hósdagur 7. februar 2019síða 16

FRÍGGJADAGUR 8. FEBRUAR 2019 SOSIALURIN 16 16 - Nú hava føroyingar møguleika at læra eitt sindur av kinesiskum - Tað frøðir meg, at føroyingar nú onkursvegna kunnu síggja Kina við nýggjum eygum, sigur Feng Dai Jørgensen um nýggju føroyskt/kinesiskt orðabókina, sum nú er tøk á Sprotanum PÆTUR HJALMAR EVENSSON PATURE@SOSIALURIN.FO F ríggjadagin í síðstu viku kom fyrsta stigið av ein­ ari nýggjari før­oyskt/ kin­esiskt orðabók út. Orða­bókin er nú tøk á Sprot­an­um sam­an við hinum talgildu orða­ bók­unum, og ætlanin er at halda fram við at menna orðabøkurnar. Ritstjórar til føroyskt/kin­es­iskt orðabókina eru Jóhanna Magn­ usardóttir, Dávid Fossdalsá og Kimb­erly Joy. Nýggja orðabókin varð løgd fram á Reinsarínum fríggjadagin 1. februar, og sera nógv fólk møttu upp til tiltakið. Fleiri kinesarar í Før­oyum høvdu leitað sær oman hend­an seinnapartin, og millum tey uppmøttu vóru tær báðar Feng Dai Jørgensen og Mei Berthelsen. - Tað er gleðiligt, at føroyingar hava tikið stig til hetta, og tað er ordi­liga stuttligt at síggja, at so nógv fólk møttu upp. At hendan orða­bókin er komin, er áhugavert fyri okkum. Tað leggur grundarlag fyri, at føroyingar, sum eru áhug­ að­ir í Kina og kinesiskum máli, kunnu fáa ein møguleika at læra eitt lítið sindur av einfaldum kin­ es­iskum, sum kann brúkast dag­ liga í Kina, siga tær báðar. Feng Dai Jørgensen vísir á, at tað er sera ringt at læra seg ordiligt kin­esiskt, um mann ikki býr í Kina leingi. Til dømis er tað so, at eitt orð merkir ymiskt, alt eftir hvussu tað verður úttalað. Eisini broytist merk­ingin alt eftir, hvar í einum setn­ingi orðið stendur – altso hvussu raðfylgjan er. - Tað frøðir meg at síggja, at føroyingar nú onkursvegna kunnu síggja Kina við øðrum og nýggj­um eygum, tí kanska onkur fer at læra seg enn meira um Kina nú, sigur Feng Dai Jørgensen. Hava lært seg føroyskt Tær hava báðar búð í Føroyum í meira enn 10 ár, og tær tosa og skilja báðar tvær væl føroyskt í dag. Tær siga, at tær eisini høvdu kunnað hugsað sær at gjørt okk­ urt líknandi, sum eisini kann vera við til at knýta Føroyar og Kina meira saman. Tá Mei Berthelsen flutti til Før­oya í 2007, skilti hon ikki før­ oyskt. Men tað gongur væl við tí før­oyska hjá henni í dag. - Eg gekk á kvøldskúla fyri at læra meg føroyska málið, sigur Mei Berthelsen. Feng flutti til Føroya í 2001, og tað tók henni ikki langa tíð at læra føroyskt, tí hon var íðinn eftir at læra málið. - Tá eg kom til Føroya var einki skeið ella nakað líknandi. Eg lærdi meg sjálv við at lesa Sosialin og Dimma­lætting, og so kannaði eg orð fyri orð í orðabókini. So lurtaði eg eftir útvarpinum fyri at vita, um eg kendi orðini aftur. Eg dugdi at lesa føroysku bløðini aftaná tríggj­ar mánaðir í Føroyum. Men at tosa er tann ringasti parturin, sigur Feng Dai Jørgensen, sum seinni hevur fingið sær privat lær­ara fyri at betra enn meira um tað føroyska. Feng Dai Jørgensen og Mei Berthelsen uttan fyri Reinsaríið, tá orðabókin varð løgd fram Orðabókin á Sprotin.fo Nýggj føroysk/kinesisk orðabók: