hósdagur 28. mars 2019síða 11

FRÍGGJADAGUR 29. MARS 2019 SOSIALURIN 37 11 ferðamannaskipinum, sum í fjør sigldi gjøgnum Kolturssund. - Tað er óneyðugt, men kortini ikki forboðið. Og er tað rímiligt? Tað er sovorðið vit kjakast um í løtuni, og vit tosa um, hvat mann kann gera við hetta, sigur Hans Johannes á Brúgv. Alt samfelagið má aktiverast MRCC stjórin, Edvard Bjarnason, sigur, at ein líknandi neyðstøða rakar sera vítt, og tað hevur tí týdning, at mann hevur eina greiða ætlan um, hvussu og hvat mann ger, tá so nógv fólk knappliga verða bjargað í land. - Mann má aktivera ein øgiliga stóran part av samfelagnum, um mann skal kunna taka ímóti til dømis 1500 fólkum í Føroyum. Hetta veri seg bæði innivist og hjálp til at fáa fólkini av bátinum. - Vit høvdu klárað tað Tilbúgvingarráðið er ætlað til lógir og kunngerðir, og ráðið skapar tær yvirskipaðu rammurnar fyri tilbúgvingini í Føroyum. - Vit hava ætlanir fyri, hvussu vit skipa okkum í einari kreppustøðu, og eg vildi mett, at vit høvdu klárað at taklað uppgávuna, sigur Andras Marr Poulsen, formaður í Tilbúgvingarráðnum. Hann leggur dent á, at tað kann vera ein avbjóðing viðvíkjandi tilfeingi. - Reint organisatoriskt eru vit klár, men eg dugi ikki at svara uppá, um vit eru klár ressoursumessigt, tí vit hava aldrin upplivað slíkt. Eg havi ikki yvirlit yvir, hvat hvør stovnur kann bjóða av ressoursum, sum nú er. - Í Noregi høvdu teir fimm tyrlur at flyta inn, og í Føroyum hava vit tvær. Annars plaga vit í Føroyum at brúka tær ressoursirnar, sum kunnu bjarga frá sjónum, men tað bar jú ikki til í Noregi í hesari støðuni, sigur Andras Marr Poulsen. Nýtt átaksráð á veg Tilbúgvingarráðið er í ferð við at gera eina ætlan fyri eitt nýtt átaksráð, sum skal taka sær av kreppustøðum. Hetta nýggja átaksráðið bleiv roynt fyrstu ferð í farnu viku í sambandi við stóra trygdarvenjing umborð á Norrønu, ið varð fyriskipað í samráði við avvarðandi myndugleikar. - Átaksráðið skal samskipa tær ressorsusir, mann hevur í Føroyum fyri at fáa greitt yvirit. Undir líknandi neyðstøðu skulu vit fyrst hava ressoursir til at tøma skipið, so til at taka ímóti fólkunum, so at breyðføða teimum, og so eisini til at fáa tey av landinum aftur. Hetta fevnir alt umar ymiskar myndugleikar, sum hava hvør sínar uppgávur. Fyri at skipa hetta er tað av stórum týdningi, at allir partar møtast fyri at samskipa, hvussu tað skal gerast, sigur Andras Marr Poulsen, formaður í Tilbúgvingarráðnum, um nýggja átaksráðið. - Eitt ræðumynd fyri Norðurlond Norðurlendsku londini hava avtalur um, hvussu londini skipa seg og hjálpa hvørjum øðrum, tá tað er tørvur á tí í neyðstøðum. Londini hava felagsvenjingar, har MRCC og Vørn luttaka. - Tað, sum hendi við Viking Sky, er ein ræðumynd fyri øll norðanlond. Øll londini vera trýst, óansæð hvørjum landi ein tílík støða hendir í, sigur Andras Marr Poulsen. Danski trygdarmyndugleikin Arktisk Kommando er partur av Tilbúgvingarráðnum, so kreftir frá Arktisk Kommando høvdu eisini komið til hjálpar, um eitt ferðamannaskip hevði komið í havsneyð á okkara leiðum. Arktisk Kommando hevði so gjørt seg galdandi bæði á praktiskum, operativum og strategiskum støði Rak fyri vág og vind í ódnarveðri Tað var um tveytíðina leygar­ dagin 23. mars, at stóra ferða­ mannaskipið Viking Sky kom í neyð nakað út fyri Møre og Romsdal í Noregi. Tað var stormur og upp í ódn í hvirl­ unum, meðan skipið knapp­ liga fekk trupulleikar við motorinum og steðgaði upp.  Skipið lá fyri vág og vind í aldum, sum vóru upp í 10 metr­ar hædd. Tað eydnaðist manningini at seta akker í, og hetta var um reppið, tí tað var bert 100 metrar frá at taka í botn. Tyrlur og bjargingarbátar vóru send á staðið í ódn­ar­ veðrinum. 1.373 fólk vóru um­ borð, og 479 av hesum vórðu bjargað av tyrlum.   Bleiv sleipað í land Tað eydnaðist at seta tríggjar av teimum fýra motorunum í gongd aftur á Viking Sky, og tíðiliga sunnumorgun eydn­aðist tað sleipibátum at krøkja seg fastar í Viking Sky. Ferðamannaskipið bleiv sleipað trygt í land í Molde. Fleiri av persónunum um­ borð hava verið undir við­gerð á sjúkrahúsunum nær­indis, og onkur hevði fingið álvars­ ligt mein.  Viking Sky var ikki tað ein­ asta skipið, ið kom í havsneyð í sambandi við hesa hendingina. Farmaskipið Hagland Captain, sum var í nánd, gjørdi eina roynd at hjálpa Viking Sky, men lagnan vildi, at Hagland Captain eisini skuldi koma í neyð. Farmaskipið lá halt í sjónum, og tyrlur komu mann­ ingini til hjálpar. Mikudagin var orsøkin til motortrupulleikarnar stað­ fest, sum var lágt oljutrýst. Viking Sky vitjar annars í Før­oyum 6. juni, 14. juni, 7. aug­ ust og 19. august í ár. Viking Sky: Norska bjargingartænastan hevði úr at gera, og tyrlur fóru eftir fólkunum umborð (Mynd: Ritzau Scanpix) Tað eydnaðist at sleipa Viking Sky inn á Molde (Mynd: Ritzau Scanpix) Tvær bjargingartyrlur eru til taks í Føroyum