mánadagur 4. februar 2019síða 6

6 Sosialurin Hugskot og viðmerkingar – send sms til 225000 Mánadagur 4. februar 2019 · Nr. 14 - Føroyingar hava ikki hugsað um avleiðingarnar - Ein bygd, sum bara hevur summarhús, har eingin býr fast, er ein avtoftað bygd í okkara eygum. Um mann ikki ger nakað nú, kunnu vit missa møguleikan at fyribyrgja avleiðingunum, sigur Olga Biskopstø, samskipari í Útoyggjafelagnum, um manglandi treytirnar til útlendskar húsakeyparar Pætur Hjalmar Evensson pature@sosialurin.fo Útoyggjafelagið hevur í fleiri ár virkað fyri at tryggjað fólki við tilknýti til útoyggj møgu­ leika at búgva har. Men alsamt fleiri útlendingar vísa áhuga fyri at keypa hús á útoyggj, og hetta kann ávirka møgu­leik­ar­ nar hjá føroyingum, sum ynskja tað sama. - Útoyggjarnar eru spenn­ andi og attraktiv støð. Men hvat fer at henda, um teir út­ lend­ingar, sum nú hava áhuga, fara at bjóða hægri uppá hús­ ini, enn føroyingar? Eg trúgvi ikki, at føroyingar hava hugsað um avleiðingarnar, sigur Olga Biskop­stø, samskipari í Út­ oyggja­felagnum. Hon vísir á, at tað longu nú er trupult at fáa nakað at búgva í á útoyggj. Millum lítið og einki er at leiga, ongar út­ stykk­ingar eru, og tað er nær­ um ómøguligt at byggja, tí bank­arnir vilja treyðugt geva lán. Einastu møguleikarnir eru tey húsini, sum hendingaferðir standa til sølu. - Áhugin frá útlendingum ger tað enn truplari hjá teim­ um lokalu, tí nú skulu tey keypa í kapping við bæði út­ lend­ingar og aðrar áhugaðar før­oy­ingar. Tá kunnu húsini blíva dýr, og tað hava út­ oyggja­fólk ofta ikki ráð til, sigur Olga Biskopstø. Summarhús kontra heilárshús Tað eru tey, ið vilja búseta seg fast á útoyggj - men so eru tað eisini tey, ið ynskja summ­ar­ hús á útoyggj, sum eru hin stóra avbjóðingin hjá útoyggj­ um. Nógvir føroyingar hava í dag hús á útoyggj, sum bara verða brúkt ein lítlan part av ár­inum. Útoyggjafelagið sær hetta sum eina hóttan ímóti fram­tíðini hjá útoyggjum, tí nett­upp hendan avbjóðingin verð­ur enn størri, um tað vísir seg, at útlendingar fara at keypa hús á útoyggj fyri síðan bara at halda til har ein part av ár­inum. - Ein bygd, sum bara hevur summarhús, har eingin býr fast, er ein avtoftað bygd í okk­ ara eygum. Tað er umráðandi, at tað eru fastbúgvandi á øll­ um útoyggjum, tí tað eru tey, sum tryggja, at mentanin verð­ ur varðveidd, og at oyggin verð­ur røkt alt árið, Olga Biskop­stø. Hon sigur, at Útoyggja­fe­ lagið tekur ikki dagar ímillum, um tað eru útlendingar ella før­oyingar, ið búgva á útoyggj, so leingi tey eru fastbúgvandi, og lokalu útoyggjafólkini hava góðar møguleikar at búgva har. - Okkurt má gerast nú Útoyggjafelagið meinar, at myndug­leikarnir skulu tryggja bú­setingina á útoyggj við at seta treytir til tey, ið eiga hús á út­oyggj uttan at búgva har. - Mann skal hava greiðar regl­ur um keyp av ognum í Før­oyum frá útlendingum. Í dag eru eingi mørk fyri, hvat fólk kunnu keypa, og út­lend­ ing­ar kunnu í roynd og veru væl keypa eina heila oyggj. Hetta er eitt kjak, mann eigur at taka upp fyri at finna útav, hvørji amboð mann vil brúka polit­iskt, sigur samskiparin í Út­oyggjafelagnum. Útoyggjafelagið hevur ikki nakað beinleiðis boð uppá eina kon­kreta loysn enn, men Olga Biskopstø vísir á, at mann kann umhugsa bústaðarskyldu ella skyldu at leiga út. Hon held­ur eisini, at kommunurnar og Bústaðir eiga at gera sítt fyri, at leiguíbúðir og aðrar bú­ stað­arolysnir koma á útoyggj, so­leiðis at tey, ið ynskja sær bú­stað á útoyggj, kunnu fáa tað. - Vit vóna, at myndug­leik­ar­ n­ir arbeiða við at finna onkra loysn. Vónandi fer tað at ganga rímiliga skjótt, tí um mann ikki gera nakað nú, kunnu vit missa møguleikan at fyri­byrgja møgu­ ligu avleið­ing­un­um. Tá út­lend­ ingarnir longu hava keypt alt, kann mann ikki bara taka ogn­ irnar aftur frá teim­um, sigur Olga Biskop­stø. Útlendskir húsakeyparar Útoyggjafelagið stúrir: Útoyggjarnar í Føroyum: Fugloy, Svínoy, Kalsoy, Mykines, Stóru Dímun, Skúvoy, Hesti og Koltur Í Mykinesi eru fleiri gomul hús, sum gravgangur er eftir frá bæði føroyingum og útlendingum Olga Biskopstø, samskipari í Útoyggjafelagnum, vónar, at myndugleikarnir gera okkurt skjótt