mánadagur 4. mars 2019síða 22

Mánadagur 4. mars 2019 · Nr. 26 22 Sosialurin Hugskot og viðmerkingar – send sms til 225000 Sjúrður Hildarson Hoydal Tað tykist sum fleiri føroyskir hond­bóltsleikarar enn nakran­ tíð royna eydnuna uttanlands. Gaman í hava føroyingar fyrr roynt seg uttanlands, serliga í Danmark, men hetta ættarliðið av útisetum er sermerkt við at fleiri fara út at royna seg av hondbóltsávum burturav, heldur enn orsakað av lesnaði ella starvi. Hetta ger seg í eitt sindur størri mun galdandi hjá mans­leikarunum, men har eru eisini nógvar kvinnur, ið royna seg í hægru deildunum í grannalondum okkara. Millum annað hava bæði Kristianna Henneberg Joensen og blað­ unga Lív Sveinbjørnsdóttir Poul­sen verið at sæð í fremstu donsku deildini hetta kapp­ ingar­árið. Hesaferð fer Ítrottar­ sosialurin tó bert at lýsa gongdina hjá teimum mans­ leikar­unum, ið royna seg uttan­ lands hetta kapp­ingar­árið. Niklas í tøttum oddastríði Niklas Simonsen stóð fast í trið­fremstu donsku deildini eina tíð, áðrenn hann valdi at taka lopið upp í ta næstremstu. Og tað var ikki hvat sum helst felag, hann valdi sær. TM Tønder flutti úr fremstu deild­ ini árið frammanundan, og felag­ið var undan kapp­ingar­ ári­n­um millum favorittarnar at flyta upp aftur. Ætlanin um uppflyting hevur eisini tókst at gingið sera væl, tí Tønder hevur ligið á fyrsta plássi meginpartin av árinum. Men februar mánaði eydnaðist ikki so væl, og nú liggja Niklas Simonsen og lið­ felag­arnir á øðrum plássi, eitt stig aftanfyri Fredericia. Fimm dystir eru eftir at leika, og eingin ivi er um, at Tønder ætlar sær at vinna allar fimm í eini roynd eftir fremsta plássinum, ið gevur bein­leið­is uppflyting. Eydnast hetta ikki, er framvegis ein møgu­leiki fyri at síggja kvívíkingin í fremstu deildini, tí at næst- og triðfremsta liðið í deildini spæla dystir um hitt uppflytingarplássið. Rókur og Eirikur í niðurflytingarstríði Í lægra endanum av næst­ fremstu donsku deildini finna vit tvey føroyingafeløg á 17 stigum eftir 21 dystir. HEI Skæring við Róki Akralíð á liðnum liggur á níggjunda plássi, meðan Frederikshavn FI hjá Eiriki J. Simon­sen, liggur á tíggjunda plássi. Hetta er støðan eftir at Rókur Akralíð vann dystin á fyrr­verandi liðfelaganum um vikuskiftið. Hetta kom sera væl við hjá HEI, tí at liðini, sum enda á tíggjunda og 11. plássi skulu spæla um niðurflyting eftir at kapp­ingin er lokin. Nummar 12, 13 og 14 flyta beinleiðis niður, men har eru fimm stig frá hesum feløgum upp til før­ oy­ingafeløgini, ið hóra undan í løtuni. Føroyingarnir í Stavanger halda fast í oddinum Í næstfremstu norsku deildini, halda Kjartan Johansen, Helgi H. Hoydal og Jónas G. Djurhuus lív í eini vón um uppflyting. Felag teirra, Viking Stavanger, ligg­ur á sjeynda plássi, men í sera tøttu deildini eru bert tvey stig upp til triðja plássið, ið gevur uppflytingardystir móti nummar tíggju frá fremstu deildini Seinasta vikuskiftið var sjón fyri søgn at tað liggur væl fyri hjá teimum trimum før­oy­ingunum, tí tá gjørdist Kjartan Johansen toppskjútti við seks málum, meðan Jónas G. Djurhuus og Helgi H. Hoydal fingu ávikavist fimm og fýra mál. Føroyingarnir vóru á veg móti einum tapi, men Jónas G. Djurhuus setti bóltin í málið í evstu løtu og tryggjaði Viking eina stigið. Áki og Allan hóra undan Í Íslandi er eisini eitt før­oy­ inga­felag at finna. Tað er KA úr Akureyri, ið spælir í fremstu deildini. Áki Egilsnes var við til at flyta liðið upp í bestu deild­ina í fjør, og fekk í ár Allan Norðberg afturat sær í felagnum. Nú tá ið fimm dystir resta í av kappingarárinum, ligg­ja teir báðir lámu før­oy­ing­ arnir nakað omanfyri niður­ flyt­ingarstrikuna, har grannar­ nir úr Akureyri liggja við fimm stigum færri enn føroyingarnir. Yvirhøvur hava før­oy­ ingarnir báðir fingið góð skoðs­mál fyri síni avrik í fremstu íslendsku deildini. Eitt nú hevur Áki Egilsnes skotið fjórð­flest mál í deildini, við 97 málum í teimum fyrstu 17 dystunum. Rói, Tóraldur og Fríði í uppflytingarstríði Rói Berg Hansen spældi í næst­fremstu donsku deildini í fjør, men felag hansara, FIF, flutti niður. Vongurin valdi at fylgja við felagnum niður í triðfremstu deildini, við vón­ ini um at steðgurin fór at gerast stuttur. At hjálpa sær við hesum fekk hann før­oy­ ingin, Tórald Kollsker. Mál­ verj­in hevur stríðst nakað við skaðar seinnu árini, men úr FIF frættist at hann er komin fyri seg. Nógv bendir eisini á, at Rói Berg Hansen og Tóraldur Kollsker verða at síggja í næst­ fremstu donsku deildini, tí eftir 18 dystir hevur FIF fingið 18 sigrar, og liggur sera væl fyri á fremsta plássinum í sínum bólki. Varðveitir FIF plássið, flytur felagið beinleiðis upp í næstfremstu deildina. Í hesari deildini eru tríggir bólk­ar, og í einum øðrum bólki finna vit Fríða Hammer Weyhe, ið spælir í Aars. Aars liggur á triðja plássinum í sínum bólki, trý stig aftanfyri oddaliðið HC Midt­jylland. Hesi bæði liðini spældu eisini javnleik seinasta viku­skifti, og Fríði Hammer Weyhe og Aars skulu helst gera sær størstu vónirnar um næst­fremsta plássið, ið gevur at­gongd til uppflytingardystir. Aars er í løtuni eitt stig frá hes­ um plássi sjurdur@sosialurin.fo HONDBÓLTUR Hondbóltsútisetarnir hjá monnum fara nú inn í seinastu umførini í Danmark, Noregi og Íslandi. Tað hevur gingið væl hjá fleiri teirra, og nógvir eru í týðandi stríðum – bæði ovarliga og niðarlaga á stigatalvunum Støðan í donsku 1. Deild 1. Fredericia 36 2. TM Tønder 35 3. Skive 29 4. Team Sydhavsøerne 28 5. Ajax København 25 6. Odder 25 7. HØJ 22 8. Otterup 19 9. HEI Skæring 17 10. Frederikshavn FI 11. Stoholm 12. HC Odense 13. Randers 14. Køge Støðan í norsku 1. Deild Felag Dystir Stig 1. St. Hallvard 19 33 2. Nøtteroy 20 27 3. Follo HK 19 24 4. Charlottenlund 20 24 5. Sandnes 19 24 6. Sandefjord 19 23 7. VIking Stavanger 19 22 8. Viking TIF 20 22 9. Lillestrøm 19 16 10. Herulf Moss 19 9 11. Oslo-Studentenes IK 20 8 12. Vålarenga 19 0 Støðan í Ólisdeildini í Íslandi 1. Haukar 27 2. Selfoss 26 3. Valur 25 4. FH 24 5. Afturelding 18 6. ÍBV 15 7. ÍR 14 8. Stjarnan 13 9. KA 13 10. Fram 11 11. Akureyri 8 12. Grótta 8 AVGERANDI VIKUR HJÁ ÚTISETUNUM Jónas G. Djurhuus og føroyingarnir í Viking Stavanger hava framvegis møguleika fyri uppflyting Allan Norðberg hevur styrkt liðið hjá Àka Egilsnes Eirikur J. Simonsen kappast við Rók Akralíð í botnstríðnum