hósdagur 24. januar 2019síða 49

VINNUBLAÐIÐ HJÁ MIÐLAHÚSINUM 25 Januar 2019 25 ikki var so nógv ferðsla á Suðuroyarleiðini. - Suðuroyggin bleiv ikki forsømd, tí man legði túrarnar hjá Morten Mols soleiðis, at hann røkti siglingina tá nógv ferðsla var, men teir dag­ar, tá minni ferðsla var til Suðuroynna sigldi Dúgvan, greiðir Jóhan Restorff Jacobsen frá. Seinni bleiv Teistin keyptur til landið og var tað fyri eyga at brúka skipið til Suður­oy­ar­ leiðina, meðan Smyril burturav skuldi reka utt­ an­landssiglingina. Tann leisturin bleiv brúktur í nøkur ár inntil politikkur aftur kom í málið. - Strandferðslan royndi fleiri ferðir at taka uttanlandssiglingina upp aftur, men tað fekk ikki undirtøku av einum politiskum meiriluta. Vit fingu lov at sigla nakrar fáar túrar til Scrabst­er og okkurt aftrat, men tað gav ongan vinn­ing, tí um slíkt skal bera seg, so má tað hava eina fasta ferðaætlan, sigur fyrrverandi stjór­in og leggur afturat. - Tað nyttar einki at sigla ein einkultan túr til Skotlands og so einki meira. So at enda var einki fíggjarligt grundarlag fyri uttan­lands­sigl­ ingi, tí sambandið bleiv ov óregluligt. Tí um hetta mundi var tann uttanlandasiglingin, ið gav pengar, fari á privatar hendur. Jalig móttøka Í tilmælinum verður mælt til at skipað verður fyri fundi millum kommunurnar í Suðuroynni, Sam­ferðslumálaráðið og Strandfaraskip Lands­ins um uppskotið. Og júst hesir partar hava úttala seg jaligt um uppskotið. 19. januar bar til at lesa á in.fo, at Heðin Mortensen, landsstýrismaður í sam­ferðslu­ mál­um, metir at talan er um eitt áhugavert og spenn­andi uppskot, ið er vert at kanna nærri. Eisini Hilmar Eliasen, stjóri í Strandferðsluni, hevur upplýst fyri in.fo, at hann er heitur fyri uppskotinum hjá borgarstjórunum í Suður­ oynni. Í grein á in.fo 31. mai í fjør sigur hann, at tankin ikki er fremmandur hjá teimum í Strand­ ferðsl­uni, tí eitt slíkt skip kundi blivið brúkt sum avloys­araskip fyri Smyril, tá tørvur er á tí. – Skal skipið fáast at bera seg sum fræg­ ast, er tað neyðugt, at tað er í sigling alla tíð­ina, men við teirri treyt, at tað verður sett í Suð­ur­ oyarsigling, tá ið Smyril ikki fær siglt. Tá ið talan er um vanligar dokkingar, kann tað leggj­ast til rættis fleiri ár framman undan, men er talan um tekniskt brek, skal skipið kunnað tak­ast úr sigling við ongari ávaring og setast í suð­ur­oy­ ar­sigling, segði Hilmar Eliasen tá. Kappingarførar prísir Millum teirra sum fylgja við hvat verður av ætl­ an­unum hjá borgarstjórunum á oynni er Karl Øster, ið er sølumaður hjá Delta Seafood, ið hev­ur heimstað á havnarlagnum á Tvøroyri. Hann vísir á, at ein farleið frá Suðuroynni til bretska marknaðin hevur sínar fyrimunir, men at tað týdningarmesta er, at ein slík farleið er kapp­ingarfør í prísi við teir veitarar, ið longu eru á marknaðinum. - Sum nú er hava vit Samskip, Eimskip og Smyril Line tá vit ynskja at flyta feska vøru av landinum. Um Strandfaraskip Landsins vil kapp­ast við hesar, so má kostnaðurin verða kapp­ingarførur, leggur sølumaðurin dent á. Virkini í Suðuroynni eru von við at senda lidnu vøruna norðurum, tá hon skal flytast av land­inum, men vísir Karl Øster á, at tað er við einum ávísum tapi, at tað verður gjørt. - Styrkin við eini beinleiðis farleið til Bret­ lands er, at man hevði fingið fiskin skjótari av landinum og man hevði fingið ein heilan fram­ leiðslu­dag. Arbeiðsdagarnar eru undir verandi skip­an styttri av tí, at vit mugu senda vøruna norð­ur til Havnar. Til samanberingar kunnu virkini norðanfyri framleiða ein heilan dag, tí freist­in er á kvøldi, meðan vit missa einar tveir tím­ar av framleiðslu, tí vit mugu senda fiskin norð­ur við Smyrli, sigur Karl Øster. Einki grundarlag Á skrivstovuni hjá Faroe Ship á havnarlagnum í høvuðsstaðnum skilja tey ikki reiðiliga ynskið hjá borgarstjórunum í Suðuroynni, tí ein farleið er longu til staðar. - Vit hava ein vikuligan túr við feskum fiski til Scrabster. Tað skipið er nærum tómt. Vit sigla við einum skipi, ið kann bera 10 ferðir meira enn tað, ið tað ber í løtuni. So har er nokk av plássi, vísir Bogi Nielsen, stjóri í Faroe Ship á. Faroe Ship siglir mánadagin úr Runavík til Scrabst­er, meðan tað fríggjadagar verður siglt úr Havnini til ensku havnina Immingham. Og um so er, at nógv vøra er í Suðuroynni, ið skal flytast á bretska marknaðin, so leggur Faroe Ship at á Tvøroyri. - Tað eru tvær fráferðir vikuliga og eru tær lagd­ar so til rættis, at tað tænir feska fiskinum og laksinum sum best. Um tað er nakað at fara eftir, so leggja vit at í Suðri. Tað hava vit eisini gjørt tvær tær seinastu vikurnar, sigur stjórin og leggur afturat. - Við okkara royndum kann eg siga, at einki grundarlag er fyri eini slíkari farleið. Eg síggi als ikki tørvin, men um talan er um ferðafólk, so kann tað vera nakað annað. Tilmælið hjá borgarstjórunum í Suðuroynni leggur upp til, at tað er almenna felagið Strand­ fara­skip Landsins, ið skal taka kappingina upp við privatar flutningsfyritøkur. Hetta heldur Bogi Nielsen lítið um, tó at tey eru von við tað. - Skipafelagið hevur alla tíðina kappast við tað almenna. Smyril sigldi til Skotlands fyri nøkr­um árum síðan og gjøgnum árini hevur man eisini støðugt sett pening í Smyril Line. So okkara royndir eru at tað almenna alla tíð­ ina blandar seg upp í farmaflutningin. Tað er púra óneyðugt, tí vit hava eina rúgvu av møgu­ leik­um, so sum Faroe Ship, Samskip og Smyril Line. Útboðið av farmaflutningi er longu nú øgi­liga stórt til hetta lítla landið, so tað er eingin tørv­ur á, at tað almenna blandar seg uppí, sigur Bogi Nielsen. ntýrið - Styrkin við eini beinleiðis farleið til Bretlands er, at man hevði fingið fiskin skjótari av landinum og man hevði fingið ein heilan framleiðsludag. Arbeiðsdagarnar eru undir verandi skipan styttri av tí, at vit mugu senda vøruna norður til Havnar - Vit hava ein vikuligan túr við feskum fiski til Scrabster. Tað skipið er nærum tómt. Vit sigla við einum skipi, ið kann bera 10 ferðir meira enn tað, ið tað ber í løtuni. So har er nokk av plássi Gamli Smyril røkti uttanlandssiglingina hjá Strandferðsluni Tað var politiski myndugleikin, ið steðgaði uttanlandssiglingini hjá Strandferðsluni, sigur Jóhan Restorff Jacobsen