mánadagur 28. januar 2019síða 4

Mánadagur 28. januar 2019 · Nr. 11 4 Sosialurin Hugskot og viðmerkingar – send sms til 225000 TÍÐINDI SEINASTI MØGULEIKI AT BJARGA FØROYUM FER AT FORKOMA OKKUM Hendan samgongan arbeiðir miðvíst fyri at avkristna Føroyar, og sleppur hon at halda fram, fer hon sostatt at forkoma okkum, ávarar Jenis av Rana, formaður í Miðflokkinum Áki Bertholdsen Løgtingsvalið, sum verður í seinasta lagi 31. august í ár, er seinasti møguleikin at bjarga føroyska samfelagnum undan at fara út av eggini. Tað var niðurstøðan á lands­ fundinum hjá Miðflokkinum leygardagin og tí eru tey eisini sannførd um, at tað má ikki henda, at hendan samgongan slepp­ur at halda fram eftir løg­ tingsvalið. Í Miðflokkinum stúra tey so illa fyri útlitinum til, at hendan samgongan sleppur at halda fram, at tey siga rætt og slætt, at tað fer at fáa óbótaligan skaða fyri samfelagið. Tora ikki Tá ið tey í Miðflokkinum stúra fyri Føroyum, sleppur verandi samgonga at halda fram, er tað part­vís av vinnuligum og bú­ skap­arligum orsøkum. – Eitt er, at samgongan hevur gjørt seg so illa inn á vinnuna, at vinnan torir ikki at gera nakað av ótta fyri, hvat »tey kunnu finna upp á morgin«, sum hann málber seg. Her hugs­ar hann um tey avgjøld, sum eru løgd á fiskivinnuna og á ali­vinnuna, og á nýggju fiski­ vinnu­skipanina, sigur for­mað­ urin í Miðflokkinum. – Tey fóru miðvíst til verka eftir vinnulívinum og av­leið­ ing­in er, at ímeð­an reið­arar í okk­ara granna­lond­um byggja nýggj skip, klára vit ikki meiri enn at keypa tey gomlu skipini, sum verða løgd uttanland, skoyt­ir hann upp í. Og hann átalar eisini hvass­ liga, at samgongan hevur skerd tað skattafríu grund­ar­upp­ hædd­ina í fólkapensjónini. Avkristna Føroyar við fullari ferð Men tað, Jenis av Rana serliga hugsar um, tá ið hann ávarar ímóti verandi samgongu, er tann politikkurin, sum er førd­ ur á etiska økinum. Í Miðflokkinum halda tey nevniliga, at nógv størsti vand­ in liggur í, at eftir teirra tykki er samgongan miðvíst í ferð við at flyta samfelagið burt­ur frá teimum kristnu grund­virð­ un­um, føroyska samfelagið er bygt á. Her hugsar hann um broyt­ ing­arnar í hjúna­bandslógini, so­leiðis at tað nú er loyvt hjá sam­kyndum at giftast. – Sostatt gjørdi samgongan seg inn á tað »trygga, kristna grund­arstøðið«, segði hann. Í hesum sambandi hugsar hann eisini um skjalið, har hend­an samgongan hev­ur orðað, hvønn javn­støðu­polit­ ikk, hon ætlar at føra. Jenis av Rana sigur, at tað er »eitt óhugnaligt skjal«, sum út í æsir vísir, at endamálið hjá sam­gonguflokkunum er at gera tað ónátúrliga nátúrligt, og tey ætlar sær enntá inn í barna­garð­arnar at ávirka børnini, sum hann sigur. –  Hetta er vandamiklasta skjal, sum er til á føroyskum, og tað skal burturbeinast, leggur hann dent á. Hann vísir somuleiðis á, at samgongan hevur eisini broytt revsilógina, so at nú verður »anal samlega partur av vanliga sam­legu hugtakinum«. Hetta er bara byrjanin Men samstundis er Jenis av Rana sannførdur um, at hetta er bara byrjanin, og sleppur hendan samgongan at halda fram, fer hon enn longur á somu leið. Hann vísir á, at ein grund­ stuð­ul undir samgonguni, Sonja Jógvansdóttir, hevur lagt upp­skot fyri Løgtingið um, at nú skulu fólk sjálvi sleppa at gera av, hvat kyn tey eru. – Hetta er ikki samtykt enn, og tað verður heldur ikki samtykt beint upp und­ir løg­ tings­val, tí tað torir sam­gong­ an ikki. – Hesa ferð var Sonja Jógv­ ans­dóttir ov sein við hesum uppskotinum. Men lat ongan iva verða um, at sleppur hend­ an samgongan at halda fram, verður hetta eitt tað fyrsta upp­skotið, sum verður sam­ tykt, er Jenis av Rana púra iva­ leys­ur í. Og hann ivast heldur ikki í, at fleiri aðrar broytingar fara at koma, har »tað ónatúrliga verð­ ur gjørt nátúrligt«, sum hann sigur tað. Hann ivast heldur ikki í, at ætlanin er at broyta fost­ur­ tøku­lógina, so at vit fáa fría fost­urtøku, og at markið fyri, nær kvinnur kunnu fáa fostur­ tøku, verður nakrar vikur seinni enn tað er nú. Seta trygdina í vanda Jenis av Rana vísir eisini á, at í øðr­um Norðanlondum eru tey í ferð við at broyta reglurnar um at geva blóð. Fyri at forða fyri smittu, eru strangar reglur fyri, hvør kann lata blóð. Eitt nú kunnu sam­ kynd­ir menn ikki lata blóð, men nú verður ført fram, at tað er at gera mismun á fólki. Tí verður nú arbeitt fyri at broyta reglurnar, so at eisini sam­kyndir menn skulu kunna lata blóð. – Tað merkir, at myndug­leik­ ar eru til reiðar at seta trygdina í vanda fyri at boyggja seg fyri LGBT, sigur Jenis av Rana. –  Tað má ikki henda, tí tað skal vera púra trygt at fáa blóð, tá ið brúk er fyri tí, leggur hann aft­urat. – Tí hevur tað, samanumtikið, aldrin verið so nógv brúk fyri Miðflokkinum, sum tað er nú, sigur Jenis av Rana, formaður í Miðflokkinum. Tað, sum hendan samgongan higartil hevur gjørt fyri at avkristna Føroyar, er bara byrjanin, og sleppur hon at halda fram eftir komandi løgtingsval, er nógv annað í væntu úr somu skuffu í væntu, ávarar Jenis av Rana, formaður í Miðflokkinum Hetta er vanda­ miklasta skjal, sum er til á føroyskum Tað má ikki henda, at hendan samgongan sleppur at halda fram Sleppur hendan samgongan at halda fram, verður hetta eitt tað fyrsta uppskotið, sum verður samtykt