hósdagur 31. januar 2019síða 16

FRÍGGJADAGUR 1. FEBRUAR 2019 SOSIALURIN 13 16 PÆTUR HJALMAR EVENSSON N avnframa føroyska s a n g a r ­i n n a n , Kristina Bærendsen, skal luttaka í ís­ lendska Grand Prixnum, sum byrj­ar í næstu viku. Hetta er aðru ferð, hon verður við í íslendsku kapp­ingini, sum á íslendskum kallast Söngvakeppnin. Í 2017 sungu hon og Páll Rósinkraz saman, men tað eydnaðist teim­um ikki at koma víðari til finaluna. Hesa ferð luttekur hon sum einstaklingur. Kristina Bærendsen skal syngja eitt lag, sum íslendsku Sveinn Rúnar Sigurðsson og Val­geir Magnússon hava gjørt. Fyrst­nevndi er royndur og viður­kendur sangskrivari, sum hevur skrivað nógvar sangir til Euro­vision seinastu árini. Hann leitaði eftir einari ráari, myrkari whiskey­rødd og fekk eitt prei um Kristinu frá einari kvinnu, sum hevði sungið saman við henni til eina konsert í Føroyum. Tá teir báðir so hoyrdu Kristinu á YouTube, blivu teir púra vekk í rødd hennara. - Teir høvdu roynt sangin við umleið 10 sangarinnum, men teir fingu ikki akkurát tað burturúr, sum teir vónaðu at fáa. Teir ætlaðu sær at taka sangin úr kappingini, tí teir ikki funnu røttu sangarinnuna. Tá teir so hoyrdu meg, vildu teir fyri ein og hvønn prís hava meg at syngja sangin, greiðir Kristina Bærend­sen frá. - Ikki sungið síðan babba fór Men Kristinu dámdi einki hug­ skotið um at vera við í Grand Prix­num í fyrstu atløgu. Hon hevur heldur ikki gjørt so nógv við tónleikin í síðstuni. Pápi hennara, Alex Bærendsen, doyði síðsta summar, og tað hevur eisini havt sína ávirkan á aktivitetin hjá Kristinu Bærend­ sen. - Fyrst segði eg nei. Eg skuldi ikki við í Eurovision. Eg havi ikki sungið so nógv hetta síðsta árið, og síðan babba fór, havi eg næstan einki sungið yvirhøvur. Men eg mátti royna at hanga í, hugs­aði eg. So eg lammaði bara til og takkaði ja til at syngja sangin, fortelur hon. “Eg eigi meg sjálva” Sangurin eitur “Ég á mig sjálf”, sum á føroyskum merkir “Eg eigi meg sjálva”. Vit kenna best Kristinu Bærendsen í country- høpi, men hesin sangurin víkir nakað frá country stílinum og er meira í stíli við popp og motown. - Sangurin er ordiliga góður, og mær dámar hann væl. Men vit royna at fokusera uppá ensku útgávuna, har hann eitur “Mama Said”. Sangskrivararnir ganga høgt upp í at geva eitt gott lag út fyri at fáa allar út­ varps­rásirnar at spæla tað, sigur Kristina Bærendsen. Sangurin er nevniliga bæði á ís­lendskum og enskum. Til EUROVISON: Kristina Bærendsen - Eg havi ikki sungið so nógv síðsta árið, og síðan babba fór, havi eg næstan einki sungið yvirhøvur. Men eg mátti royna at hanga í, fortelur Kristina Bærendsen, sum skal syngja lagið “Ég á mig sjálf” til íslendska prixið 9. februar Enn ein roynd: KRISTINA BÆRENDSEN VIÐ Í ÍSLENDSKA GRAND PRIXNUM