mánadagur 25. mars 2019síða 17

17 Mánadagur 6. januar 2014 · Nr. 2 Sosialurin Mánadagur 25. mars 2019 · Nr. 35 Hugskot og viðmerkingar – send sms til 225000 Málverji: Gunnar Nielsen 5 Kann ikki lastast fyri málini hjá Malta. Tað fyrra er tætt undir málinum, meðan tað seinna er eitt brotsspark. Hann kann heldur ikki lastast fyri vantandi kreativitetin í spælinum, men har vóru einar tvær støður, har hann og verjan ikki fáa tosað saman. Gilli Rólantsson 3 Hevur funnið seg til rættis á høgra bakki, har hann er javnt góður. Leggur eisini upp til málið hjá Jákupi Thomsen, men aðrar tíðir koma bóltarnir ikki innfyri, tá teir skulu. Atli Gregersen 2 Verður revsaður hart upp á brotssparkið, sum hann ikki skuldi havt gjørt. Hevði eisini trupulleikar av skjótu og kviku monnunum í álopinum hjá Malta, men kláraði eisini fleiri ferðir við hegni, at standa rætt, tá teir komu í mótálop. Var róligasti maður á bóltinum í fyrra hálvleiki, tá einki riggaði, men kemur í fleiri óneyðugar støður, tí vit ikki megna at stegða mótálopunum. Odmar Færø 2 Byrjaði við einum feilsparki, sum tóktist mynda avrikið eina løtu. Spældi seg síðani upp og í seinna hálvleiki eigur hann eisini onkran týdningarmiklan fót á, tá maltesar eru á veg móti málinum. Tað kann kjakast um, um hann eigur lut í fyrsta málinum, men tað er hart dømt. Viljormur Davidsen 2 Kemur til fleiri góðar støður sum vinstri bakkur, men alt ov oftani eru innleggini og bleyt ella óneyv. Dugur væl at koma framvið og tað skal eisini sigast, at hinir spælararnir mugu eisini søkja innleggini, men tey eru enn ov óneyv. Sølvi Vatnhamar 2 Stríddist tað hann var mentur á høgra vongi, men tað kom alt ov sjáldan nakað burturúr. Hevði upptrekk til onkra góða søðu, men tykist ikki eins væl fyri, sum tá hann toppaði móti Grikkalandi á sinni. Rógvi Baldvinsson 2 Spældi á verjukenda miðvøllinum, har hevur sínar dygdir, men tað kom bara ikki til sjóndar í hesum dystinum. Hann hevur styrki, men tað endaði oftast við at maltesar vóru í yvirtal og kvikari. Vantandi dystarvenjingin og ferðin sást aftur á avrikinum. Brandur Hendriksson 2 Stendur eftir sum spælarin, ið brendi okkara gylta møguleika. Tók eina løtu at koma inn i dystin. Síðani hevði hann nakrar góðar avleveringar og er stekur á bóltinum, men tað bleiv ov sjáldan vandamikið. René S. Joensen 2 Tað hevur til tíðir eydnast væl hjá honum á vinstra vongi, men hesa ferð kom ikki so nógv burturúr. Ongantíð kom hann í feltið og bleiv vandamikil, men kom í onkra góða støðu í vinstru. Vantandi dystarvenjingin sást. Hallur Hansson 2 Vil nógv og innsatsurin liggur ikki eftir, men Hallur fekk lítið burturúr. Serliga óneyvur var hann í fyrsta hálva tímanum, har lættar avleveringar ikki komu fram. Hann hevur nógv at bjóða liðnum í framrættaða spælinum, men tað krevur at hann hevur onkran at spæla við. Jákup Thomsen 3 Fær eina hægri meting, tí hann skorar. Og tað er jú tað áleyparar skulu. Fekk boð fimm minuttir undan dystarbyrjan, at hann skuldi byrjar. Tað riggar best hjá honum, tá hann vendir móti málinum hjá mótstøðuliðnum. Við rygginum til riggaði avspælið til tíðir illa. Kaj Leo í Bartalsstovu 2 (Inn 68.min) Hevur góðan bóltførleika, men heldur ov leingi upp á bóltin. Hartil kemur ov lítið burturúr. Mótsetningurin er Árni Frederiksberg, sum er skjótur at leggja bóltarnar innfyri. Klæmint A. Olsen 2 (Inn 72.min) Kann kanska verða vónbrotin um, at hann ikki bryjaði, tí hetta er um nakað dysturin, har rituvíkingurin skal spæla. Sannførdi tó ikki minuttirnar hann var á vøllinum, men tað var líka við at vit fingu eitt ”Árni- Klæmint-mál”. Árni Frederiksberg 3 (Inn 79.min) Megnaði tvær ferðir at senda góð innlegg innfyri. Hevur tað eitt sindur trupult, um hann ikki hevur pláss, men skapti nakrar vandamiklar støður. Tað hevur verið ein avbjoðing hjá okkum. Lars Olsen 2 Dumpar saman við restini av liðnum. Megnaði ikki at seta liðið upp til fyrstu løtuna og helst riggaði miðjan ikki, sum hann ynskti. Skal hava rós fyri at spæla øll trý kortini frá bonkinum, men onkuntíð er ringt at lesa spæliætlanina av. Vit flyta bóltin væl runt, men hvat er endamálið?