hósdagur 24. januar 2019síða 50

VINNUBLAÐIÐ HJÁ MIÐLAHÚSINUM 26 januar 2019 25 Hallur av Rana Næsta mánað kann Faroe Ship hátíðar­halda, at 100 ár eru liðin síðan Skipafelagið bleiv sett á stovn. Men hóast høga aldurin, so er nógv sum bendir á, at komandi ár verður eitt av teimum virknastu árunum í longu søguni hjá felagnum. Um alt gongur eftir ætlan setir man nevni­liga í 2019 tvey nýggj skip í sigling, víðkar um verandi farleiðir og setir hol á nýggjan bygning, ið skal miðsavna starvs­fólkini sum arbeida í Tórshavn hjá felagnum í útbygda havnarlagnum í Tórs­ havnar Havn. Á odda fyri felagnum er havnar­mað­ urin Bogi Nielsen, ið tók við sessinum í 2015, tá Jóhanna á Bergi skifti stjóra­sess­ in í skipafelagnum út við tann í tjóðar­flog­ felagnum Atlantic Airways. - Framtíðin er bjørt. Tilfeingið av pelag­ iskum fiski er voksin nógv seinnu árini og alivinnan tykist at vera í eini tryggari legu. Góð stýring er ein fortreyt fyri, at vit hava virkað í 100 ár og verður eins týdn­ ingarmikil tey næstu 100 árini, sigur stjór­ in í flutningsfelagnum. Føroyska vinnulívið hevur úr at gera í hesum døgum og merktist tað eisini í farma­flutningsvinnuni, at tíðirnar eru fram­úr­skarandi góðar, men í Faroe Ship eru tey væl greið yvir, at tíðirnar skjótt kunnu broytast. - Umstøðurnar kunnu venda øgiliga skjótt, serliga í Føroyum, men vit hava verið gjøgnum fleiri kreppur og vit koma heilt vist í nýggjar. Tá tað hendir, handlar tað um at stýra fyritøkuni væl gjøgnum hana, sigur Bogi Nielsen. Úrslitini eru støðug Framtíðin tykist eisini at vera bjørt, tá hugt verður eftir roknskapinum hjá felagnum. Í 2017 kundi felagið vísa á eitt ársúrslit á umleið 50 milliónir krónur, ið er besta úrs­ litið síðan 2011. Úrslitið sær uppaftur betur út, tá saman­borið verður við ársúrslitunum í 2016 og 2015, tá tey vóru ávikavist 9 milliónir og 11 milliónir krónur. Men hóast gongdin tykist at vera ser­ stak­liga jalig, so ávarar stjórin ímóti at lesa ov nógv inn í roknskapin. - Hasi tølini siga ikki tað stóra um sjálva gongdina í felagnum. Farmaúrslitini hjá okkum eru rættiliga støðug, men tann part­ur­in sum gevur útsvingini er skipa­ rakstur­in, sigur stjóri og leggur aftrat. - Vit hava eitt yvirskot í Føroyum, ið vit eru rættiliga nøgd við, men tað er eitt úrslit, ið man ikki sær aftur í roknskapinum. Tað virksemi við hava í Føroyum við inn­ flutningi, útflutningi, koyrideild, ship agency, Faroe Express, køligoymslur og pakk­hús veitir rímiliga støðug og góð úrslit. Nýggj skip ávegis Fyri tveimum árum síðan boðaði móðir­felagið Eimskip frá, at tað hevur bílagt tvey nýggj skip, ið verða bygd í Kina. Ar­beiðið er komi væl áleiðis og upplýsir stjór­in í Faroe Ship, at man væntar at skip­ini verða sett í sigling síðst í hesum árinum. Tey bæði nýggju skipini er partur av einum samstarvi við Royal Arctic Line, ið byggir eitt triðja skip. Tá skipini eru liðug er ætlanin, at tey skulu røkja somu far­leið og gevur tað nýggjar møguleikar fyri flutningi í útnorðuri. Samstarvið er tó treytað av góðkenning frá íslendsku kapp­ingar­myndugleikunum - Royal Arctic Line hevur einarætt upp á siglingina til Grønlands og sigla einans millum Grønland og Aalborg, Við sam­ starvi­num verður hetta víðkað, so at øll trý skip­ini sigla verandi farleiðir hjá Eimskip, har Grønland verður knýtt uppí, greiðir Bogi Nielsen frá og leggur afturat. Nýggjar tíðir hjá 100 ára gamla føðingardagsbarninum - FRAMTÍÐIN ER BJØRT. TILFEINGIÐ AV PELAGISKUM FISKI ER VOKSIN NÓGV SEINNU ÁRINI OG ALIVINNAN TYKIST AT VERA Í EINI TRYGGARI LEGU. GÓÐ STÝRING ER EIN FORTREYT FYRI, AT VIT HAVA VIRKAÐ Í 100 ÁR OG VERÐUR EINS TÝDNINGARMIKIL TEY NÆSTU 100 ÁRINI, SIGUR BOGI NIELSEN, STJÓRI Í FAROE SHIP, IÐ NÆSTA MÁNAÐ KANN HÁTÍÐARHALDA AT TAÐ ERU 100 ÁR SÍÐAN AT SKIPAFELAGIÐ BLEIV SETT Á STOVN Bogi Nielsen hevur staðið á odda fyri Faroe Ship síðan 2015 - Tað er ikki tað heilt stóra enn, men vit fáa fyrispurningar um møguleikan at útflyta til grønlendska marknaðin