hósdagur 7. februar 2019síða 12

FRÍGGJADAGUR 8. FEBRUAR 2019 SOSIALURIN 16 12 TEMA Veðurlagsbroytingar - Fjølbroyttari elprísir á veg - Vit hava søkt myndugleikarnar at fáa góðkent teir prísir, ið vit hava mælt til, aftaná at nýggja lógin varð samtykt. Við lægri elprísum fær brúkarin eina fíggjarliga orsøk til at velja grønu loysnirnar. MVG- frítøkur og onnur átøk, ið landið frammanundan hevur gjørt, stuðla eisini uppundir einum slíkum skifti, sigur Hákun Djurhuus, stjóri í SEV, um hvussu man fær føroyingar at velja grønar orkuloysnir HALLUR AV RANA HALLUR@SOSIALURIN.FO Í 2030 er málið, at elframleiðslan í Føroyum skal vera ein 100 prosent grøn. Talan er um eina framsøkna ætlan, tí havast skal í huga, at í fjør var einans 49 prosent av framleiðsluni grøn. Sostatt skal helmingurin av framleiðsuni umleggjast til grøna orku næstu 11 árini, um man ynskir at náa málsetninginum. Hóast uppgávan tykist stór, so er Hákun Djurhuus, stjóri í SEV, bjartskygdur um, at tað fer at eydnast og vísir á, at man í summar handaði Sirið Stenberg, landsstýriskvinnu í heilsu- og innlendismálum, eina frágreiðing, ið stingur út í kortið hvussu málið skal náast. - Í henni verður ítøkiligt víst á hvussu vit ætla at útbyggja fram til 2030. Tað er eitt framstig, tí vit hava aldrin havt eina so nágreiniliga koyriætlan áður. Harumframt eru vit í holt við at seta vindmátimastrar upp ymsastaðni kring landið fyri at gera klárt til fleiri útboð í framtíðini, upplýsir Hákun Djurhuus. Hann vísir eisini á, at 2030 málið er ein verkætlan, ið hevur vakt ans um allan heim. - Útlendingar vísa stóran áhuga fyri tí, ið vit fáast vit her. Tað er spennandi fyri Føroyar at vera eitt show case upp á hvussu hetta letur seg gera. Enn møta vit fólkum sum tosa um trupulleikar, trupulleikar, trupulleikar, men vit eru longu komin har til at vit tosa loysnir, loysnir, loysnir. Og tað er stuttligari at tosa um loysnir enn at tosa um trupulleikar, sigur hann. Ymiskir elprísir Fyri at tryggja eitt orkuskifti frá olju til grøna orku er neyðugt, at hugsað verður í tveimum sporum, metir stjórin í SEV. Tað eina er at gera sjálva elveitingina grøna, meðan tað seinna er grønar loysnir í form av hitapumpum, fjarhita og elbilum. - Har skulu nøkur ting henda á tí økinum. Deils skulu nakrar útbjóðarar bjóða vøruna fram, og tað hava vit ikki sum nú er, og deils skal tað vera soleiðis, at brúkarin bæði følir seg tryggan og fær ein fíggjarligan fyrimun av at velja grønu loysnina, sigur hann. Stjórin í SEV upplýsir, at felagið hevur søkt myndugleikarnar um loyvi at broyta elprísirnar, nú ein nýggj lóg er samtykt, ið letur upp fyri ymiskar elprísir. - Vit hava søkt myndugleikarnar at fáa góðkent teir prísir, ið vit hava mælt til, aftaná at nýggja lógin varð samtykt. Við lægri elprísum fær brúkarin eina fíggjarliga orsøk til at velja grønu loysnirnar. MVG-frítøkur og onnur átøk, ið landið frammanundan hevur gjørt, stuðla eisini uppundir einum slíkum skifti, sigur Hákun Djurhuus. Sakna r betri tilboð Men um føroyingar veruliga skulu taka grønu orkuna til sín, so metir stjórin í SEV, at betri tilboð mugu veitast húskjum kring landið, so at tað verður ómakaleyst at skifta yvir til grønar loysnir. - Til verandi húskir manglar tað, at tey kunnu fara á eitt stað og fáa eina heildarloysn í samband við skiftið til grøna orku. Tað er so øgiliga fløkt at vita hvat er skilabest og har skal góð ráðgeving til, sigur Hákun Djurhuus og leggur afturat. - Man skal kunnu fáa ráðgevingina, fíggingina, vøruna, uppsetan og raksturin á sama stað. Tað skal bera til at undirskriva ein sáttmála við ein veitara um, at eg rindi eina ávís upphædd mánaðarliga næstu 20 árini. Afturfyri syrgir viðkomandi fyri øllum. Tað hevði gjørt tað lættari hjá brúkarunum at valt grønar loysnir. Um man ynskir at fáa eina broyting skjótt, so er tað slíkt, ið skal til. Og sambært Hákuni Djurhuus eru tey feløgini longu til, ið kunnu bjóða slíkar heildarloysnir til kundarnar. - So hvørt sum samfelagið verður meira elektrifisera, missa oljufeløgini tænastuna at selja gassolju til sethús og stóran part av bensin og diesel til bilar. Tá tey missa tær inntøkurnar er upplagt, at tey fara inn í hetta. Tey kunnu bjóða bæði elbilar og hitapumpur til verandi kundar. Og vit levera gjarna elið og lata teir fakturera tað. Hetta ber væl til í verandi skipan. So har hevði eg ímyndað mær, at vit gjørdu onkrar rammuavtalur við verandi orkufelag, sigur hann. Enn møta vit fólkum sum tosa um trupulleikar, trupulleikar, trupulleikar, men vit eru longu komin har til at vit tosa loysnir, loysnir, loysnir. Og tað er stuttligari at tosa um loysnir enn at tosa um trupulleikar Til verandi húskir manglar tað, at tey kunnu fara á eitt stað og fáa eina heildarloysn í samband við skiftið til grøna orku. Tað er so øgiliga fløkt at vita hvat er skilabest og har skal góð ráðgeving til Hákun Djurhuus er sannførdur um, at SEV megnar 2030 málið