hósdagur 7. februar 2019síða 13

FRÍGGJADAGUR 8. FEBRUAR 2019 SOSIALURIN 16 13 Pengapungurin dregur meira enn grøni vinkulin - Fólk vilja gjarna síggja, at tað loysir seg fíggjarliga. Og tá ávirkar tað eisini, at tey sum selja og skifta gamlar oljufýringar út, bjóða ótrúliga góð tilboð fyri ikki at missa kundarnar. Tað sigur seg sjálvt, tað hevði eg nokk eisini gørt um eg var teir. Og vit síggja, at tann grøni vinkulin vigar eitt sindur hjá summum, men tað er kortini pengapungurin, sum dregur mest hjá teimum allar flestu. Tað sigur Kári Mortensen, deildarleiðari í Orka. HALLUR AV RANA HALLUR@SOSIALURIN.FO H óast nógv hevur verið tosað seinastu árini um at fáa føroysk húskir at skifta yvir til grønar orkuloysnir, so gongur tað ov seint framá. Tað metir Kári Mortensen, deildarleiðari í Orku, ið er ein deild undir Umhvørvisstovuni, ið saman við SEV arbeiðir til frama fyri føroyska orkuskiftinum. - Tað gongur ikki so ræðuliga skjótt, men tað gongur rætta vegin. 350 hús hava fjarhita og kanska eini 700-800 hava luft/ vatn, so tað eru meira enn eini 1.000 hús í Føroyum, ið hava hitapumpur. So tað er kortini eitt sindur, tá hædd verður tikið fyri, at tað eru 18.000 hús her á landi, sigur Kári Mortensen. Tað vil siga, at 18. hvørt hús í Føroyum brúkar í verandi løtu eina grøna orkuloysn. Tað merkir at langt er eftir á mál og vónar deildarleiðarin í Orku, at ferð kemur á orkuskiftið, tá SEV broytir el-prísirnir. - Vit síggja broytingar, men viðvíkjandi verandi bygningum, tykist vera neyðugt við einum ordans taki fyri at fáa fólk at skifta. Avbjóðingin er at fáa eldra ættarliðið at skifta oljufýrarnar út. Tað verður tørført at fáa tey at skifta yvir, men snýr tað seg um at vísa teimum hvussu gott tað loysir seg fíggjarliga. Tað roknistykkið sær gott út, serliga nú SEV arbeiðir við broyta elprísin. Tað vænti eg kann veruliga seta ferð á orkuskiftið, sigur Kári Mortensen. Pengapungurin Tað er týdningarmikið, at prísirnir fyri grønu orkuloysnirnar verða lægri, tí tá alt kemur til stykkis, so er tað fíggjarliga tað, ið vigar mest hjá fólki, tá tey skulu velja eina orkuloysn. - Fólk vilja gjarna síggja, at tað loysir seg fíggjarliga. Og tá ávirkar tað eisini, at tey sum selja og skifta gamlar oljufýringar út, bjóða ótrúliga góð tilboð fyri ikki at missa kundarnar. Tað sigur seg sjálvt, tað hevði eg nokk eisini gørt um eg var teir. Og vit síggja, at tann grøni vinkulin vigar eitt sindur hjá summum, men tað er kortini pengapungurin, sum dregur mest hjá teimum allar flestu, sigur deildarleiðarin á Orku. Tó so heldur hann, at ein broyting er at hóma í hugburðinum millum yngra ættarliðið, har alsamt fleiri velja grønar orkuloysnir. - Hjá ungum er tað heilt týðiligt, at tey velja grønu loysnirnar. So hóast man tosar um at tvinga fólk at skifta, so er tað kanska ikki so neyðugt, tí nógv taka longu tað valið, sigur hann. Elbilar Viðvíkjandi elbilum væntar Kári Mortensen, at tað ganga ikki meira enn tvey ár, áðrenn vit síggja eitt veruligt skifti í Føroyum. - Í løtuni er tað sum alla aðrastaðni. Í fyrstani gongur tað øgiliga seint at fáa fólk at skifta, hóast ein elbilur ikki er dýrari enn ein miðal familjubilur. Men sjálvt um prísurin er kappingarførur velja fólk tað frá, sigur hann. Í stóran mun metir hann, at tað er not in my backyard hugburðurin, ið ger seg galdandi her. Tað snýr seg um, at hóast fólk eru glað fyri, at man byggir vindmyllur, so vil eingin hava eina í sínum egna hava. Og í Føroyum tykist tað í løtuni at vera so, at fólk eru glað fyri elbilar, men keypa teir kortini ikki sjálvi. - Tað síggja vit sjálvt hjá teimum, ið hugsa grønt til dagligt. Tá tað kemur til stykkis keypa tey sær heldur ein bensilbil. Men eg vænti, at hetta fer brádliga at skifta. Eins og vit síggja, at ung fólk eru farin at velja hitapumpur og bjálva húsini væl, vænti eg at tey framyvir keypa elbilar, sigur Kári Mortensen. - Hjá ungum er tað heilt týðiligt, at tey velja grønu loysnirnar. So hóast man tosar um at tvinga fólk at skifta, so er tað kanska ikki so neyðugt, tí nógv taka longu tað valið - 350 hús hava fjarhita og kanska eini 700-800 hava luft/vatn, so tað eru meira enn eini 1.000 hús í Føroyum, ið hava hitapumpur. So tað er kortini eitt sindur, tá hædd verður tikið fyri, at tað eru 18.000 hús her á landi