hósdagur 28. februar 2019síða 42

VINNUBLAÐIÐ HJÁ MIÐLAHÚSINUM 18 mars 2019 1 Pætur Hjalmar Evensson Í hjartanum í Havn liggur ein heilt serlig perla, har føroyskar hendur framleiða alt møguligt til ta søtu tonnina. Staðið eitur Gómagott. Hetta er kaffistovan, sum veruliga hevur givið Steinatúni nýtt lív og nýggjan samleika, síðan virksemið flutti inn í gamla bankabygningin í november 2016. Eigararnir eru hjúnini Kirstin og Høgni Hammer, og tey hava úr at gera við hjartabarninum, Gómagott. Hóast fyrispurningar skulu svarast, kundar skulu røkjast og konfektir skulu gerast, so hava tey bæði gjørt sær stundir til eitt prát um frítíðarítrivið, sum uppá stutta tíð bleiv teirra lívsverk og gerandisdagur. Vit sita við eitt borð í kaféini, har tey hava bjóðað mær ein heitan kaffimunn. Á borðinum standa tvær lítlar fittar skálir, sum eru fyltar við konfektum. Lakreskúlur, marcepan við cognac, sjokulátanøtir og ein flott skínandi appelsinkaramell, sum er so fullkomin, at tað næstan er synd at bíta í hetta meistaraverkið. Ein vaksandi føroysk sjokulátumentan Nógvir gestir hava funnið seg til rættis í lítlu, hugnaligu kaféini, her kakur, føstulávintsbollar, siroppar, sjokuláta og konfektir av alskyns slag prýða diskin og hillarnar. Bakgrundsprátið gongur, meðan kaffikopparnir klirra. Huglagið er onkursvegna stórbýarkent, men kortini heimligt, fjálgt og serføroyskt. Høvdu teir gomlu vitað. Nakað høvdu teir sagt um gongdina, at vit í 2019 fara út á kafé at eta konfekt og fløtabollar. Men hetta er veruleikin um allan heimin, og við Gómagott á odda er rákið nú av álvara komið til Føroya, og Gómagott hevur vunnið hjørtini á føroyingum. Eigararnir halda, at hugburðurin hjá føroyingur er broyttur seinastu árini. - Eg haldi, at føroyingar hugsa meira um at stuðla føroyskari framleiðslu, samstundis sum mann er blivin nógv meira tilvitaður um góðsku. Tað eru ikki øll, sum halda, at eitt Twix er sakin longur. Fólk vilja heldur njóta eitt lítið og gott petti av onkrum, sum smakkar av meira, sigur Kirstin Hammer og er skjót at avbróta seg sjálva: - Men altso vit eru ikki blivin so snobbut, at vit ikki kunnu eta aðra sjokulátu. Vit bæði eru sjálvandi enn líka glað fyri Mini Eggs og annað hjá Cadbury, flennir hon og hyggur á Høgna, sum gevur henni rætt. - Góðskan hevur størstan týdning Vørurnar hjá Gómagott eru hondgjørdar, og tey royna at brúka so nógvar føroyskar rávørur, sum gjørligt. Hetta veri seg mjólkavørur, egg og smør, og so brúka tey íslendskt mjøl, fyri at framleiðslan kemur so tætt uppat norðurlendska samleikanum sum møguligt. Allar rávørurnar eru gjølla útvaldar, og tí fáa tey eisini sjokulátu úr Belgia, sum er heimsins sjokulátunalvi. - Eitt av okkara aðalmálum hevur síðan fyrsta dagin verið ikki at ganga uppá kompromis við góðskuna. Góðskan er Føroysk konfekt: - Góðskan hevur - TAÐ ERU IKKI ØLL, SUM HALDA, AT EITT TWIX ER SAKIN LONGUR. FÓLK VILJA HELDUR NJÓTA EITT LÍTIÐ OG GOTT PETTI AV ONKRUM, SUM SMAKKAR AV MEIRA, SIGUR KIRSTIN HAMMER, SUM SAMAN VIÐ MANNI SÍNUM HØGNA HAMMER EIGUR OG REKUR FÓLKAKÆRU KAFFISTOVUNA OG SJOKULÁTUFRAMLEIÐSLUNA, GÓMAGOTT Høgni og Kirstin Hammer standa her uttan fyri Gómagott í Steinatúni