hósdagur 4. apríl 2019síða 19

FRÍGGJADAGUR 5. APRÍL 2019 SOSIALURIN 40 19 Í HÁLVA ØLD Vang á. Har man áður fór á bóka­ savnið at lána bøkur, so er tað alsamt meira vanligt at brúka Býar­bókasavnið á annan hátt nú. - Fólk brúka bókasavnið á ein heilt annan hátt enn tey gjørdu fyri 50 árum síðan, tá man kanska kom at lána ein bók og fór avstað. Í dag verður bóka­savnið brúkt sum eitt til­ haldsstað. Nógv brúka tað sum sína skrivstovu, lesandi skriva uppgávur her, onnur koma bara at lesa bløðini og fara síðan avstað aftur. So tíðin fólk brúka at uppihalda seg í bóka­ savninum er økt munandi, hóast tey ikki fara avstað við einari bók undir arminum, vísir býar­ bókavørðurin á. Fyri hana er tað eisini týdn­ ingarmikið at leggja dent á, at Býarbókasavnið er eitt stað, ið allir borgarar eru meira enn vælkomnir at brúka. - Slagorðið hevur frá byrjan av verið, at bókasavnið er fyri øll. Og her koma eisini øll. Her kemur alt frá barnafamiljan, ið hongur út á barnabókasavninum ein heilan leygardag, til politikaran, ið kemur at lána nakrar ljóð­ bøkur til mammu sína, ið ikki klárar at lesa longur. Her kem­ ur eisini stjórin, sum gjarna vil taka sær av løttum eina løtu og bumsurin, ið ikki orkar at vera úti í regninum meira. Eing­in sundur­býting er á Býar­bóka­ savni­num. Gáttin er lág, tað er vítt til veggja og høgt til loft, sigur Vónbjørt Vang. Ungdómsdeild Rundir føðingardagar eru sjálv­ andi fyrst og fremst ein tíð at fegnast um tað, ið farið er, men tað er eisini eitt gott høvi at steðga á og hugsa hvat man ynskir fyri framtíðina. Og har er ymiskt, ið skal gerast á Býar­ bókasavninum, ásannar býar­ bóka­vørðurin. - Vit vilja gjarna styrkja okkum á økinum ung. Næstu 5-10 árini ynskja vit at menna eina nógv betri ungdómsdeild til ung fólk, tí tað manglar. Í lesi­kannigunum millum føroysk børn, ið kom út í fjør, vóru tað katastrofalt fá, ið lósu. Tað er einfalt tí man ikki hevur givið teim­um møguleikan at finna áhuga­verdar bøkur, sigur Vón­ bjørt Vang og leggur afturat. - Har er tað bókasavnið, ið skal vera tað staðið, ið man kann finna eina bók, ið man tímir at lesa. Tí ynskja vit at skapa eitt um­hvørvi, sum er meira inn­ bjóð­andi og í eygnahædd við ung. Tað er nakað, ið vit ynskja at leggja dent á framyvir. Harumframt hevur man sett sær fyri, at man skal duga betri at miðla tað góða tilfar og tilboð, ið er á Býarbókasavninum, so at borgarar eru varug við hvørjir møgu­leikar eru har. - Fólk eru ikki eins upp­søkj­ andi longur, tí er neyðugt at minna tey á, at vit eru her. Í dag­ sins samfelag er so nógv at fara til, gera og minnast, so vit mugu standa sterkari í hugaheiminum hjá fólki. Tað merkir, at vit skulu verða betri at miðla okkara bøkur og bókmentir, tí vit hava nógv gott tilfar, ið eigur at vera meira sjónligt, sigur býar­bóka­ vørð­urin. HALLUR@SOSIALURIN.FO - Vit liva í einari tíð, har fake news ger um seg og man missur álitið á nógvar aðrar miðlar og stovnar, ið man fyrr hevði áliti á. Har er tað so bókasavnið, ið enn stendur eftir sum garantur fyri tað álitið. Man veit, at tá man kemur í eitt bókasavn og spyr eftir onkrum, so eru teir upp­lýsingar, ið man fær, rættir og eftirkannaðir