mánadagur 25. februar 2019síða 19

19 Mánadagur 6. januar 2014 · Nr. 2 Sosialurin Mánadagur 25. februar 2019 · Nr. 23 Hugskot og viðmerkingar – send sms til 225000 b á ð i r byrjaðu d y s t i n við fleiri b j a r g i ­ num. Tí var s t ø ð a n 0-0 eftir knapp­ar fýra minuttir, men so byrjaði at bragda hjá teimum grønu. Eftir átta minuttir var støðan 3-0 til Kyndil og Neistin tók time-out. Hetta bøtti ikki í fyrstu atløgu, tí enn einaferð forðaði Tórður Guttesen fyri máli. Í hinum endanum svaraði neista­ málverjin aftur, og so kundi Neistin revsa tvær ferðir við málum frá Karl Martini Olsen. Hóast kyndilsmálverjin framdi tríggjar stórbjargingar næstu løtuna kundi hann ikki forð­að fyri at støðan gjørdist 3-3 eftir at eitt korter var farið. Leiðslan skiftir Hann mundi iðra seg um at lið­felagarnir ikki dugdu betri at taka av hesum bjargingum, tí munurin helt sær, eftir at Nicholas Satchwell millum ann­að bjargaði einum brots­ kasti. Kortini eydnaðist tað Kyndli at leggja seg á odda við tveimum, men so vaknaði Neistin veruliga. Eftir fimm mál á rað, var tað Neistin, ið var á odda við tveimum, áðrenn Bartal Klein Olsen fintaði seg væl ígjøgnum og minkaði um mun­in í evstu løtu av fyrra hálv­leiki, ið sostatt endaði 9-8 til Neistan. Ein hálvleikur har eitt navn var á øllum vørrum: Tórður Gutte­sen. Hann mundi í fyrra hálv­leiki fremja einar sjey bjarg­ingar, úr støðum har ein ikki væntar at málverjin tekur. Nicholas Satchwell var stóri leikarin hinumegin, saman við Karl Martin Olsen á høgra vongi, ið sanniliga tók ábyrgd. Hinvegin hevði stóra stjørn­ an og ársins leikari undanfarna kappingarár, Rasmus Søby, ikki fingið stórvegis burturúr. Tórður Guttesen hevði skil á øllum skotum frá roynda dana­ num, ið einki mál fekk í fyrra hálv­leiki. Kyndil kemur best inn í seinna hálvleik Rasmus Søby tóktist at hava betri skotarm í seinna hálvleiki, tá ið hann tíðliga í hálvleikinum sendi eitt rimmar skot í handara málhorn, men kyndil­s­málverjin fekk fatur á stórskjúttanum løtu seinni. Eftir millum annað eina brotskastsbjarging frá Tórði Guttesen, fór Kyndil at fáa veruligt glið á spælið hjá sær. Støðan broyttist frá 10-9 til Neistan til 11-14 til Kyndil. Nicholas Satchwell lív í Neistanum, men eftir at ein bjarging endaði á vinstra vongi hjá Kyndli gjørdist støðan 12-17 til Kyndil miðskeiðis í seinna hálvleiki og Neistin mátti taka time-out. Neistin broytti verjuskap og fór at spæla við 7 monnum í álopinum. Eisini mundi Neistin hava tosað um at fáa stórskjúttan hjá sær betri við, men Rasmus Søby tveitti ein býttan bólt burtur stutt eftir at spælið var farið í gongd aftur. Hann bøtti kortini skjótt um, tá ið hann legði eina framúr spæling inn á strikuna, so at munurin minkaði niður í 15-18. Neistin satsar Hesin munurin helt sær eina løtu til at einir tíggju minuttir restaðu í. Neistin tók eina rætti­liga váðamikla avgerð og setti Mikkjal Hansen inn í málið fyri Nicholas Satchwell. Hetta skuldi vísa seg at vera eitt gott hugskot. Løtu seinni sendi Kyndil bóltin á tvørtræið, og hann stakk út á vinstra vong. Nýggi neistamálverjin var skjót­ur og fekk onkursvegna hildið bóltinum frá at fara í mál­ið. Løtu seinni varð hetta revsað, tá ið støðan gjørdist 19- 20 eftir eitt flott strikumál frá Pæturi Mikkjalssyni. Nú restaðu seks og ein hálv­ ur minuttur í, og Kyndil tók time-out. Dysturin sum í dyllukoppi Hetta bøtti ikki. Eftir brotskast gjørdist støðan 20-20, og so kom ein lítil málturkur. Bæði liðini tveittu bóltar burtur, og tá ið Kyndil royndi at seta ferð á, kom Tróndur K r a g e s t e e n ov seint og var vístur av vølli í tveir minuttir. Hetta var dýrt fyri Neistan á tveir hættir. Bæði at Tróndur Krage­steen er ein hin týdningar­mesti leik­arin hjá Neista­num, og har­afturat vóru bert tríggir minutt­ir eftir at leika. Dysturin koppaði veru­ liga aftur og fram, og seinastu minutt­irnir gjørd­ust minniligir Kyndil spældi yvirtalsspæl til Ólav av Fløtum Mittún, ið legði Kyndil á odda 21-20. Ras­mus Søby setti síðani eitt brots­kast í netið til 21-21, tá ið áleið hálvur­annar minuttur restaði í. Í næsta álopinum rakti Kyndil aftur tvørtræið, men fang­aði bóltin aftur, og fekk møgu­leika at byggja upp av nýggjum. Kyndilsálopið tóktist ikki at finna røttu loysnini móti verjuni, og Kyndil tók time-out við 39 sekundum eftir at leika. Time-outið mundi ikki vera so væl frágingið, tí beint eftir at spælið var sett ígongd, lá bólt­urin í hondini á Rasmusi Søby, ið ikki ivaðist eina løtu. Hann sendi bóltin út í høgru til Karl Martin Olsen, ið skoraði trygt til 22-21. 20 sekund restaðu í. Nú høvdu Kyndilsmenn skund. Men teir valdu eina góða loysn og sendu Trónd Ward­um til møguleika á høgra vongi, og so var støðan 22-22. Rasmus tekur ábyrgd Men framvegis restaðu eini átta-níggju sekund í. Rasmus Søby, ið hevði havt tað so trupult við sínum langskotum allan dystin, valdi at gera eina sein­astu roynd. Hann skeyt hart úr stórari fjarstøðu og so sat bólturin í netinum aftanfyri Tórð Guttesen, ið mundi kenna at hann hevði gjørt nóg mikið til at gerast steypavinnari. Men nei. Hann kundi bert hyggja at neistamonnunum, ið fegnaðust um at teir vóru steypavinnarar 2019. sjurdur@sosialurin.fo HONDBÓLTUR Frásøgn og myndir frá ung­dóms­ steypafinalunum koma í mikudagssosialinum Leikarametingar Neistin NICHOLAS SATCHWELL – 8 Besti neistamaður í finaluni. Fær ikki líka nógv uppmerksemi sum kyndilsmálverjin, men er sanniliga umráðandi við einari ørgrynnu av flottum og týðandi bjargingum MIKKJAL HANSEN – 8 Tað krevur stóra styrki at koma inn fyri Føroya besta málverja, tá ið dysturin skal avgerast. Tað klárar hann framúr, millum annað tá ið hann bjargar returbólt. KARL MARTIN OLSEN – 8 Tryggasti álopsleikarin í finaluni. Serliga ansvekjandi tá ið hugsað verður um, at hann spælir á ’skeivum’ vongi. PÆTUR MIKKJALSSON – 6 Brennir ov nógv skot móti Tórði Guttesen, men missir ikki móti. Er sterkur í verjuni. HØGNI ZACHARIASSEN – 4 Fær ikki nógv at arbeiða við á vinstra vongi. Brennir eisini eitt brotskast. Er vanliga ein hin besti vinstri vongurin í landinum, og vit vænta altíð nógv frá honum. DÁNJAL RAGNARSSON – 7 Blaðungi bakkurin vísur stóra styrki við góðum gjøgnumbrotum. Fær ikki nógva leiktíð í finaluni, men tekur av tá ið hon kemur. TRÓNDUR MIKKELSEN – 5 Eisini ein blaðungur og spennandi leikari, men hann fær ikki sett sín dám á dystin HERBJØRN LAVA - 4 Byrjar inni í álopinum, men fær einki at arbeiða við. Spælir ikki leingi TRÓNDUR KRAGESTEEN – 6 Er ikki so eyðsýndur, men skipar spælið væl. Eydnast eisini við innspæli og flottum málum tá ið á stendur. Fær eina býtta útvísing, ið kundi verið sera dýr RASMUS SØBY – 7 Hvussu skal ein meta avrikið hjá Rasmusi Søby? Maðurin hevur eina ørgrynnu av brendum skotum og eisini fleiri villur. Men hann heldur á og tekur ábyrgd. Sera sigandi er støðan tá ið hann tveitir ein tápuligan bólt burtur aftur um ryggin á sær sjálvum, fyri síðani at gera eina framúr spæling inn strikuna í næsta álopinum. Avgerandi málið hálar hann upp á sjey. RUNE OLSEN – 7 Fær fleiri flott strikumál og verjir væl. Brúkar sína styrki á besta hátt, men fær eisini onkra útvísing.