hósdagur 14. februar 2019síða 25

FRÍGGJADAGUR 15. FEBRUAR 2019 SOSIALURIN 19 25 - Spreingingar og ristingar fara serliga í fyrstuni at ávirka í Húsa­ vík og móti endanum eisini í Dali. Nakað av larmi verður frá mask­ in­um og lastbilum, men vit fara sam­an við kommununi at royna at av­marka ávirkanina sum mest og best. Verkætlanarleiðarin legði aftr­ at, at neyðugt verður at steingja tann partin av vegnum, har tungu mask­inurnar fara at koyra, og tá so hesin vegur er breiðk­aður, verð­ur støða tikin til, um veg­urin tá verð­ur opin aftur. - Fólk, sum hava ørindi á vegn­ um og størri bilar, ið ikki kunnu koyra runt, kunnu tá gera avtalu við okkara fólk um at sleppa at koyra, og tað fer ikki at vera nak­ar trupulleiki, segði Fríðrik Heine­sen. Lendiskeyp Tá yvirfriðingarmyndugleikin hevur góðtikið tunnilsverkætl­ an­ina, fer Landsverk at seta seg í samband við eigarar at gera av­ talur um lendið. - Verkætlanin fær ikki so nógv­ar pengar hvørt ár, og tí er ætlanin at keypa lendið eftir, hvat gjørt verður á hvørjum ári. Her verður byrjað inni við tunnilsmunnan í Húsavík, og síðan verður arbeitt haðani. Landsverk eigur longu nú lendið umleið tríggjar til fýra metr­ar út frá verandi vegi ein stór­an part av teininum, og mett verður, at flestu breiðkingar eru inn­an fyri økið hjá Landsverki. - Ætlanin er at gera breiðkingar uttan at keypa meira lendi, áðrenn byrjað verður. Tí heita vit á eigarar um at venda sær til Landsverk, um tey meta, at komið verður ov langt inn á hjá onkrum eigara. Fríðrik Heinesen segði, at tá verk­ætlanin er liðug, verður alt gjørt upp, og tá verður tað lendið keypt, sum komið er ov langt inn á. Eingir kritiskir spurningar - Vit hava fingið at vita, at trygdin á Dalsvegnum er í vanda, og slíkt hvørki vil – ella kann – nakar hava sitandi á sær, sigur borgarstjórin VILMUND JACOBSEN B orgarstjórin í Húsavíkar kommunu, Brynhild Sør­ensen, heldur, at borg­ara­fundurin í Húsa­vík var sera positivur. - Her var góð uppmøting, og skulu vit taka borgarafundin sum barometur, vóru fólk eftir øllum at døma væl nøgd við ta kunning, sum Landsverk legði fyri kvøldið. Borgarstjórin vísir á, at bygda­ ráðið leypandi hevur fingið góða kunning frá Landsverki, og tí var sum so einki nýtt í framløguni týs­kvøldið. - Verkætlanin hevur sín­ar avbjóð­ingar, bæði fyri Lands­ verk og okkum í Húsavíkar komm­unu, men eg haldi, at borg­ ara­fundurin vísti, at fólk sum heild vilja standa saman um at loysa tær avbjóð­ingar, sum liggja fyri framm­an. Her vóru eingir kritiskir spurn­ing­ar, sum kundu bent á, at fólk eru órógvað ella misnøgd, sigur hon. Ongar atfinningar Landsverk hevur snakkað við eig­arar, sum eiga lendið, har tunnils­munn­in verður, men ann­ars eru aðr­ir eigarar, sum enn ikki eru spurd­ir. Hóast hetta, vóru eingir spurn­ing­ar úr salinum týs­ kvøldið um ogn­arviðurskifti. Brynhild Sørensen vísir á, at lokala friðingarnevndin í sýsluni var í Húsavík og Dali og vitjaði hin 21. desember í fjør, men tey søgdu seg ongar viðmerkingar hava til verk­ætlanina. - Nú liggur so málið í yvir­ frið­ingarnevndini, og vit duga sjálv­andi ikki at siga, hvørja nið­ ur­støðu tey fara at koma til. Borgarstjórin sigur, at sam­ bært Landsverki verður ferðslan í bygdini ætlandi leidd eftir nið­ ara vegi, tá tung ferðsla fer at koyra eftir ovara vegi. - Tá kann so meginparturin av ferðsluni, sum verður í bygdini annars, fara heim um Garð, sum vit plaga at siga. Lendi til grót Ein av avbjóðingunum verður at finna eitt hóskandi lendi í bygdini til at skilja og goyma grót á, og tað er umráðandi fyri Landsverk, at hetta økið ikki liggur ov langt burtur frá tunnils­munnanum, so koyr­ingin verð­ur sum minst. - Her verður arbeitt við tveim­ um ætlanum, og sum eg havi skilt, er ynskið hjá Landsverki, at ætl­aða økið, har gótið skal leggj­ ast og skiljast, helst verður einar 4000 fer­metrar stórt. Brynhild Sørensen sigur, at komm­unustýrið hevur víst á eitt lendi inni í bønum á umleið 2200 fer­metrar, sum kommunan eigur, men tey hava fingið at vita, at júst hetta økið ikki er serliga væl egnað til goymslu og skiljing av gróti. Trygdin avgerandi Borgarstjórin í Húsavíkar komm­unu fegnast saman við bygda­ráðn­um og fólkinum í komm­ununi ann­ars um, at tunnils­verkætlanin nú er beint fyri stavn. - Vit hava fingið at vita, at trygd­in á Dalsvegnum er í vanda, og slíkt hvørki vil – ella kann – nakar hava sitandi á sær, sigur Bryn­hild Sørensen. Hon leggur aftrat, at Dals­ tunn­ilin er ein sonevnd myndug­leika­verk­ætlan, har myndug­leikarnir stýra allari verkætlanini. - Men, samstundis sum hetta er ein myndugleikaverkætlan, hava vit fingið góða kunning, og vit royna so eisini at kunna okkara borg­arar um tað, sum liggur fyri framman, sigur Brynhild Sør­en­sen. - Á borgarafundinum komu eingir kritiskir spurningar, sum kundu bent á, at fólk eru órógvað ella misnøgd, sigur Brynhild Sørensen Hóast veðrið var illsligt seinasta týskvøld, var stórur áhugi fyri borgarafundinum í Húsavík Øll, sum vóru á borgarafundinum, sluppu ein konstrueraðan “biltúr” gjøgnum komandi Dalstunnilin