týsdagur 5. februar 2019síða 22

Mikudagur 6. februar 2019 · Nr. 15 22 Sosialurin Hugskot og viðmerkingar – send sms til 225000 Hugskot og viðmerkingar – send sms til 225000 Sjúrður Hildarson Hoydal Tá ið vit práta við Jóhan á Plógv Hansen hevur hann júst verið til fyrstu venjingina síðani HM. Nú verður vant aftur við felagnum, Bjerringbro-Silke­ borg Voel – ella BSV, sum fólk flest rópa felagið. Venjast skal fram til dystin móti TMS Ringsted, og tað tykist sum at føroyingurin er komin fyri seg eftir HM-hátíðarhaldið, tí hann skjýtur átta mál í sigrinum, ið sendur BSV á sætta plássið. Eitt stig frá triðja plássinum í donsku landskappingini, sum er sera jøvn í ár. Saman við liðfelagunum, Nikolaj Markussen og Niko­laj Øris er Jóhan á Plógv Han­sen ein av trimum heims­meistar­ um, ið verða heiðraðir í høllini í Silkeborg hendan dagin. Føroyingurin hevur verið heiðraður nógv seinastu dag­ ar­nar síðani HM-sigurin, men hann veit ikki um tað kennist heilt veruligt enn. -Eg sigi við meg sjálvan at eg havi fatað tað, men eg haldi ikki eg havi skilt tað heilt enn. Eg vænti at tá vit hava verið í gongd aftur eina løtu fari eg at hugsa ‘halt kipp, eg eri heims­ meistari í hondbólti’, flennir før­oy­ingurin. Jóhan á Plógv er eisini glað­ur fyri at koma aftur til gerandis­dagin í Silkeborg. HM var ein strævin mánaði við at vera burtur og búgva á gist­ ingar­húsi við alskyns miðl­um renn­andi eftir sær. -Tað ljóðar luksus, men tað er eisini strævið. Tað er sjáldan at eg sigi at úti er gott men heima er best, men tað má eg siga hesaferð, tekur hann til. Kom brádliga við til HM Alt hendi eisini eitt sindur brád­ liga við HM-luttøkuni føroyska høgra vonginum. Fyrst fekk royndi høgri vongurin, Hans Lind­berg, ein lítlan snudd, og tí traðkaði Jóhan á Plógv Hansen til í venjingardystunum undan HM, men tá ið Lindberg fekk ein álvarsligari skaða í fyrsta HM-dystinum, vóru boð aftur send eftir føroyinginum. -Eg var við liðinum hósdagin til fyrsta HM-dystin, greiðir hann frá. - Vit spældu í Keyp­ manna­havn og var við til nakrar venjingar har, og koyrdi so við landsliðinum til Herning eftir dystin. Síðani fór eg heim til Silkeborg, men eg fái at vita at Lindberg hevur fingið ein lítlan fiburskaða í tjúkkan, so at eg skuldi vera til reiðar at koma aftur. Dagin eftir vísa kann­ingar so, at hann ikki fær spælt, og so stóð eg knappliga har og skuldi spæla HM-enda­ spæl á heimavølli. Meðan Jóhan á Plógv greiðir frá byrjar hann at flenna og endur­tekur: -Eg veit ikki heilt um eg havi fatað tað enn. -Hetta er nakað sum man er heppin at uppliva einaferð í sínum lívi, at spæla HM á heima­vølli – Og so enntá vinna gull. Tað er nokkso óveruligt, greið­ir heimsmeistarin frá. Alt hendi brádliga Tí at vinna Heims­meistara­ heitið var sanniliga ein óveru­ ligur tanki, tá ið Jóhan á Plógv vandi í Føroyum sum smá­ drong­ur. Tá ið tað vísti seg at hann hevði serligar førleikar, so var tað heldur ikki ætlanin at gerast yrkishondbóltsleikari. -Dreymurin var at fara niður at spæla í eitt ár, tá ið eg var 16 ára gamal, og so koma heim at vón­andi spæla við besta liði hjá Kyndli. Men alt hendi av sær sjálv­um. Brádliga spældi eg eitt ár afturat, brádliga kom eg á besta liðið hjá Skanderborg og brád­liga fekk eg boð frá fleiri av fremstu liðunum, minnist hann. Valið fall á BSV, og í fyrsta kappingarárinum, 2016, gjørd­ ist føroyingurin Dan­marks­ meistari. Alt tóktist at vera hent brádliga, men tað snúði seg mest um at altíð seta sær nýggj og størri mál, greiðir Jóhan á Plógv Hansen frá, og leggur afturat at nú er torført at seta sær hægri mál, eftir at hann hevur upplivað nakað av tí størsta ein hondbóltsleikari kann uppliva, áðrenn hann staðfestir: -Eg hevði aldrin trúð at eg skuldi standa her. Kundi spæla við Danmark um eg hevði hug Men Jóhan á Plógv Hansen stendur nú her. Millum størstu hondbóltsleikararnar í heimi­ num sum Heimsmeistari. Hann lýtur aftur á hvussu hann end­ aði á danska landsliðnum: -Tað var ein ungdómsvenjari hjá Danmark, sum segði at eg kundi spæla við Danmark um eg hevði hug. Samstundis fekk eg at vita at Føroyar einki A-landslið fór at hava næstu árini, minnist hann. Føroyingurin tók av til­boði­ num, men visti eisini at nógv talent fáa at vita at tey kunnu koma á landsliðið, men tað er hjá teimum fægstu at tað eydnast. At tað eydnaðist føroyska vongi­num at koma á hetta lands­liðið kom av nógvari venj­ ing. Onnur fólk siga um før­oy­ ingin, at hann arbeiðir harðari enn tey flestu, men Jóhan á Plógv sjálvur hugsar ikki so nógv um arbeiði. -Eg havi altíð elskað at havt ein bólt í hondini ella við føtur­ nar. Eg fór á vøllin ella í høllina við vinunum hvønn møguleika eg fekk, tí at eg hevði tað stuttligt har. Tað snýr seg um at hava tað stuttligt Ein av teimum, ið eggjaðu før­oy­ingin til at royna seg á HONDBÓLTUR Jóhan á Plógv Hansen: Jóhan á Plógv Hansen, hevur ikki heilt fatað at hann er vorðin Heimsmeistari í hondbólti. Alt hendi so brádliga eins og tað er hent í allari yrkisleiðini. Men tað snýr seg fyrst og fremst um at hava tað stuttligt, og føroyski Heimsmeistarin hevur tað stuttligast við einum bólti hondini “HALT KIPP, EG ERI HEIMSMEISTARI Í HONDBÓLTI” Dreymurin var at fara niður at spæla í eitt ár, tá ið eg var 16 ára gamal, og so koma heim at vónandi spæla við besta liði hjá Kyndli