hósdagur 31. januar 2019síða 17

FRÍGGJADAGUR 1. FEBRUAR 2019 SOSIALURIN 13 17 undan­kappingina syngur hon íslendsku útgávuna, men um hon kemur í finaluna, syngur hon ta ensku útgávuna. Flutti til Íslands fyri at arbeiða Í 10 ár hevur Kristina Bær­end­sen livað av tónleiki, men fyri hálvum øðrum ári síðani flutti hon til Íslands fyri at royna okkurt nýtt. Hon fekk sam­band við fleiri íslendingar, aftaná luttøkuna í íslendska Grand Prixnum í 2017. Hon fekk sær síðani starv sum tænari á mat­stovu og hevur búð bæði í Keflavík og í Reykjavík. Hon stór­trívist í Íslandi, og tað liggur eisini væl fyri hjá henni at tosa ís­lendskt. - Tað gongur fínastaslag við tí ís­lendska. Men tá mann arbeiðir sum tænari, tosar mann fyri tað mesta enskt, tí her eru so nógv ferðafólk. Men eg læri enn, og eg skal bara inn í kampin, so tað íslendska verður enn betri. - Tað verður torført Undankappingarnar til ís­lend­ska Grand Prixið vera 9. og 16. febru­ar. Finalan verður 2. mars. Kristina Bærendsen skal syngja 9. februar, og um hon kemur víðari har frá, verður hon við í finalu­ni 2. mars. Men Kristina hevur ikki tær stóru vónirnar um at náa til finaluna. - Eg vænti ikki, at vit koma víðari, tí tað eru so fá, sum kenna meg í Íslandi. Tað verður torført – men kanska, bíða nú, tað kann vera, at øll verða yvirraskað. Men tað verður í øllum førum stutt­ligt at vera við, sigur hon. Kringvarp Føroya samsendir við íslendska kringvarpið, RUV, tá undankappingin verður 2. febru­ar. Mangir føroyingar hava roynt seg í Grand Prix kappingum seinastu árini. Her er eitt yvirlit HALLUR AV RANA H óast Føroyar ikki er limur í evropeiska public service felags­skapinum Euro­pean Broadcasting Union, sum krevst fyri at vera við í Euro­vision sang­ kapp­ingini, so hava fleiri før­oy­ingar roynt at vunn­ ið luttøku við at kappast í øðrum tjóðum. Enn hevur tað tó ikki eydnast nøkrum teirra at vinna rættin at umboða nakra aðra tjóð. Tað er serliga gjøgnum donsku kappingina, at før­ oy­ing­ar hava luttikið. Fyrstu ferð ein føroyingur luttók í kapp­ingini var í 1979, tá Annika Hoy­dal luttók við sangi­num Aldan. Hon gjørdist numm­ar fýra í kappingini, og hóast hon ikki kom við í Euro­ vision, so gjørdist sangurin fólka­ogn í Føroyum. Síðan gingu nøkur ár, áðrenn nakar føroyingur aftur royndi eydnuna í sang­ kapp­ingini. Næsti føroyski lut­takarin var Pætur við Keldu, sum í 2002 luttók við sangi­num Som En Drøm. Hann endaði nummar fimm í donsku kappingini. Tvey ár seinni var tað Petsi Tvør­foss, ið luttók við sangi­ num Mest Når Det Er Regn, og gjørdist hon eins og Pætur við Keldu nummar fimm. Fýra ár seinni gjørdist the Dreams fyrsti føroyski bólkurin, ið hevur luttikið í danska Melodi Grand Prix'num, tá teir endaðu nummar fýra við La' Mig Være. Í 2010 royndi Jens Marni Han­sen eydnuna við sangi­ num Gloria, men var hann ikki ein av teimum fýra lut­ takar­unum, ið kom víðari til finaluna. Tað eydnaðist heldur ikki Kristel Lis­berg at koma í finaluna, tá hon fyri í 2016 royndi seg við sangi­num Who Needs a Heart. Síðsta føroyska íkastið til danska Melodi Grand Prix'ið var bólkurin Carlsen, ið lut­ tók í kapp­ingini í 2018 við sanginum Standing Up for Love, men tær megnaðu held­ ur ikki at koma í finaluna í donsku kappingini. Royndir í Íslandi Umframt tey, ið hava roynt seg í donsku Melodi Grand Prix­ kappingini, so hava fýra aðrar føroyingar roynt seg í kapp­ingum í øðrum londum. Tríggir føroyingar hava roynt seg í íslendsku kappingini. Ei­vør Pálsdóttir var tann fyrsta, tá hon í 2003 luttók við sangi­num Í Nótt, men kom hon ikki í finaluna. Jógvan Hansen er einasti før­oyski luttakarin, ið hevur lut­tikið fleiri ferðir í kapp­ ing­ini. Í 2009 luttók hann við sangi­num I Think the World of You, tá hann endaði nummar fýra, í 2010 við sangi­ num One More Day, tá hann endaði nummar tvey, í 2011 kom hann í finaluna við sangi­ num Ég Lofa og sein­ast í 2013, tá hann sang sangin Til þín við Stefanía Svavars­dóttir. Tey komu í finaluna, men end­ aðu ikki í topp 2. Seinasta føroyska luttøkan í ís­lendsku kappingini var í 2017, tá Kristina Bærendsen sang Þú og ég við Páll Rósin­ kraz, men megnaðu tey ikki at vinna sær pláss í finaluni. Í 2008 luttók Brand­ur Enni í svensku Melodi­festi­vali­num, ið er svenska undan­kapp­ingin til Eurovision sang­kapp­ing­ina, við sanginum Lullaby, og hann endaði á einum fimta plássi. Eurovison: Fjúrtan føroyskar royndir