hósdagur 28. februar 2019síða 5

FRÍGGJADAGUR 1. MARS 2019 SOSIALURIN 25 5 Sjúklingafylgjari til øll! Nógvir føroyingar munnu hava upplivað kensluna, bráddliga at standa á útlendsk um sjúkrahúsi og kenna seg hjálparleysan, sleptan upp á fjall. Fyrst sjúk­ an og alt, sum við henni fylgdi, síðani vónloysið, tá boðini komu, at neyð ugt var at fara av landinum at fáa heilsubót. Omaná alt vónbrotið um ongan fylgj ara at fáa. Bráddliga fíggjarliga byrðan, flogferð, uppihald og møguligan inntøkumiss, kann lættliga gerast ov stór, ein byrða, sum, saman við sjúkuni, gerst ov tung at bera. Rættur hins einstaka til sjúkraviðgerð í Føroyum er grundleggjandi! Harnæst, at verður hin sjúki sendur av landinum, so má persónligur fylgari við, eisini um heilsustarvsfólk fer við. Men sum er fáa bert umleið 60% av teimum, ið verða send av landinum, familjufylgjara við sær. Í løtuni verður uppskot Miðfloksins um fylgjara viðgjørt á Løgtingi. Í sam bandi við líknandi uppskot fyri góðum ári síðani høvdu umboð fyri krabba meins felagið beinleiðis áheitan um, sum skjótast at fáa uppskotið sam tykt og sett í verk. Tey vístu á stóra tørvin, nevndu m.a., at hjálpargrunnurin hjá felagn um næstan bert verður brúktur at rinda fyri fylgjarar, ið ikki fáa al menna játtan. Beinleiðis spurd, um allir sjúklingar áttu at fingið fylgjara játtaðan, var svar teirra eitt greitt ja. Tey søgdu frá gleði teirra um uppskotið. Tey vístu á týdningin av at hava onkran av sínum kæru hjá sær í fremmanda umhvørvinum, tá mangan harðast leikar á, bæði likamliga og sálarliga. Onkr an at luta sítt einsemi, sín ótta, sínar hugsanir við. Onkran at leita sær stuðul og ugga hjá, vakin oyru at minnast rætt, tá skelkurin av álvarsligum boðum køva vit og skil. At hava onkran at lurta, tá málsliga fremmand heilsustarvsfólk bera boðini, onkran, sum tá kann bera røttu boðini til tey har heima. Týdn ing in av at hava ein at lofta sær, tá illa gongst, ein at gleðast við, tá tað gongur væl. Hugsan Miðfloksins er avgjørd, eitt av heimsins ríkasta londum hevur bæði ráð til heilsurøkt her heima og fylgjara í tí fremmanda. Hevur samgongan trupulleikar við at finna pening í landskassanum, vísa vit fegin á tær ørandi upphæddir, sum verða fyltur í búskapargrunnin. Alt gott um at leggja niðurfyri í góðum tíðum, men tað kann als ikki rættvísgerast, at hetta gongur út yvir vælferð og heilsu teirra, sum her og nú búgva í Føroyum. Umhugsin Nærverandi Ítøkiligur MIÐFLOKKURIN SJÁLVANDI hvørt vikuskifti í Sosialinum Navn: Anna Margretha Otthamar Bústaður: Hoyvík Yrki: Toymisleiðari, Fyrisitingartoymið á SEV Útbúgving: Fíggjarakademisk útbúgving Hví Miðflokkurin? Tí kristna lívsáskoðanin er besta grundarlagið fyri einstaklingin og samfelagið, og vit hava bestu loysnirnar www.midflokkurin.fo MIÐFLOKKURIN SITAT Rúsdrekka er høvuðsorsøkin til harðskap, umsorganarsvík og misnýtslu av børnum (WHO) Vangamynd Hjartamál • Skúlamál • At skipa pensjónsøkið á ein faldan og gjøgnumskygdan hátt • Liviligari umstøður fyri okkara eldru • Góðar og tryggar karmar fyri vinnuna • Burðardyggar orkuloysnir • Lægri avgjøld og eykaskattir, so sum kringvarpsgjald og vegskatt • At fáa prístalsjavnan inn aftur í sáttmálarnar Nú fer Rigmor Dam á Fólkating Nú fer Rigmor Dam at umboða Javnað­ ar­flokkin á Fólkatingi í nakrar dagar. Sjúrður Skaale fer í farloyvi og nú hevur Fólkatingið gókent, at Rigmor Dam tekur sæti á Fólkatingið fyri hann hesa næstu vikuna. Hetta er fyrstu ferð, hon er á Fólkatingi, men Rigmor Dam hevur drúgvar roynd­ ir í føroyskum politikki bæði sum løg­ tings­kvinna og landsstýriskvinna. Hon varð fyrstu ferð vald inn á ting í 2011. Eitt mál, Rigmor Dam skal vera við at viðgera, er upp­skotið um lógarkravdar upplýsingar í sambandi við peningaflytingar í banka­ stovn­um í morgin, fríggjadagin, umframt at hon skal  fund um sama mál í Føroya- og Grøn­lands-nevndini. Heimasíða skal kunna útlendingar um føroyskar fiskavørur Í dag er heimasíðan www.FaroeseSeafood. com almannakunngjørd. Heimasíðan er ein kunningarsíða um føroyskan sjómat og Føroyar sum fiski- og alivinnutjóð, og ein pallur fyri marknaðarføring og branding av føroyskum fiskaútflutningi. Heimasíðan er eitt samstarv mill­um Utt­anríkis- og vinnumálaráðið, Ráfiska­ keyp­arafelagið, Reiðarafelagið, Ráfiskaselj­ arafelagið og Fiskimálaráðið. Harumframt er Visit Faroe Islands við í verkætlanini. Verk­ætlanin er stuðlað við játtan frá Fiski­ vinnu­royndum í 2018. Sum partur av verkætlanini eru átta stutt­filmar gjørdir saman við Gutta Winth­ er, har Gutti ger mat við føroyskum fiski. Filmarnir verða lagdir á heimasíðuna og á eina YouTube-rás. Filmarnir eru framleiddir í samstarvi við Visit Faroe Islands, ið eisini fer at nýta filmarnar á teirra sosialu miðla­ pallum. Fiskivinnuroyndir hevur í 2019 játtað stuðul til at framleiða fýra nýggjar filmar.  Fyrsti filmurin sæst omanfyri greinina. Á heimasíðuni er eitt sonevnt Exporter Directory, ið er eitt yvirlit yvir útflytarar av føroyskum fiskavørum, har fyritøkur kunnu skráseta seg. Endamálið við Export­ er Directory er, at tað skal vera lætt hjá áhugaðum keyparum at finna fram til føroyskar fiskaútflytarar, eitt nú umvegis Google. Freistin at bjóða upp á Bygdaleiðir er útsett Freistin at lata tilboð inn til at røkja Bygda­ leiðir er útsett til 1. juni 2019. Hesum boðar Samferðslumálaráðið frá í dag. Heðin Mortensen, landsstýrismaður í samferðslumálum, hevur avgjørt at leggja upp­skotið um broyting í løgtingslóg um fólka- og farmaflutning fyri Løgtingið, so­ leiðis at raksturin av bygdaleiðum kann bjóðast út í eitt 7 ára skeið. Samstundis hevur landsstýrismaðurin biðið Strandfaraskip Landsins um at útseta freistina fyri at lata tilboð inn til 1. juni 2019. Hetta inniber, at eingi tilboð verða latin upp fríggjadagin 1. mars 2019. Orsøkin til hetta er, at Landsstýris­ mað­urin metir, at størri dentur eigur at leggj­ast á grønar og varandi orkuloysnir í út­bjóðingartilfarinum. Ætlanin er at nýta hesa tíðina til at tryggja meira umhvørvis­ vin­arligar og grønar loysnir.