týsdagur 26. februar 2019síða 11

11 Sosialurin Hugskot og viðmerkingar – send sms til 225000 Mikudagur 27. februar 2019 · Nr. 24 TÍÐINDI Pætur Hjalmar Evensson Í Sosialinum mánadagin høvdu vit eina samrøðu við Boga Hansen, hav­ frøðing, um veður­lags­ broyt­ingar. Hann vísti á, at tað er óvist, hvussu vit koma at merkja veður­lagsbroytingarnar í Føroyum, men tað er í øllum førum sikkurt, at veðurlagið í Føroyum ikki verður verandi, sum tað er nú. Havfrøðingurin eftir­lýsti ábyrgd frá politikarunum. Katrin Kallsberg, løg­ tings­kvinna fyri Tjóð­ veldi, heldur tað stóran týdning, at vit í Føroyum gera alt, vit megna, fyri at minka um árinini av veður­lags­broytingunum, eins og mál nummar 13 í ST heimsmálunum áset­ ur. - Vit umsita jørðina fyri komandi ættarliðini og eiga at lata hendan arv víðari í sama ella betri standi. Vit mugu tora at seta treytir og smíða tær lógir, ið eru neyðugar fyri at røkka máli­num, og mugu ikki falla í fátt av, at onnur stór lond ikki liva upp til krøv­ini í teimum ymsu sátt­mál­ unum. Vit kunnu gera mun í Føroyum, og sum ein lítil tjóð mitt í stóra havinum, eiga vit at gera okkara til at tryggja um­ hvørvið bæði á landi og sjógvi, sigur Katrin Kalls­ berg. Lokalt og globalt Katrin Kallsberg heldur ikki, at tað verður gjørt nóg nógv fyri at basa veður­lagsbroytingunum. - Átøkini kunnu og mugu gerast bæði lokalt og globalt. Heimsmálini hjá ST, París-sáttmálin og onnur altjóða átøk eru sjálv­andi neyðug, men tað gongur alt ov spakuligt, sigur hon. Tjóðveldiskvinnan mein­ar, at vit lokalt í Før­ oy­um eiga at gera enn meir við at skunda undir økt útboð av og um­legg­ ing til varandi orku­keld­ ur. - Eg haldi tað vera áhugavert at hugsa meira um sólorku, sjóvar­ falls­orku, vetni og vind­ orkuna. Eisini átøk at betra um bjálving av eldri húsum, sigur Katrin Kalls­berg. Hon vísir á átøk, sum einsa­møll ikki gera stóra mun­in, men sum í stóru mynd­ini eru við til at gera ein mun, sum hon heldur vera jaligt. - Spennandi átøk sum Vist­grøði, har keypast kann í smáum nøgdum uttan plast, minkar bæði um matspill og plast­ nýtslu. Aquaponics og Velt­an, sum dyrka grøn­ meti í Føroyum, eru eisini góð átøk, sum vísa, at til ber at gera nakað sjálvur og lokalt, sigur hon. Tørvur á miðvísum átøkum Mann kann róliga siga, at málið hjá landsstýrinum við Veðurpolitikki Før­ oya frá 2009 um at skerja útlátið av vakstrar­hús­ gass­um, er farið í vaskið. Málið var at skerja útlátið av vakstrarhúsgassum við í minsta lagi 20 pro­ sent­um í 2020 í mun til útlátið í 2005. Men síðan tá er útlátið av vakstrar­ hús­gassum vaksið í so stór­um nøgdum, at tað er púra vónleyst at røkka hes­um málinum, og sam­ bært fyribilstølum frá Umhvørvisstovuni vaks tað eisini í fjør. - Eg haldi tað vera sera harmiligt, at tað hevur gingið so striltið at røkka málunum á um­hvørvis­ øki­num. Men eg vænti, at tey átøkini, sum eru gjørd at eggja fólki at leggja um til grønar orkuloysnir, fara at gera mun saman við krøvunum til al­ menn­ar nýbyggingar um orku­nýtslu. Vit mugu gera meira fyri at minka um oljunýtsluna, sigur Katrin Kallsberg. Hon vísir á norður­ lendsku sam­starvs­ ætlan­ina fyri um­hvørvi og veður­lag 2019-2024, og sigur, at okkara búskapir fram­vegis í alt ov stóran mun byggja á skjóta rá­ vøru­nýtslu. - Tað 12. málið í Agenda 2030 um burðardygga fram­leiðslu og nýtslu er ein avbjóðing. Her er al­neyðugt, at vit gera okkara til at minka um skaði­ligu árinini. Fyri at skunda undir grønu um­ leggingina, sum krevst fyri at røkka mál­unum, er tørvur á mið­ví­s­um átøkum og kapp­ingar­ førum loysn­um, eitt nú við at menna nýggja nýskapandi og burðar­ dygga tøkni. Her er inno­ va­tión alneyðug, og her hava vit í Føroyum góðar for­treytir fyri at vera við heilt frammi, sigur Katrin Kalls­berg. pature@sosialurin.fo KATRIN KALLSBERG UM VEÐURLAGSBROYTINGAR: VIT KUNNU GERA MUN Í FØROYUM - Vit mugu ikki falla í fátt av, at onnur stór lond ikki liva upp til krøvini í teimum ymsu sáttmálunum, sigur Katrin Kallsberg, tingkvinna fyri Tjóðveldi