mánadagur 25. mars 2019síða 16

16 Sosialurin Mánadagur 25. mars 2019 · Nr. 35 REVSAÐIR FYRI ÚRSLITIÐ Hóast lutir í spælinum vóru á eini leið, so verður liðið revsað fyri úrslitið. Hetta er fyrsu ferð, at Malta vinnur á heimavølli síðani 2006 í kapping. Tað er ikki nøktandi fyri okkara lið Tróndur Arge – Ta´Qali, Malta Avrikið á Ta´Qali leikvøllinum á Malta verður dømt eftir úrslitinum. Í tølum og í spæli, so var føroyska liðið omaná, men heildarmetingin er væl undir miðal. Okkara megnaðu í ov lítlan mun at skapa møguleikar og hótta við stóru yvirvágini, men tað er eisini ein sannleiki, at føroyska liðið skapti nokk til at skjóta tvey mál. Hetta kemur tó at standa í skugganum av úrslitinum. Malta hevur ikki vunnið ein dyst í kapping síðani 2013, og ikki síðani 2006 á Malta. Tí verður liðið revsað fyri úrslitið, heldur enn allar partar av spælinum. Vit sóu eisini hetta móti eitt nú Aserbadjan í Nations League, tá vit taptu 3-0 á Tórsvølli. Tá var spælið til tíðir gott, men vit tapa móti einum liðið, sum tó hevur víst seg at verða sterkari enn vit. Tað kunnu vit ikki siga um Malta. Spælarametingar: