hósdagur 7. februar 2019síða 7

FRÍGGJADAGUR 8. FEBRUAR 2019 SOSIALURIN 16 7 Á palli við Eminem Tað er ikki ein og hvørjum unt at fáa fast starv í symfoniorkestri, men Heiðrun er sanniliga ikki ein óroyndur violinleikari. Hon hevur leingi spælt við Nordic String Quartet og eitt tíðar­ skeið við DR’s Sym­foni­orkest­er. Í summar spældi hon eisini á Roskilde Festivalinum á størsta pallinum, Orange Scene, saman við kenda amerikanska rapp­ara­ num Emi­nem. Hetta var mest vitjaða kon­sert­in nakrantíð á danska tón­leika­festivalinum við fleiri enn 100.000 áskoðarunum. Eisini hevur Heiðrun spælt fyri Mar­gretu drotning og Heind­rik­ ki prinsi, sála, á vínslotti teirra í Fraklandi. Spurd hvør mest minnisverda upp­living hennara á palli hevur verið, nevnir hon sjálv konsertina við strúkiljómliðnum Nordic String Quartet. Seinastu árini hevur hon gingið í solistflokki á konservatoriinum við hinum tón­leikarunum í liðnum. – Hetta hevur verið mín familja seinastu 10 árini, og kon­servatoriið hevur verið mítt heim, so tað var ein ótrúliga stór og rørandi uppliving at spæla debutkonsert saman við teim­ um. Tað var ein kensla av eitt kapittul endaði, samstundis sum eitt nýtt byrjaði og tað at knapp­ liga skula standa púra á egnum beinum. Saman við Nordic String Quartet skal Heiðrun spæla til minniskonsertina hjá Heind­ rikki Prinsi 20. februar í Fredens­ borg Slotskirke. Væntar sær barn í summar Umframt at Heiðrun er komin fram til eitt vegamót á yrkisleið síni, henda eisini onnur ting. Herfyri var frammi, at Heiðrun og unnustin, kendi danski undirhaldarin og tón­leik­ ar­in, Sigurd Barrett, høvdu keypt eini hús í Havn. Harumframt kunngjørdi parið í fjør summar, at tey skuldu giftast. Brúdleypið skuldi eftir ætlan standa 1. juni í Føroyum, men nú er brúdleypið útsett av tí, at parið væntar sær barn júst henda sama dag. – Vit gleða okkum sera nógv. Eg sakni Føroyar og vil gjarna heim oftari og kanska í longri tíðar­skeið viðhvørt. Tíbetur er Sigurd eisini sera glað­ur fyri at vera í Før­oy­um, so vit eru bæði glað fyri húsa­keyp­ ið í Havn­ini og gleða okk­um, til vit aftur kunnu fara heim til Før­oy­ ar. OLUVA@SOSIALURIN.FO Copenhagen Phil varð stovnað í 1843 samstundis sum Tivoli í Keypmannahavn lat upp. Síðan tá hevur orkestrið spælt í Tivoli á hvørjum sumri, og restina av árinum verður spælt um alt Sæland. Í dag hevur orkestrið 70 tónleikarar í føstum starvi. Umframt Heiðrun Petersen er føroyski bratsjspælarin Jákup Lützen eisini við í orkestrinum. Spæliskráin hjá Copenhagen Phil sæst á heimasíðuni hjá orkestrinum: www.copenhagenphil.dk Heiðrun Petersen er fødd í 1991 í Havn. Hon hevur gingið til violin hjá Sámal Petersen í Musikkskúlanum í Tórshavn í 10 ár og bleiv útbúgvin violinleikari á Det Kongelige Danske Musikkonservatorium í fjør. Heiðrun hevur m. a. spælt við í DR’s Symfoniorkester, Nordic String Quartet og Copenhagen Phil, har hon frá næstu viku hevur fast pláss sum 1. violinistur. Hon og unnustin Sigurd Barrett búgva í Valby í Danmark. Fakta um Copenhagen Phil: Fakta um Heiðrun: Nordic String Quartet. Heiðrun stendur nummar tvey frá høgru Heiðrun Petersen