hósdagur 14. februar 2019síða 3

FRÍGGJADAGUR 15. FEBRUAR 2019 SOSIALURIN 19 3 Framsókn fekk fyri miss -Tjóðveldi fyri støddina Eftir drúgvar samráðingar er samgongan klár til tað, sum er eftir av valskeiðinum ÁRNI GREGERSEN T að tók sína tíð, men nú er samgongan til reiðar til tað, sum er eftir av hes­um valskeiðinum. Hanna Jensen, Framsókn, er nýggj landsstýriskvinna og skal taka sær av undirvísing og gransk­ ing. Hin parturin av menta­málum, sum lógu eftir Rigmor Dam, fella til Tjóðveldi. Tað verður Høgni Hoy­dal, formaður í Tjóðveldi, sum fer at umsita hesi málini. Styrkimunurin millum teir tríggj­ar samgonguflokkarnar gjørdi helst, at Javnaðarflokkurin noydd­ist at lata eitt sindur. Flokk­ ur­in er tódnaður úr átta til seks ting­limir síðani samgongan var skipað. Framsókn noyddist at gjalda ein prís og missa formannin í fíggj­ ar­nevndini, tí Kristin Michelsen, borgarstjóri á Tvøroyri, var koyrd­ ur úr Javnaðarflokkinum. Tað hevði við sær, at andstøðan vildi velja nýggjan formann í fíggj­arnevndini fyri Ruth Vang, Fram­sókn. Nýggjur formaður er Bárð­ur á Steig Nielsen, formaður í Sam­bandsflokkinum. Fyri hetta fekk Framsókn und­ ir­vísingarál og gransking. For­ kvinnan í mentunnarnevndini hjá Løgtingum, Hanna Jensen, um­situr hetta, tað sum eftir er av val­skeiðn­um. Enn er ikki avgjørt, hvør tekur við sum formaður í ment­ann­ar­ nevnd­ini eftir Honnu Jensen. Tjóðveldi fekk so mentamál og tað verður formaðurin, Høgni Hoy­dal, sum fer at umsita tey. Onki nýtt aðalráð verður sett á stovn. Hanna Jensen og Høgni Hoydal fara framvegis at brúka aðalráðið í mentamálaráðnum. -Vit samdust rættuliga skjótt um, at tað ikki hevði verið skilagott at sett eitt landsstýrisfólk afturat, sigur Høgni Hoydal, varaløgmaður. Við hesum flytingum kann sam­gongan halda fram. Framsókn fær ein nýggjan tingmann, meðani rest­in ikki flytur seg nakað serligt. Nýggi tingmaðurin fyri Fram­ sókn verður hin 24 ára gamli Bjarni Petersen. Mál at avgreiða Samgongan situr eftir øllum at døma til endan av august, tá ið væl skal vera, tí tá eru fýra ár farin. Sjálv samgongan telir 15 ting­ limir, meðan andstøðan hev­ur 16. Tað sum ein partur av sam­ráð­ ing­unum í seinastuni hava gingið út uppá fyri samgonguna, er at tryggja, at tað ber til at fáa minst 17 atkvøður fyri teimum málum, sum hon hevur sett sær fyri at gjøgn­umføra. Samgongan hevur ein trúgvan stuðul í uttanflokkatingkvinnuni Sonju Jógvansdóttir, sum annars er á veg inn í Tjóðveldi. Hin leysgangarin í tinginum er Magni Laksáfoss, sum var í tingbólkinum hjá Sam­bands­flokk­ in­um, men nú er uttan­flokka­ting­ maður. Hann hevur stuðlað sam­ gong­uni av og á. Triði leysgangarin er fyrr­ ver­andi limurin í tingbólkinum hjá Javn­aðarflokkinum, Kristin Michel­sen. Han var koyrdur úr ting­bólk­in­ um og hevur síðan arbeitt saman við andstøðuni. Nú er so spurningurin um, hvør fer at stuðla samgonguni í teim­ um málum hon hevur sett sær fyri at raðfesta. Verður tað ein fastur stuðul ella er avtala gjørd um ymisku uppskotini, sum koma í tingið áðrenn seinasta fram­løgu­ dag­in 28.februar. Hend­an dag­in, skal umsitingin hjá Løg­ting­inum hava uppskotini. Skulu uppskot leggjast fyri tingið eftir hendan dag, mugu í minsta lagi 17 tingfólk loyva hes­ um og skriva undir. At talan er um nógv uppskot sæst á listanum her á síðuni. Her er tal­an um stór lógaruppskot, sum krevja gjølla viðgerð í nevndum. Landsstýrið fer í næstu viku at hava tíðindafund um, hvussu ætl­ anin er at fremja hesi upp­skotini. Mál at fremja í hesum valskeiðnum: At seta ferð á nøkur yvirtøkumál. At niðurrinda skuld, sum fellur til gjaldingar í juni. Talgildi samleikin. Nýggjan listaskúla á Sandi. Vælferðarlógin. Bústaðarpakkin. Margfeldislógin. Lóg um veiðigjald. Húsarhaldsskúlin í Klaksvík. Ítróttarháskúlin í Vági. Eftirskúli á Tvøroyri. At fáa longt barnsburðarfarloyvið við tveimum vikum. Hjálparfólkaútbúgvingin. At seta borin í Dalstunnilin og Hvalbiartunnilin. Hanna Jensen , Framsókn, er nýggj landsstýriskvinna og tekur sær av undirvísing og gransking. Tjóðveldi fær mentamál og tað verður formaðurin, Høgni Hoydal, sum fer at umsita tey. Løgmaður hevur fingið sett samgonguna saman aftur, hóast hon formliga bert telir 15 tinglimir