hósdagur 21. mars 2019síða 17

FRÍGGJADAGUR 22. MARS 2019 SOSIALURIN 34 17 - Ætlanin er at leggja allir sangirnar í Barnasangbókina út, so at børnini kunnu hoyra teir. Tankin er at fáa børn at hyggja eftir føroyskum tilfari, heldur enn at hyggja eftir útlendskum, greiðir Árni Øregaard frá, ið er margmiðlasmiður hjá Nám HALLUR AV RANA S tutt undan jólum gav Mentamálaráðið út sang­bókina Barna­ sang­bók Føroya. 114 av best umtóktu føroysku barna­ sangunum eru í bókini og er ætlan­in, at hon skal latast øllum ný­føð­ingum í vøggugávu frá landinum. Um sama mundi sá Youtube- rásin Barnasangbók Føroya dagsins ljós, har allir sangirnir í nýggju sangbókina so líðandi verða lagdir út sum videofilmar. Higartil hava sangirnir á rásini verða spældir 273.106 ferð­ ir og eru mest spældu sangirnir ”Mæ, mæ, mæ”, ”Mítt lítla fitta lamba­mæ”, ”Lítla fitta nissa mín” og ”Góða mamma, kom nú”. Føroyskt framum útlendskt Meðan tað er Mentamálaráðið, ið hevur givið Barnasangbókina út, er tað Nám, ið hevur staðið fyri at lagt sangirnar út. Tað verður gjørt við at leggja teir út á You­tube, nam.fo og snar.fo. - Ætlanin er at leggja allir sangir­nar í Barnasangbókina út, so at børnini kunnu hoyra teir. Tankin er at fáa børn at hyggja eftir føroyskum tilfari, heldur enn at hyggja eftir útlendskum, greiðir Árni Øregaard frá, ið er marg­miðla­smiður hjá Námi. Higartil eru 99 av teimum 114 sangunum lagdir út á Youtube og kemur restin so líðandi, greiðir hann frá. - Vit hava fingið góða hjálp frá Kring­varpinum, ið hevur givið okkum tær upptøkur, ið tey hava sitið inni við av ymiskum sang­um. Harumframt hava vit fingið tilfar frá Bubu, Tatanka, Kular Røtur, Trølla Pætur og øðrum, ið hava havt ymiskar sang­ir á Youtube og aðra staðni, greiðir margmiðlasmiðurin frá. Góð móttøka Viðvíkjandi teimum sangum, ið einki video hevur verið til, hevur Nám gjørt ymisk video til sangirnar. Í nøkrum førum er talan um myndir og í øðrum før­um er meira gjørt burturúr. Ein tann nýggjasti sangurin, ið er lagdur út, er ”Fimm smáar apur”. Teknarin Allan Korsager Davidsen hevur gjørt ein animatiónsfilm til sangin, ið Guðrun Sólja syngur. Filmurin tekur støði í tekningini, ið hann gjørdi til sangin í Barna­sang­ bókini. Árni Øregaard greiðir frá, at fólk hava tikið væl ímóti nýggju rásini, ið er vorðið eitt savningarstað fyri føroyskar barnasangir. - Móttøkan hevur verið øgiliga góð. Flestu fólk, ið hava børn undir sjey ár, hava antin vitjað rásina ella hoyrt um hana. Vit hava bara fingið jaligar aftursvar um rásina og at nýtt føroyskt tilfar er komi á Youtube, sigur hann. HALLUR@SOSIALURIN.FO Barnasangbókin á Youtube Meira talgilt tilfar til børn HALLUR AV RANA S einastu mánaðirnar er nógv nýtt føroyskt barna­tilfar lagt út á Youtube og alnetið, har­ av nógv av tí hevur sín upp­runa í, at Mentamálaráðið í 2018 valdi at seta sjóneyka á málmenning hjá børnum. Aðrastaðni á hesi opnuni ber til at lesa um tvær av hes­ um verkætlanunum, ið eru Barna­sangbókin á Youtube og bokstav.fo, ið er nýggja síðan hjá klovninum Bubu. Og um vit ynskja at næsta ættar­lið­ið skal læra føroyskt, so er slíkt tilfar neyðugt. Tað sigur Eyð Berghamar Stein­bjørns­ dóttur, MA í føroyskum, sum í fjør skrivaði eina MA-ritgerð um mál­tøku hjá føroyskum børnum við serligum atliti at íkasti úr útlendskum máli. - Tað hevur týdning, at børn læra móðurmálið fyrst. Tá tey læra seg eitt mál, hevur tað týdn­ing hvussu ofta tey hoyra tey íkastini, ið tey fáa, fyri at tey taka tað til sín og tey íkastini gerast partur av teirra máli. So kann man siga, at um tey hoyra mest íkast á enskum á Youtube og hoyra tað upp í saman, so verða tað kanska tey íkastini, ið tey læra fyrst, greiðir hon frá. Flestu eru á Youtube Í samband við MA-ritgerðina gjørdi Eyð Berghamar Stein­ bjørns­dóttur eina kanning millum føroysk børn, ið staðfesti, at sjálvt tey yngstu kendu væl til enska málið. - Kanningarnar hjá mær stað­ festu, at børn niður í vøggu­ stovu­aldur lærdu seg barna­ sang­ir, tøl og litir á enskum. So tað er eingin ivi um, at tey allarflestu føroysk børn í dag brúka Youtube, sigur Eyð Berg­ hamar Steinbjørnsdóttur. Tí metir hon, at tað hevur stóran týdning, at føroyskt tilfar verður framleitt, ið kann leggjast út á Youtube og aðrastaðni, har før­oysk børn ferðast í talgilda heimi­num. - Vit skulu hava meira av øll­ um tilfari til børn talgilt. Tað er at gleðast um, at Barna­sang­ bókin er á Youtube. Hon var í gerð meðan eg skrivaði MA- ritgerðina, og hugsaði eg tá, hví hon ikki eisini bleiv løgd út talgilt, tí tað var serliga har tað manglaði. So tað var gott, at man tók stig at fáa hetta í lag beinan­ vegin, sigur hon og leggur aftur­ at. - Tað spjaddi eisini bein­an­ vegin nakrar ringar í vatninum, so nýtt tilfar bleiv framleitt, har­ ímillum Fimm smáar apur, ið nú eru á føroyskum. Tað kundi verið gjørt nógv meira av tí slagnum, tí eg veit at nógv føroysk børn hyggja eftir slíkum sangum á bæði enskum og donskum. HALLUR@SOSIALURIN.FO - Kanningarnar hjá mær staðfestu, at børn niður í vøggustovualdur lærdu seg barnasangir, tøl og litir á enskum. So tað er eingin ivi um, at tey allarflestu føroysk børn í dag brúka Youtube, sigur Eyð Berghamar Steinbjørnsdóttur