mánadagur 28. januar 2019síða 13

13 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 28. januar 2019 · Nr. 11 TÍÐINDI Eg eri ikki við fyri at tapa 14 ára gamli Høgni Kunoy Dávason bleiv um vikuskiftið norðurlendskur meistari í Taekwondo. Danjal av Rana – Hetta kennist væl, men nokk so óvæntað. Eg trúði ikki ordiliga upp á tað sjálvur. Hin­ vegin, so eri eg ikki við fyri at tapa. Men eg haldi ikki, at eg havi skilt hetta heilt sjálv­ur, sigur hann. Høgni vann í ald­ urs­bólkinum 15 til 17 ár, undir 59 kilo. Tað merk­ir, at mest sum allir mót­støðu­menn­in­ir vóru eldri og størri enn hann. Umframt hetta hevur Høgni Kunoy Dávason sjúkuna cyst­ iska fibrosu. Hóast tað merkir gerandisdagin, hevur hann sett sær fyri, at sjúkan ikki skal forða sær at gera tað, sum hann ynskir. Fyri fimm árum síðani flutti Høgni Kunoy Dávason flutti til Føroya saman við for­ eldr­unum. Hann hevði íðkað taek­wondo í Danmark, men í Før­oyum var einki felag. Tí valdi hann, sum 10 ára gamal, at stovna sítt egna felag, so at hann kundi hava umstøður at halda fram við venjingini. – At vera við í slíkum stevn­ um var ein av orsøkunum til, at vit settu felagið á stovn, og tað hevur eydnast væl higartil, sig­ ur hann. Íðkarar hjá felagnum hava lut­tikið í fleiri stevnum longu, millum annað í Danmark, og nógvir teirra hava fingið góð úrslit. Tí valdi felagið í ár at senda nakrar luttakar við til norð­urlendsku meistara­stevn­ una, men mest fyri at kanna, hvar støðið liggur í mun til onn­ur. Høgni Dávason er væl nøgd­ ur við gongdina. Hann sigur, at tey nú kenna fleiri av hinum íðk­ar­unum, og tí síggja tey eisini, hvussu framgongdin er. Hann sigur, at fleiri av hinum føroyingunum kundu vunnið nakrar av sínum dystum, um hepni var við teimum, men at framgongdin er eyðsæð í mun til aðrar kappingar, sum tey hava luttikið í. Umframt at Høgni Kunoy Dávason sjálvur vann gull, vunnu Dávid á Lakj­ uni og Markus Davidsson Vas­ quez bronsu í sínum aldurs­ bólk­um. – Eg haldi, at tað hevur nógv at siga, at vera við til slíkar kapp­ing­ar. Vit vóru eisini við í DM, har vit fingu tríggjar dan­marks­meistarar, vunnu tvey silvurheiðursmerki og trý bronsu­heiðursmerki. Tað eri eg sera fegin um, sigur Høgni Kunoy Dávason, sum tó hyggur fram­eftir heldur enn aftureftir. Næsta málið er EM. Nú eru tað yvir 100 íðkarar í Taekwondo felagnum Hwarang Føroyar, sum heldur til í Søldar­ firði. Høgni Kunoy Dávason (Gull Junior A -59 Dreingir), Dávid Á Lakjuni (Bronsa Junior A -59 Dreingir), Signar Hansen (Kappaðist eisini í bólkinum Junior A -59 Dreingir), Markus Davidsson Vazquez (Bronsa Cadet A -45 Dreingir) og venjarin Mathias Gabrielsen Dávur Kunoy Høgnason, pápi Høgna, berur fram røðu Durita Joensen, skúlastjóri í skúlanum við Løkin bar fram røðu fyri løgmann, ið ikki fekk verði á staðnum 14 ára gamli Høgni Kunoy Dávason er sera fegin um avrikið hjá sær og liðfeløgum sínum Omma Høgna, Ragnhild Kunoy Høgnesen, sigur nøkur orð saman við systkinabarni Høgna Róari Kunoy Im Borgarstjórin í Runavíkar kommunu, Torbjørn Jacobsen, heldur røðu fyri íðkarum á áhoyrarum Høgni Kunoy Dávason er takkar fyri stuðulin og móttøkuna Venjarin hjá Høgna, danin Mathias Gabrielsen, greiðir frá, at stórsigurin í Íslandi kom sera óvart á hann og onnur í feganum, tí upprunaliga varð farið til Íslands við tí fyri eyga at vita hvar felagið stóð í mun til onnur feløg í Norðurlondum Heri Hansen og Høgni Høgnesen - abbarnir hjá Høgna báðir Myndir: Torbjørn Jacobsen