hósdagur 21. februar 2019síða 3

FRÍGGJADAGUR 22. FEBRUAR 2019 SOSIALURIN 22 3 Føroyskt umboð í Prixnum: Sigmund vil umboða Føroyar og Danmark í Tel Aviv - Eg ivist ikki í, at eg fái onkrar atkvøður úr Føroyum. Um føroyingar atkvøða fyri mær, havi eg størri møguleika at vinna, sigur Sigmund Tróndheim, sum leygardagin skal luttaka í danska Melodi Grand Prixnum PÆTUR HJALMAR EVENSSON PATURE@SOSIALURIN.FO Í ár verður eitt føroyskt um­ boð í danska Melodi Grand Prixn­um, sum verður leyg­ ar­dagin 23. februar. Tað er hálvi føroyingurin, Sigmund Trónd­heim, sum skal royna seg. Hann hevur danska mammu og før­oyskan pápa. Sigmund bleiv lands­kendur í Danmark gjøgnum X-Factor, sum hann luttók í fyri ein­um ári síðani. Hann vann ikki, men er hóast alt tann, ið hevur klárað seg best síðan kappingina í fjør – og nú skal hann luttaka í danska Melodi Grand Prixnum. Sigmund skal kappast ímóti níggju øðrum luttakarum um plássið og heiðurin at umboða Dan­mark til Eurovision Song Con­ test, sum verður í Tel Aviv í Ísrael í mai. - Ein dreingjadreymur Aftaná hansara success í X-Factor setti umboð frá prixnum seg í samband við hann og spurdi, um hann hevði hug at luttaka til árs­ ins Melodi Grand Prix. Hetta var sum ein dreymur, sum bleiv til veru­leika. - Melodi Grand Prix hevur fostrað meg upp, síðan eg var eitt lítið baby. Eg sang og dansaði altíð við, tá tað var í sjónvarpinum, tá eg var lítil. Hetta er ein dreingja­ dreym­ur, sum nú verður til veru­ leika, sigur Sigmund. Hálvi føroyingurin tók sjálv­ andi av møguleikanum at vera við í kappingini. Hann hevur altíð havt stórar dreymar og ambi­tiøs mál, og hansara luttøka leyg­ar­dag­ in skal hjálpa honum at koma á hægstu tindarnar. - Eg vóni, at Melodi Grand Prixið fer at hjálpa mær at kick­ starta eina seriøsa og langa tón­ leika­yrkisleið, óansæð um eg vinni ella ikki, sigur ósmædni per­formarin. Eitt lag um at vera øðrvísi Sigmund skal syngja popputa sangin, sum hevur heitið “Say My Name”. Sangurin er persónligur og snýr seg um tað at skilja seg frá mongdini og venda tað til nakað positivt. - Hvørja ferð, eg havi ein ring­ an dag ella føli, at eg ikki eri nóg góður, so velji eg heldur at há­ tíðarhalda ta sannroynd, at eg eri eitt eindømi, sum skilir seg út frá mongdini. At eg eri øðr­vísi enn hini, brúki eg sum ein møgu­leika. Tí sigi eg mítt navn inni í høvd­ in­um fyri mær sjálvum aftur og aftur og aftur. - Eg fagni meg sjálvan og mítt navn, óansæð hvat øll onnur hugsa. Tað vil eg ráða øllum til at gera, sigur Sigmund. “Say My Name” er sangur numm­ar 5 í kappingini. Vónar at Føroyar stuðla sær Vit kunnu vænta at síggja føroyska flaggið í Boxini leygarkvøldið. Pápi Sigmund, sum eitur Oddur Trónd­heim, fer saman við rest­ ini av familjuni at lurta eftir Sig­mundi, og hann hevur syrgt fyri, at føroyska flaggið kemur at veittra. Sigmund hevur stóran tokka til Føroyar, og hann vónar at fáa nakrar føroyskar atkvøður. - Eg føli kærleikan frá før­oy­ ing­um, so eg ivist ikki í, at eg fái onkr­ar atkvøður úr Føroyum. Eg minnist føroyska stuðulin í X-Factor, og eg veit, at mín elskaða fam­ilja og omma og abbi á Argjum eis­ini fara at stuðla mær. Tað eri eg æviga takksamur fyri, sigur Sig­mund. - Um Føroyar atkvøða fyri mær, fái eg knappliga ein nógv størri møgu­leika at vinna kappingina. So kann eg umboða bæði Danmark og Føroyar fyri alt Evropa í Tel Aviv! 23 ára gamli Sigmund Tróndheim (Mynd: Agnete Schlichtkrull / DR) Sigmund bleiv landskendur fyri sína luttøku í X-factor 2018 (Mynd: Mogens Flindt)