mánadagur 1. apríl 2019síða 10

Mánadagur 1. apríl 2019 · Nr. 38 10 Sosialurin Hugskot og viðmerkingar – send sms til 225000 Í fjør var hann ein av 300, sum søktu, men einans 20 sluppu inn á skúl­an. Í ár hevur hann gingið á skúla­ num við Áir við tí enda­málið at betra um skúla­ prógvið Danjal av Rana Á gomlu hvalastøðini við Áir, í gamla mannskapshúsinum, hús­ast í dag ein skúli. Mong hava kanska ikki givið sær far um tað, hóast skeltið sæst týð­i­liga frá landsvegnum. Á skúlanum, sum bjóðar fólki at taka 9. floksprógv sítt um­aftur, einamest fyri at betra um tað ella tí tey ong­an­tíð hava staðið 9. flokk, ganga í dag 21 næm­ingar. Pláss er tó fyri 30 næm­ing­ um. Tveir flokkar eru á skúla­ num við Áir, annar tekur 9. floks­prógv, meðan hin tekur eitt fyrireikingarár til at taka 9. floks­prógv. Skúladagarnir byrja beint áðrenn klokkan níggju og vara ofta til út móti klokk­an fýra. Fríggjadag er tó liðugt á døgurða, tí tá fara øll heim um vikuskiftið, eis­ ini tey, sum annars búgva á skúla­num. Teir átta næmingarnir, sum búgva á skúlanum, passa annars seg sjálvar eftir skúla­tíð. - Klokkan 16 fara seinastu starvs­fólkini av skúlanum og eft­ir tað mugu næmingarnir klára seg sjálvar. Fyrr var ein nátt­ar­vakt eisini, men nú er tank­in tann, at talan er um vaks­in fólk, sum nokk skulu klára seg sjálvi, sigur Stig Elttør, sum er leiðari á Skúla­ num við Áir. Hann sigur, at skúlin er op­in fyri øllum. - Tað stendur øllum frítt at søkja inn á skúlan. Tey, sum koma higar, hava av ym­ iskum ávum antin ikki fing­ ið 9. floksprógvið, ella vilja betra tað, fyri at sleppa inn á ein miðnámsskúla, sigur hann. Nógv teirra, sum gera skúlagongdina við Áir lidna, fara víðari á heilsu­hjál­p­ara­ skúla, á FHS, á yrkisbreyt ella fyrireikingarbreyt ella í mið­nám í Vestmanna. - Vit eggja øllum at søkja inn á onkran annan skúla, tá tey eru liðug her, sigur Stig Elt­tør. Vil á geymaraskúla í Danmark Ein teirra, sum gongur við Áir í dag og hevur søkt víð­ ari, er 21 ára gamli Dánjal Ják­up Hanusarson úr Hval­ ba. Seinni í ár fer hann til upp­tøk­u­samrøðu á einum geym­ara­skúla í Grenå. Júst hes­in skúlin er eisini orsøkin til, at hann gongur í skúla við Áir í ár. - Eg søkti eisini inn á skúl­ an í fjør, men tað gekk ikki. Tá fortaldi mamma mín mær um skúlan við Áir, at her var ein møguleiki at betra um 9. floks­prógvið. Kanska fór tað at betra um møguleikan at sleppa inn á skúlan, greiðir hann frá. Og tað gongur betri, miðal­kar­ak­terurin í ár er væl hægri enn hann var, tá hann bleiv lið­ugur í Hvalbiar skúla fyri nøkrum árum síðani. Sei­n­astu tíðina sigldi hann sum dekkari við Breiðanesi og Hamr­anesi, áðrenn hann í heyst flutti norður til Áir. Nú er vónin at sleppa inn á geym­ar­askúla í Grenå. - Tað er ein vanligur mið­ náms­skúli, sum gevur eitt van­ligt miðnámsskúlaprógv. Men umframt vanligu und­ir­ vís­ing­ina í støddfrøði, málum og líkn­andi, er eisini nakað av und­ir­vísing í geyming. Vit læra um telduspøl, um upp­bygnaðin, um strategi og sjálv­andi eisini um ymisku spøl­ini, greiðir hann frá. Sjálv­ur spælir hann mest Fort­nite, League of Legends og Counterstrike. Men nálareygað er trongt. Í fjør søktu 200 næmingar inn á skúlan, men bara 30 fingu pláss. - Eg skal so gera mítt besta und­ir samrøðuni og geri mítt besta her á skúlanum, so eg vænti møguleikin at sleppa inn er størri í ár enn í fjør, sigur Dánjal Jákup Han­us­ ar­son. DÁNJAL JÁKUP Æ SÆR Á GEYMARA Bygningurin var partur av hvalastøðini við Áir Tað besta er, tá næmingar vitja okkum aftur og vísa, at teir hava fótað sær í lívinum, sigur Stig Elttør, leiðari á skúlanum Marin og Daniella lesa skaldsøguna Ranvá eftir Dagmar Joensen-Næs, samstundis sum tær lurta eftir bókini á telefonini