mánadagur 18. februar 2019síða 13

13 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 18. februar 2019 · Nr. 20 TÍÐINDI Pápi fekk treytaðan dóm fyri at heinta sonin Uttan at boða mammuni frá, fór pápin heim til hennara eftir soninum og tók hann við sær at vitja familju. Dómarin gav honum 20 dagar treytaða fongsul, tí at hann ikki hevur foreldramyndugleika yvir dreinginum. Danjal av Rana Ein 51 ára gamal maður bleiv í Føroya rætti dømdur fyri at taka foreldramyndugleikan frá mammuni. Ein várdag í fjør fór ein pápi við soninum at vitja familju. Teir vitjaðu millum annað omm­una at dreininginum og langa­bbabeiggjan, umframt nakr­ar vinmenn hjá pápanum. Teir vóru burtur í ein góðan tíma. Ein púra vanligur dagur hjá teimum flestu, men í hes­ um førinum var ein trupulleiki. Pápin hevði ikki boðað mamm­uni frá, at hann fór við dreing­in­um, ei heldur hevði hann for­ eldramyndugleika. Teir báðir hava lítið og einki samband havt mongu seinastu árini, síðani pápin og mamman fór hvør frá øðrum. Foreldrini bæði hava heldur ikki serligt sam­band við hvønn annan long­ur, og mamman noktar bart út at taka telefonina, tá páp­in ringir. Hendan dagin saknaði páp­ in dreingin, greiddi hann frá. Tí valdi hann at fara eftir dreing­inum. Pápin greiddi í rætt­inum frá, at hann hevði ringt til mammuna, men hon tók ikki telefonina. Tí fór hann heim til hennara. Har var bara sonurin heima, so hann tók hann við sær, og saman fóru teir at vitja familju hansara. Tey bæði vóru ikki gift, tá drongurin bleiv føddur og fóru frá hvørjum øðrum stutt eftir. Tí hevur pápin ongantíð havt foreldramyndugleikan. Hann greiddi í rættinum frá, at hann sá sjáldan sonin, sum tí hevði lítið og einki samband við sína síðu av familjuni. Hetta vildi hann royna at rætta eitt sindur upp á. Hann hevur gjørt eina roynd hjá ríkisumboðnum at fáa eina avtalu við mammuna í lag, so at hann kann hitta sonin av og á. Hendan avtalan datt tó niðurfyri og mamman hevur framvegis fullan for­ eldra­myndugleika. Pápin førdi í rættinum fram, at hann ongar ætlanir hevði um at varðveita dreingin, men sjálvandi skuldi fara heim aftur við honum. Hann minti rættin á, at eingin avgerð fyri­ ligg­ur, sum sigur, at hann einki samband má hava við dreingin. Tá drongurin hevði verið við pápanum í ein góðan tíma, kom stórasystir hansara eftir hon­um. Hon hevði tá fingið fræn­ir av, hvat pápin hevði gjørt og hevði fortalt mammu síni, hvat var hent. Mamman hevði tá biðið hana fara eftir son­inum. Drongurin sjálvur greiddi frá, at hann ikki hevði hug at fara við pápanum, tí hann ivað­ist ikki í, at pápin hevði drukkið. Hann greiddi frá, at hann fleiri ferðir spurdi pápan, um teir ikki kundu fara heim aftur, men pápin bleiv við at taka hann víðari við sær at vitja onnur fólk. Hann var sera feg­in, tá stórasystirin kom eft­ ir honum, tí satt at siga var hann eitt sindur bangin, greiddi drongurin frá. Mamman sigur, at hon ótt­ að­ist, hvat kundi henda, tí sam­bært henni, so hevur páp­ in onkuntíð fyrr, tá hann hev­ ur havt dreingin á vitjan, noktað at avlevera hann aftur. Mamman greiddi frá, at hon fekk ein skelkaðan drong heim­aftur hendan dagin. Ákærin helt, at hetta var eitt greitt dømi um, at ein pápi fer eftir einum barnið, sum hann ikki hevur foreldra­ myndug­leika at. Í ein góðan tíma visti mamman ikki, hvar sonur hennara var, segði ákær­ in. Hon vísti eisini á, at drong­ urin greiddi frá, at hann ikki ynskti at fara við pápanum, um­framt at mamman segði, at pápin fyrr hevði noktað av av­ levera dreingin aftur. Verjin hjá manninum legði dent á, at hóast maðurin ikki hevur foreldramyndugleikan, so er hetta ikki nakað, sum bein­leiðis er tikin frá honum. Her er talan um ein pápa, sum hevði hug at síggja sonin, og sum eingin sigur, at hann ikki hevur lov til. Hann vísti á, at teir báðir hava verið saman av og á, so heldur ikki mamman hevur havt nakað ímóti, at teir hittast. Gott nokk visti mamm­ an ikki, hvar sonurin var, men hon greiddi sjálv frá, at hon helt, at hann spældi við nakrar vin­menn, so óttin hevur ikki verið so stórur, helt verjin. Verjin helt eisini, at alt málið hevði verið óneyðugt, um mamm­an bara tók telefonina, tá pápin ringdi. Dómarin gav manninum ein 20 daga treytaðan fongsuls­ dóm. Hon segði stutt og greitt, at pápin visti, at hann ikki hevði foreldramyndugleikan, um­framt at hann ikki hevði nakra avtalu við mammuna um, at hann bara kundi heinta drongin soleiðis. Um maðurin vil síggja meiri til dreingin, so má hann venda sær til rætta myndugleikan, so at hann og mamman kunnu semjast um eina avtalu, segði dómarin. Dømd fyri at senda myndir á Snapchat Ein ung genta bleiv í Føroya rætti dømd fyri blúnisbrot. Hon bleiv dømd fyri at hava deild ónærisligar, teldu­við­ gjørd­ar myndir av einari aðr­ari ungari gentu umvegis tal­gilda miðilin Snapchat. Ein dagin stovnaði gentan ein nýggjan vanga á Snap­ chat og brúkti hann til at deila ónærisligu myndirnar og stutt boð. Hon fann ym­ iskar ónærisligar myndir á net­inum, og setti síðani and­ litið á eini aðrari gentu inn í myndina. Nýggju, tilgjørdu myndina sendi hon so víðari til ymisk fólk á Snapchat, sum báðar genturnar kendu úr skúlanum, sum tær gingu á. Hon sendi eisini fleiri stutt, ónærislig boð, har hon leyg um, hvat hin gentan skuldi havt gjørt. Hon greiddi frá, at hon var eitt sindur øvundsjúk inn á gentuna, samstundis sum at hon helt, at hin gent­ an hevði oyðilagt nógv fyri seg, og tí vildi hon hevna seg. Hon angraði tó skjótt gerð­ina, tá hon fekk eini boð frá gentuni, har hon græt. Mynd­irnar vóru tøkar á net­ in­um í eini 30 til 60 minuttir. Dómarin valdi at døma ungu kvinnuna sjey dag­bøt­ ur á 250 krónur, tilsamans 1750 krónur. Hon vísti á, at slík­ar myndir kundu fáa ógvus­ligar og óætlaðar av­ leið­ingar, og tí var neyðugt at døma gentuna. Vanliga vildi talan verið um fongsuls­revsing, men orsaka av unga aldrinum hjá gentuni og at myndirnar ikki vóru av hin­ari gentuni sjálvari, bara and­liti hennara, valdi dóm­arin at halda seg til bøtur.