mánadagur 11. mars 2019síða 8

8 Sosialurin Hugskot og viðmerkingar – send sms til 225000 Mánadagur 11. mars 2019 · Nr. 29 TÍÐINDI Tungvektari gevst í føroyskum politikki LEGGUR FRÁ SÆR Hugurin er framvegis góður, men eg síggi í álmanakkanumm at eg eri komin upp í árini, sigur hann Áki Bertholdsen Ein av avgjørdu tung­vekt­ar­ un­um politikki, Edmund Joen­sen í Sambandsflokkinum, gevst nú í føroyskum politikki. Tað váttaði hann fyri okkum á lands­fundinum hjá Sam­ bands­flokkinum leygardagin Edmund Joensen sigur, at tað liggur púra fast, at hann fer ikki at stilla upp til løg­ tings­valið, sum verður í sein­ asta lagi 31. august. Hinvegin er hann ikki heilt so avgjørdur, tá ið tosað verður um fólkatingsvalið, sum eisini verður í næstum. – Eg vigi fyri og ímóti – men helst verður svarið eisini nei í hesum føri, sigur hann. Men hann leggur kortini afturat, at tað veldst eisini eitt sindur um, hvussu uppstill­ing­ in verður, og, hvørji valevnini vera. Edmund Joensen sigur, at hug­urin er enn góður til polit­ ikk, tað er ikki tí, hann gevst. Men hann sigur, at tá ið hann hyggur í álmanakkan, sær hann, at hann er komin væl til árs, og hann heldur, at tað er fræg­ast at leggja frá sær ímeð­ an hann sjálvur finnur hurð­ ina. – Eg havi altíð havt alstóran hug fyru politikki. Pensjón havi eg hugsað lítið um, tí tað eru nógv ár síðani at at kundi verið farin frá við fullari pen­ sjón, sigur hann. Hjá mær hev­ ur tað verið hugurin, sum hev­ ur drivið verki, leggur hann afturat. Tað verða stórir skógvar, ið skulu fyllast, tá ið Edmund Joen­sen leggur frá sær. Á sein­ asta fólkatingsvali varð hann av­gjørdur toppskorari hjá Sam­bandsflokkinum við heili 2.416 atkvøðum og á seinasta løg­tingsvali var hann eisini topp­ skorari hjá Sam­bands­flokk­in­ um við 636 at­kvøð­um. Roynt alt Edmund Joensen er 74 ára gam­alur, og hevur roynt alt, sum er vert at royna, í før­oysk­ um politikki, og tilsamans hev­ur hann nú verið í politikki í heili 49 ár. Fyrstu ferð, hann fekk smakk­in av politikki, var í 1970, tá ið hann var valdur í bygda­ráðið á Sundi, har hann sat til 1980. Fyrstu ferð, hann varð vald­ ur á Løgting, var í 1988 og hann var formaður í Sambands­ flokkinum í ellivu ár, frá 1990 til 2001. Hann var somuleiðis løg­tingsformaður frá 2002 til 2008. Edmund Joensen var eisini Føroya løgmaður frá 1994 til 1998, sum vóru ómetaliga buldra­sligar tíðir í Føroyum við ringastu kreppu, vit hava havt. Hesa tíðina legði hann eisini lunnar undir at vit fingu ta stýris­skipan, vit nú hava, og har hvørt landsstýrisfólk sjálvi hevur ábyrgdina av sín­ um máls­øki. Sum løgtingsformaður tók hann eisini stig til at gera Før­ oyar til eitt valdømi, og hann er heitur talsmaður fyri føroysk­um samstarvi við ES, og ikki minst er hann heitur tals­mað­ur fyri at ríkis­felags­ skap­inum ímillum Føroyar, Grøn­land og Danmark. Hann hevur eisini drúgvar royndir á Fólkatingi. Hann var á Fólkatingi frá 1994 til 1998, men tá hevði hann varamann fyri seg, tí hann var løgmaður, og sostatt tók hann ongantíð sæti á Fólkatingi hesa tíðina. Men annars var hann fólka­ tingsmaður frá 2007 til 2015. Umframt at vera politikari, hevur hann havt ein hóp av álitisstørvum í privatu vinn­ uni. Hann var ein av und­an­ gongumonnunum í føroyskari aling fyri eini hálvari øld síð­ ani, og hann var eisini nevnd­ arlimur í Fiskasøluni í fleiri ár, umframt at hann var stjóri á virkinum O.C. Joensen á Oyri. BÁRÐUR EINMÆLT AFTURVALDUR Tað er nú greitt, at Bárður á Steig Nielsen, heldur fram sum formaður í Sambands­ flokkinum. Tað varð greitt á Landsfundinum hjá Sam­ bands­flokkinum leyg­ar­dag­ in. Og hann varð einmælt afturvaldur, tí tað var eingin, sum bjóðaði honum av. Tað er somuleiðis greitt, at Helgi Abrahamsen heldur fram sum næstformaður í Sam­bandsflokkinum. Og held­ur ikki í hesum føri var nakað mótvalevni, so eisini hann varð einmælt aftur­ vald­ur. Bárður á Steig Nielsen hevur fulla undirtøku í Sambandsflokkinum. Aftan fyri hann situr danski forsætisráðharrin, Lars Løkke Rasmussen, sum var gestur á landsfundinum hjá Sambandsflokkinun leygardagin Tað verða stórir skógvar hjá Sambandsflokkinum at fylla, tá ið Edmund Joensen nú leggur frá sær. Hann hevur verið í politikki í samfull 49 ár, og hevur roynt alt, sum er at royna. Her er hann á landsfundi hjá Sambandsflokkinum leygardagin Tað er frægast at leggja frá sær ímeðan hann sjálvur finnur hurðina