, og ikki misbrúka demokratið til valdmisnýtslu.  Tað er ófrættakent, at bara 3 fólk stýra Føroyum anno 2019.   Hvørja ferð Tjóðveldi og Javn­að­ar­flokkurin kasta sam­an er ruðuleiki í politisku skipan­ini, og nú við tí sokallaða liberal­ist­ iska Framsókn, sum er farin at líkjast meira og meira tí danska Eindar­listanum, so uttarliga liggur hann á vinstravonginum. Allar demokratiskar fólka­ ræðis­ligar mannagongdir verða skúgvaðar til viks fyri at yvir­ liva og varðveita politiskt vald, hettar er ódámligt og ófrætta­ kent. Veljarin og fólkið vil hava fólka­ræði aftur í politisku skipan­ina, sum vit føroyingar hava havt og ynskja at varðveita.  Landskassin og skattgjaldarin bløða hvønn dag. Pengarnir fossa úr felagskassanum, tí man keyp­ir sær vald hvønn dag, frá teim­um, sum ikki duga at ganga í takt, men eru sjálvsøkin meira enn onnur.  Fólkaræðið er sett til viks, fíggjar­nevndin tikin til gýsla - alt rekur fyri vág og vind, sum ikki eina­ferð við Javnarflokkinum á odda, ein flokkur, sum hevur ilt við at vera stjórnarberandi. Hesi vóru tey, sum siga seg vera vald til at fáa álit aftur á politisku skipanina - eg meini tað! Latið nú veljaran sleppa at rudda upp í politisku skipanini og skrivið út val sum skjótast. Tíðin er komin at útskriva val Samgongan livir ikki upp til minstukrøvini KAJ LEO HOLM JOHANNESEN LØGTINGSMAÐUR FYRI SAMBANDSFLOKKIN   Eg ímyndaði mær ikki, at slíkur polit­iskur ruðuleiki, sum vit hava upplivað seinastu tíðina í okkara politisku skipan, kundi henda. Og eg ímyndaði mær heldur ikki, at Føroya Løg­ting kundi leggjast lamið av klandri og stríði millum sam­gongu­ flokkar. Hetta politiska arbeiðslagið er farið út um alt rímuligt og for­svarligt mark. Henda støðan minnir meg enn einaferð um orðini hjá nú­ verandi samgongu um treyta­ leyst nærlagni, klokku­klár­ar mannagongdir, rættar­trygd og fult gjøgnumskygni - ja, tú lesur rætt. Trupulleikin við verandi politiska ruðuleikanum og ideal­málum hjá samgonguni, er, at vit tora næstan ikki at brúka hesi orð og hugtøk long­ ur av berari skomm. Stóra politiska uppgávan hjá sitandi samgongu var aftur at fáa álit á politisku skipanina og fáa rættartrygd í hásæti. Tí fær núverandi politiski ruðu­leikin fólk at minnast og smílast yvirberandi, um tíðina, tá hesi somu sótu í andstøðu. Hetta er vónandi bæði fyrstu og seinastu ferð, at vit uppliva slíkan politiskan ruðu­ leika. Góði løgtingsformaður, kanst tú ikki tosa við tíni fólk, áðrenn tey gera meira skaða á okkara tingskipan og politiska trú­virðið, sum verður brotið niður fyri hvønn dag, sum gong­ur. Vit mugu, um ikki annað, kunna liva upp til minstu­ krøv­ini fyri at reka okkara polit­isku skipan. DREYMASTARVIÐ FINNUR TÚ Á