mánadagur 25. mars 2019síða 22

22 Sosialurin Mánadagur 25. mars 2019 · Nr. 35 Føroyskir veteranar í judo gjørdu leygardagin innrás í Odense. Føroyameistarar eru funnir í borðtennis, og so eru føroyskir telvarar til kapping fyri smátjóðir. Pætur Albinus Borðtennis Nakrir av seinastu dystunum í FM-kappingini fyri ung vórðu spældir í Havn í gjár, har ung­ dómslandsliðið um vikuskiftið hevur verið savnað á venj­ing­ ar­legu, og beint eftir venjing­ ar­leguna fekk avgreitt sein­ astu dystirnar. Úrslitini vóru hesi: Mansunglingar, ein­mans­ leikur: 1. Tórur Eið Eliasen (Tór), 2. Heri Lava Láadal (Tór), 3. Rói Hjaltason (Tór). Kvinnu­ ung­lingar, tvímansleikur: 1. Sólja Hilduberg Djurhuus (Tór) / Marin Elisabet Poulsen (TBF), 2. Britt Michelsen (TBF) / Anja Wongwai (TBF), 3. Hanna Fons­dal Højgaard (TBF) / Vict­ oria Debes (TBF). FM fyri vaks­ in verður 26. og 27. apríl. Hondbóltur Áki Egilsnes gekk aftur á odda, tá ið liðið hjá honum og Allani Norðberg, KA av Akureyri, í gjár vann 26-22 á útivølli ímóti Afturelding. Áki skeyt heili 10 mál og var toppskjútti í dyst­ inum. Síðsta mánadag var Áki saman við Allani, ið hesa­ferð einki mál fekk, toppskjútti í 27-29-tapinum fyri Selfossi. Teir báðir skutu tá sjey mál í part fyri KA, sum í løtuni er nummar átta av teimum 12 liðun­um í Olísdeildini, sum besta íslendska deildin eitur. Niklas Simonsen stóð ein góð­an dyst í málinum, tá ið TM Tønder í gjár vann 28-26 á HØJ í næstbestu donsku deildini og framvegis heldur seg til í odda­ stríðnum, har teir eru nummar tvey, trý stig aftanfyri odda­ liðið, Fredericia. Tveir dystir eru eftir at spæla, og varðveitir TM Tønder 2. plássið, skulu teir spæla uppflytingardystir ímóti Team Sydhavsøerne, Skive ella Ajax København. Rókur Akralíð skeyt trý av málunum, tá ið HEI Skæring fríggjakvøldið vann 27-20 á Stoholm og nú er nummar níggju í næstbestu donsku deild­ini og endaliga hevur tryggjað sær ikki at flyta bein­ leiðis niðru. Frederikshavn FI við Eiriki Simonsen á liðnum tapti í gjár 29-21 fyri odda­liðn­ um, Fredericia, og eru teir úr Frederikshavn trý stig frá beinleiðis niðurflytingini nú einans tveir dystir eru eftir at spæla. Judo Fýra føroyskir judoleikarar vóru í kapping í Odense leyg­ ar­dagin. Hetta var ein kapping fyri veteranar. Talan er um lut­ takarar, sum eru yvir 30 ár. Búgvi Poulsen vann gull í sín­ um vektbólki, sum er -81 kilo, har átta luttakarar kappaðust. Harafturat vann hann eisini gull í lítla opna bólkinum, ið er ein opin bólkur við øllum und­ ir 81 kilo. Í hesum bólkinum vóru 10 luttakarar. Petur Sig­ urð Johannesen vann gull í vektbólkinum -100 kilo., har sjey luttakarar vóru við, og í tyngra opna bólkinum vann hann silvurmedalju. Jógvan Páll Kristiansen vann silvur í sín­um vektbólki, sum er -73 kilo. Har vóru átta luttakarar. Sig­mundur Johansen vann bronsu í sínum vektbólki, sum er -90 kilo. Her vóru eisini átta luttakarar. Í tyngra opna bólk­ inum vann Sigmundur eisini bronsu. Talv Føroyar vunnu í gjár fyrsta dystin í kappingini í talvi fyri smátjóðir í Evropa. Í fyrsta umfari vunnu vit á Malta, sum vit annars taptu fyri í fótbólti leyg­ardagin. Føroyar vunnu 2½-1½ í einum longum og drúgvum dysti. Helgi Dam Ziska og Hans Kristian Simon­ sen vunnu á ávikavist 1. og 4. borði, John Rødgaard telvaði javnt á 2. borði, og Sjúrður Thor­steinsson tapti á 3. borði. Helgi og Hans Kristian telvaðu væl og vunnu báðir sann­før­ andi. John Rødgaard hevði lítl­ an fyrimun í endaspælinum, men tað røkk ikki til sigurs. Sjúrð­ur tóktist við svarta fólk­ inum at hava javna støðu alt talvið, men hann misti takið í endaspælinum. Úrslitið ímóti Malta var: Føroyar-Malta 2½-1½ GM Helgi 2538 - Zerafa 2118 1-0 IM John 2281 - Pace 2122 ½-½ Sjúrður 2222 - Darmanin 2049 0-1 Hans Kr. 2147 - Vella 1993 1-0 Dupultumfar er í dag, mána­ dagin. Fyrri dysturin byrjaði kl.9 føroyska tíð. Tá telva Før­ oyar móti Luksemburg. Á før­ oyska liðnum telva Helgi Dam Ziska, John Rødgaard, Sjúrður Thorsteinsson og Luitjen Akselson Apol. Hans Kristian Sim­onsen hvílir. Klokkan fýra skal føroyska liðið í holt við fav­orittarnar úr Andorra. And­ orra vann í gjár 3-1 á Luks­ emburg. Á liðnum hjá Andorra eru tríggir sterkir spanskir telvarar, ein stórmeistari og tveir altjóða meistarar. Á 1. borði situr Oscar De La Riva, sum var Spaniameistari í 2003. Okkara stórmeistari, Helgi Dam Ziska, hevur tó hægri styrki­tal enn De La Riva. Úrs­ litini í 1. umfari í gjár vóru hesi: San Marino-Jersey 2-2, Kyprós- Monako ½-3½, Guernsey- Liktinstein 1½-2½, Malta-Før­ oyar 1½-2½ og Luks­em­burg­ - Andorra 1-3. Hetta er sætta kappingin í talvi fyri smátjóðir í Evropa. Hesa­ferð verður telvað í San Mar­ino. JUDO VANN SJEY HEIÐURSMERKI Í DANMARK