hósdagur 24. januar 2019síða 40

VINNUBLAÐIÐ HJÁ MIÐLAHÚSINUM 16 januar 2019 25 - EG VIL IKKI SIGA, AT TAÐ ER ”COOL” AT KOYRA TRAILARA. NÚ HAVI EG KOYRT Í NØKUR ÁR, OG EG HALDI, AT HETTA ER EITT SPENNANDI ARBEIÐI. TAÐ GEVUR NØGDSEMI AT VEITA VIÐSKIFTAFYRITØKUM EINA GÓÐA OG HOLLA TÆNASTU, SUM OCD LEGGUR STÓRAN DENT Á. MEN, EG EIGI EINA DÓTTIR – JOAN, SUM ER FIMM ÁR – OG HON HELDUR TAÐ VERA ”COOL”, AT BABBA KOYRIR TRAILARA, SIGUR 26 ÁRA GAMLI, MAGNUS ANDREASSEN, BROSANDI Vilmund Jacobsen Í samband við vinnutemaið í Sosialinum í dag, ið snýr seg um flutning, vóru vit fyrrapartin mikudagin ein túr við ungum trailaraførara, sum koyrir fyri flutningsfyritøkuna OCD í Saltangará. OCD er stovnað í 1949 og hevur í ár sjeyti ár á baki. Tað var Óli Christian Danielsen, sáli, ið stovnaði fyritøkuna, og haðani kemur navnið – OCD. Stovnarin rak fyritøkuna í fleiri ára tíggjur, til sonur hansara, Símun Danielsen, tók yvir og bar stafettina, sum pápin slóðaði fyri, víðari fram á leið. Í fjør vár keypti Smyril Line Cargo flutnings­ fyritøkuna, sum í nógv ár hevur koyrt fast fyri Smyril Line, men hóast fyritøkan nú fór á aðrar hendur, helt Símun Danielsen fram sum stjóri, eins og fyritøkan framvegis ber navnið OCD eftir pápa hansara. Eini 18 fólk starvast hjá OCD, harav 14 bilførarar, trý skrivstovufólk og stjórin, Símun Danielsen, og tá Smyril Line Cargo keypti, fingu øll bjóðað nýtt starv í fyritøkuni. Endamálið við at keypa OCD segði stjórin í Smyril Line, Rúni Vang Poulsen, vera, at felagið vil hava tamarhald á virðisketuni og soleiðis tryggja, at viðskiftafyritøkur framhaldandi fara at fáa somu framúr góðu tænastu, sum OCD er kend fyri og hevur veitt felagnum. Nógv virksemi OCD hevur framvegis sínar skrivstovur og sína støð í Saltangará, har fyritøkan eisini húsaðist fyri søluna í fjør vár. Hetta er beint niðan fyri Statoil-støðina í Saltangará og húsini, har Óli Christian Danielsen búði. Hesir bygningar, sum eisini hýsa goymslu, lastbilaverkstaði og Akstovuni, vóru ikki við í keypinum, tá OCD varð selt. Soleiðis er Smyril Line Cargo við sínari flutningsfyritøku nú í leigaðum hølum. Tá vit komu á staðið mikumorgunin klokkan 9, vóru bilar hjá OCD longu farnir út á vegirnar at koyra og bilurin, sum vit skuldu við, stóð í gongd og var klárur at fara. Stjórin, Símun Danielsen, hevði verið so beinasamur at velja okkum ein ungan mann, 26 ára gamla, Magnus Andreassen, sum býr í Runavík, at koyra túrin saman við. Tað skuldi kortini taka eina løtu, áðrenn vit fóru úr túninum hjá OCD, tí skift varð orð um ymiskt, og vit fingu eisini høvi at hyggja eftir umstøðunum inni á skrivstovunum og heilsa upp á tær tríggjar kvinnurnar, sum starvast har. Í túninum greiddi Símun Danielsen okkum frá, at vørurnar, sum koma á goymsluna í Saltangará, er ymiskur innflutningur, sum skip­ini hjá Smyril Line koma heim til Føroya við, og hetta eru vørur, sum skulu koyrast út í Eysturoy og Norðoyggjum. - Her er alt frá pakningi til alilaks og til ymiskar matvørur, sum handlar í Eysturoy og Norðoyggjum hava keypt heim til Føroya. Stjórin sigur, at OCD hevur 15 bilar og 14 bilførarar. Hetta eru 11 trekkjarar, sum eru bilar, ið taka trailaravognar upp á – og so fýra so­ nevndar kassabilar við lyftu, sum hann rópar bilarnar. - Tað er eingin loyna, at okkara allar størsti flutningur er koyring við laksi, serliga fyri Bakka­frost. Taka vit Norrönu, so tekur hon 110 trailarar á tveimum dekkum. Hvør trailara- vognur er 13,60 metrar langur, og í hvønn trail­ ara ganga júst 33 plattar, eitt nú við frystum laksa­vørum til útflutnings. Í einum slíkum vogni eru umleið 18 tons av laksi. Símun Danielsen vísir á, at trailara­flutning­ urin, sum eisini verður róptur ”roll on-roll off”, er skjótasti flutningur av sínum slagi. - Men, trailararnir taka nógv pláss, og tað ber sjálvsagt ikki til at seta ein trailara omaná Ungur maður í stórum trailara - Tað er vanligt, at vit koyra einar 4-5 trailaravognar til Havnar um dagin, og tað merkir, at arbeiðsdagurin skjótt kann gerast einar 12-13 tímar, sigur Magnus Andreassen Mynd: Álvur Haraldsen