mánadagur 25. februar 2019síða 21

21 Mánadagur 6. januar 2014 · Nr. 2 Sosialurin Mánadagur 25. februar 2019 · Nr. 23 Hugskot og viðmerkingar – send sms til 225000 eingin forðing fyri ráðandi greipuvinnararnar, so lítil ivi kundi vera um, at hetta vóru tey tvey bestu liðini sum hittust í finaluni. Langir steðgir Flest øll væntaðu ein javnan dyst, men hesum vildu kyndils­ kvinnur ikki taka undir við. Tær máttu kortini bíða nakað við at prógva hetta, tí at tekniskir trupulleikar vóru við hallarklokkuni, og seinkaðu dystarbyrjanina. Spentu viðhaldsfólkini sótu sum á nálum, meðan leikararnir hildu seg heitan við innanhýsis bóltspæli, og átta minuttir ov seint byrjaði dysturin loksins til eitt varið róp frá áskoðarafjøldini. Kanska nervaði steðgurin leikararnar nakað, tí dysturin byrjaði við fleiri villum frá báðum liðum. Eftir eina løtu revsaði Kyndil eina slíka frá VÍF, og legði seg á odda 1-0. Teknisku villurnar hjá liðunum báðum endurtóku seg, áðrenn ein villa við hallargólvinum steðgaði dystinum aftur. Nakrar lýsingar høvdu rivið seg leysar, og máttu umvælast. Hetta førdi aftur til ein longri steðg, og tað var ikki hin sein­asti í dystinum. So sleppur Kyndil at endiliga at spæla Tá ið dysturin fór í gongd aftur einar seks minuttir seinni, helt dystarmyndin fram. Tekniskar villur vórðu framdar, og tað var Kyndil sum eydnaðist við at revsa tær. Tá ið samstundis Jovana Stranjanac í kyndilsmálinum framdi fleiri flottar bjargingar, gjørdist støðan 5-1 til Kyndils. Grøna fjøldin fegnaðist meðan gula fjøldin og tey uttanveltaðu vóru tikin av bóli av góðu kyndilsbyrjanini. Jovana steingir málið VÍF fótaði sær nakað, og minkaði um munin niður í trý mál miðskeiðis í fyrra hálvleiki, men Jovana Stranjanac vísti at hon var bert júst byrjað sítt stórspæl. Eftir millum annað eina framúr dupultb­jarging frá skjótálopið, kundi kyndils­ álopið við Súnu Krossteig Han­sen á odda, økja um munin aftur. Navnið á Jovanu Stranjanac rungaði úr grøna geiranum og Kyndil sýndi eisini risastórt yvirskot, tá ið ein bóltur var spældur av høgra vongi út á vinstra vong, har Turið Arge Samuelsen fintaði seg ígøgnum til vakrasta málið higartil í dystinum. Henda gongdin førdi til, at Kyndil økti frá støðuni 8-11 í 9-17, ið gjørdist hálvleiksstøðan. VÍF vaknar – ov seint Ein risa stórur munur, ið mundi krevja eitt undur frá VÍF at taka aftur aftur. Fyrst og fremst kravdist ein hugburðsbroyting, og hon tóktist eisini at koma. VÍF minkaði spakuliga um munin frá byrjan av seinna hálv­leiki. Durita C. Jojic gekk undan í málskjótingini, og nú fekk Viviann Petersen eisini fatur á fleiri skotum. Tá ið støðan gjørdist 14-18 tók Kyndil time-out, og Kyndil tók tamarhaldið á dystinum aftur. Kyndil fer við øllum Kyndil vísti framhaldandi yvir­skotið, og tá ið Turið Arge Samuelsen gjørdi støðuna til 19-24 við einum framúr flúgvara av vinstra vongi, hevði eingin harta vestmenningar fyri at farið heim. Men VÍF strídd­ist enn. Durita C. Jojic spældi seg heitan við bæði langskotum og fríspælingum, og munurin minkaði aftur niður í trý mál. Men dagsins leik­ari, Jovana Stranjanac tímdi ikki at dysturin skuldi gerast spenn­andi. Aftur tók hon stór­bjarg­ingarnar fram, so at mun­urin vaks aftur, og hesa­ferð var einki hjá VÍF at svara við. Seinastu fimm minuttirnar fyri leiklok sang grøna fjøld­ in sigurssangir, og tá ið hallar­ hornið ljóðaði, hevði Kyndil vunn­ið dystin 24-31, og var steypa­vinnari hjá kvinnum 2019. Frá botninum upp á hægsta tindin Hetta er fyribils tindurin hjá Kyndli, ið byrjaði kappingarárið heilt niðri á botninum. Kyndil tapti tríggjar teir fyrstu dyst­ ir­nar í landskappingini, og var millum annað fyri tveimum stór­um tapum fyri VÍF. Men eftir styrk frá fyrst Jovanu Stranjanac, síðani Marionnu Geirs­dóttir Eystberg og seinast Turið Arge Samuelsen, er kyndils­liðið aftur á tindinum á før­oyskum hondbólti. Hesir trígg­ir stórleikararnir hava megn­að at gjørt sínar liðfelagar betur, og tað verður spennandi um menningin heldur fram tá ið lands­kappingin byrjar aftur. sjurdur@sosialurin.fo HONDBÓLTUR Leikarar verða mettar frá 1 til 10 Leikarametingar Kyndil JOVANA STRANJANAC – 10 Málið tóktist gandað. VÍF spældi seg til møguleikar, men ferð eftir ferð stóð serbiski málverjin fyri. Var fullkomliga avgerandi fyri stóra avrikið hjá Kyndli MARIANNA GEIRSDÓTTIR EYSTBERG – 7 Vísir aftur í dag at hon hevur nógvar dygdir í bæði álopi og verju hóast ungan aldur. Leggur stórt trýst á VÍF-verjuna. Tveir brendir møguleikar hála hana niður á eitt sjeytal. BÁRA KROSSTEIG HANSEN - 8 Hevur ein serligan leiklut í Kyndilsálopinum, har ein kanska leggur meira til merkis hennara felagar í bakketuni. Stýrir kortini spælinum við størsta skili og tekur ábyrgd tá ið á stendur. BEINTA BÁRÐARDÓTTIR – 7 Er eyðsýnd í verjuni allan dystin. Fær forðað fyri innspølum og steðgað gjøgnumbrotum. Fær ikki nógvar málmøguleikar ÁSLEYG SÚNADÓTTIR - 8 Spælir við høgru hond á høgra vongi, og tað ger hon sera væl. Fær trý framúr mál í fyrra hálvleiki, og er við til at skapa avgerandi munin. SÚNA KROSSTEIG HANSEN – 9 Aftur eitt ansvekjandi avrik frá 18 ára gamla stjørnuskotinum hjá Kyndli. VÍF-verjan hevur framvegis marruna av kviku fótfintunum. Var valdur dagsins leikari av landsliðsvenjaranum, og lítil ivi er um at hon var besti útileikari á vøllinum GUDRUN RESTORFF OLSEN – 6 Fær brádliga ein møguleika og tekur hann. Flott. KARIN SKYLV MIDJORD – 7 Tað er ikki lætt at koma inn í ein sovorðnan dyst, men hon kemur inn í seinna hálvleiki og fær tvey flott mál. ANNA BRIMNES – 6 Kemur inn eina lítla løtu og skorar brotskast. TURIÐ ARGE SAMUELSEN – 9 Hon vísir hví kyndilsfólk vóru so fegin um at fáa hana heim. Skorar av veinginum, eftir skjótálop og eisini tvey tey flottastu málini í dystinum. Ger snøgt sagt alt, ið ger hana til Føroya besta vinstra vong. Brennir eitt skot í seinastu løtu, men tað hevur einki at siga.