týsdagur 26. mars 2019síða 41

9 SOSIALURIN MARS 2019 KVEIK Conteco: GRÁI LITURIN DOMINERAR Í DAG - Næstan hvørt hús hevur gráar flisar, tí øll vilja hava flisar við hesum ráa betongdáminum. So mann kann siga, at grái liturin dominerar í dag, sigur Høgni Nielsen, múrari, sum er veitari av Conteco betongi Pætur Hjalmar Evensson pature@sosialurin.fo Ein onnur loysn fyri at fáa tann ráa betongdámin inn í heimið er Contec betong. Arbeiðsgongdin við Conteco er tann sama sum við mikrosementi, men munurin er, at mann við Conteco hevur møguleikan at spartla sjálvur í staðin fyri at fáa eitt fakfólk at gera tað sum við flestu sløgunum av mikrosementi. Conteco er fleksibult og klistrar so mikið væl, at tað gevur tær nógvar møguleikar. Mann kann koyra tað uppá næstan alt – linoleum, vinyl, motorsúkklur, bilar, køkar, møblar o.s.fr. FØROYINGAR KENNA HETTA Høgni Nielsen, múrari, fær nógvar fyrispurningar um Conteco, og hetta er bæði í sambandi við nýggj byggjaríir, men eisini í sambandi við renoveringsarbeiði. Hann byrjaði sum ein av teimum fyrstu Conteco veitarunum í Føroyum fyri hálvumøðrum ári síðani. - Tað hevur tikið sína tíð at fáa tað ordiligt fram, men nú haldi eg, at fólk hava latið eyguni upp fyri tí og vita, at tað ber til at velja hesa loysnina. Næstan hvørt hús hevur gráar flisar, tí øll vilja hava flisar við hesum ráa betongdáminum. So mann kann siga, at grái liturin dominerar í dag, sigur Høgni Nielsen. Tað mesta, sum verður gjørt við Conteco, er bæðirúm og gólvyvirflatir, leggur hann merki til. - Við Conteco hevur mann tann fyrimunin, at mann kann spartla á uttan at bróta alt upp. Hetta veri seg bæði í sambandi við bæðirúm, ið skulu renoverast, ella tá mann skal leggja á gólv. Mann nýtist ikki at ivast í, hvat undirlagið er, og tað er ein stórur fyrimunur, at mann sleppur frá renoveringsprosessini, og haraftrat hevur tað eina ótruliga slitstyrki, sigur Høgni Nielsen.