hósdagur 28. februar 2019síða 44

VINNUBLAÐIÐ HJÁ MIÐLAHÚSINUM 20 mars 2019 1 Vilmund Jacobsen Síðan fjør heyst hevur KJ Hydraulik havt rættiliga nógv leveringar av aliringum, ser­ liga til Hiddenfjord, og nú verða fleiri ali­ ringar framleiddir til Bakkafrost. Tað er í fyrsta lagi hesi bæði alifeløg, sum keypa føroyskar aliringar, og hetta merkir eisini virksemið hjá KJ og teimum undir­veitarum, sum fyritøkan á Kambsdali sam­starvar við um aliringarnar. Men, KJ letur eisini gera aliringar til út­lendsk feløg, og nú felagið herfyri fekk Norsk Veritas góðkenning til sínar aliringar, eru vónirnar stórar um, at útlendski marknaðurin fer at veksa, kanska serliga í Noregi, Skotlandi og Íslandi. - Henda góðkenning hevur verið ein treyt fyri at koma inn á norska marknaðin, og góðkenningin er eisini eitt gott vørumerki í øðrum londum, eitt nú í Skot­ landi og Íslandi. Jóannes Mørkøre, sølumaður hjá KJ, sigur, at tað serliga var í fjør heyst og í vetur, at aliringar vórðu gjørdir til Luna, og í ár skulu fleiri gerast Bakkafrost. - Hetta eru viðskiftafeløg, sum hava keypt okkara aliringar gjøgnum fleiri ár, sigur hann. Talan er alt um stórar aliringar, sum KJ Hydraulik hesa seinastu tíðina hevur latið Hiddenfjord og Bakkafrost, nevniliga ringar, sum flestu eru 160 metrar í ummáli. - Hetta eru aliringar, sum hava pláss fyri nógvum fiski og sum klára seg væl í sjón­um – eisini móti opnum havi. Teir liggja væl í sjónum og klára seg væl í stórari aldu, sigur Jóannes Mørkøre. Størsti aliringurin, sum KJ Hydraulik hevur latið gera, er 200 metrar í ummáli, men tað mest vanliga er, at teir stóru ring­ arnir eru 160 metrar í ummáli. - Hin fyrsti aliringurin á 160 metrar varð gjørdur til Gulan hjá Bakkafrost fyri eini átta árum síðan, leggur Jóannes Mørkøre aftrat. Undirveitarar KJ Hydraulik hevur tvær fyritøkur – ella tveir undirveitarar – sum gera aliringar. Hes­ir eru HP Jarn, sum samstarvað hevur verið við í eini níggju ár og PE Plast, sum KJ hevur samstarvað við síðan 1998. - Sum er, hevur Bakkafrost bílagt einar 36 aliringar, sum skulu gerast í ár, og hetta kemur so oman yvir allar teir, sum vit hava gjørt fyri Hiddenfjord í heyst og í vetur. Jóannes Mørkøre heldur seg minnast, at eitt tað størsta talið av aliringum, sum KJ hevur latið í eitt er, hevur verið um 60. - Men, tá hava ikki allir verið líka stórir. Eg trúgvi, at rúmmálið í ringunum, sum vit skulu lata í ár, er størri enn nakrantíð áður, sigur hann. Í fjør læt KJ eisini fýra aliringar til Fin­ lands, tveir til Orknoyggjarnar og tveir til Íslands, og hetta var í samstarvi við Vón­ ina. - Tað eru undirveitarar hjá okkum, sum KJ hevur sáttmála um - AT OKKARA ALIRINGAR NÚ ERU GÓÐKENDIR HJÁ NORSK VERITAS, LETUR UPP FYRI NÝGGJUM MØGULEIKUM, SIGUR JÓANNES MØRKØRE, SØLUMAÐUR HJÁ KJ, SUM SIGUR, AT FYRITØKAN Á KAMBSDALI Í LØTUNI HEVUR SÁTTMÁLA UM 36 NÝGGJAR ALIRINGAR