hósdagur 28. mars 2019síða 37

VINNUBLAÐIÐ HJÁ MIÐLAHÚSINUM 13 Mars 2019 29 Húsarhaldsburturkast Nær verða posarnir heintaðir? Grái posin til húsarhaldsburturkast verður heintaður hvørja viku. Alt, sum ikki kann fara í hvíta posan, reyða posan ella á endurnýtsluplássið, kann latast í gráa posan. Hvassir lutir skulu pakkast væl inn, áðrenn teir verða latnir í gráa posan. Hvíti posin til papp og pappír verður tikin, tá ið hann er fullur, ella tá ið hann verður settur út til ruskstativið. Í Suðuroynni og Sandoynni verður hvíti posin heintaður 4. hvørja viku. Hvítu posarnir hjá IRF skulu bert nýtast til reint papp og pappír. Er annað burturkast í posunum, verða teir ikki tiknir. Reyði posin til serliga dálkandi burturkast verður heintaður, tá ið tú setir hann við ruskstativið. Í reyða posan kanst tú t.d. lata allan tann kemiska lút, sum tú nýtir til húsið, bilin, bátin o.s.fr. Eisini kunnu smærri elektroniskir lutir, glaskrukkur við battaríum, spariperur v.m. latast í reyða posan. Nær fái eg nýggjar posar? Í mars og september ber IRF gráar posar út. Hvørja ferð fært tú 28 gráar posar. Hetta strekkir til, at IRF heintar ein gráan posa um vikuna, umframt at tú hevur tveir eykaposar til hvørt hálvár. Tá ið 6 fólk ella fleiri eru í húskinum, hevur tú rætt til fleiri posar, og teir fært tú við at boða kommununi frá. Manglar tær posar, áðrenn nýggir verða bornir út, eru ov nógvir posar nýttir. Á www.irf.fo sært tú, hvar IRF-posar fáast til keyps. Innsavnarar okkara taka bert gráu posarnar frá IRF og ikki aðrar svartar ella gráar posar. Hvítir posar verða bornir út í mars. Ein reyður posi verður borin út til hvørt húski í mars. Síðan verður reyði posin útflýggjaður, so hvørt sum hann verður tikin. Tú kanst boða frá á irf@irf.fo, um tú ongan reyðan posa hevur. Les meira um posar og skiljing á www.irf.fo