mánadagur 8. apríl 2019síða 3

3 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 8. apríl 2019 · Nr. 41 Handilsvinnan vitjaði á Glasi Endamálið við tiltakinum var at kunna og eggja teimum ungu at velja handilsvinnuna sum starv Vilmund Jacobsen Mikudagin í farnu viku var handilsvinnan á vitjan á Glasi, har stuttar framløgur og prát var millum næmingar og fyritøkur. Í Vinnuhúsinum vita tey í dag at siga, at tað vóru Olav Absalonsen og Eyðvør Berg, sum bjóðaðu vælkomin vegna ávikavist Glasir og Handilsvinnufelagið. Á vitjanini fingu fyritøkurnar orðið, og her greiddu tær í stuttum frá, hvørji tey eru. - Finn Jensen, dekanur fyri hægri nám, fekk eisini høvi at greiða frá møguleikum fyri víðari útbúgving eftir handilslæru. Í Vinnuhúsinum vísa tey á, at eftir hetta var høvi til prát millum næmingar og fyritøkur, har næmingarnir eisini fingu høvi at vitja fyritøkurnar í smærri bólkum. - Endamálið við tiltakinum var at kunna og eggja teimum ungu at taka yrkislærda vegin. Fyritøkurnar fingu á henda hátt møguleikan at heilsa upp á tey ungu, lurta eftir teirra ynskjum og greiða frá, hvat eitt arbeiði hjá teimum fevnir um, og hvørjar møguleikar tey hava, um tey velja handil sum yrki, siga tey í Vinnuhúsinum. Viðheftu myndir eiga Vinnuhúsið og Petur Asano, næmingur á Glasi. Birgit Frederiksberg er sett í starv sum varaskúlastjóri í Skúl­ anum í Eystur­komm­ unu, og hon tekur ætlandi við starvinum hin 1. mai í ár.  Hjálparfólk fingu førleikamenning Hjálparfólk halda seg vera betur før fyri at røkja starvið á dagstovnaøkinum eftir skeið í førleikamenning Vilmund Jacobsen Í farnu viku vóru 44 hjálp­arfólk á dagstovn­ un­um í Tórshavnar komm­unu á førleika­ menn­ingarskeiði, sum Barna- og ungdóms­deild­ in skipaði fyri. Í høvuðsheitum snúði skeiðið seg um: Tað góða sambandið, hugsan um tilfeingi, foreldra­sam­ starv - og at hugsa um egið arbeiði á dag­stovna­ øk­inum. - Undirvísingin, sum náms­frøðiligi ráðgevin, Maria Johannesen, stóð fyri, skifti millum náms­ frøðilig ástøði, bólka­ar­ beiði og ítøkilig dømi úr ger­andisdegnum á dag­ stovnum. Í Tórshavnar komm­ unu siga tey, at sambært eftir­metingunum frá hjálp­arfólkunum var skeiðið viðkomandi, og nú kenna hjálparfólkini seg vera betur før fyri at røkja starvið á dag­ stovna­økinum. - Ætlanin er, at skeiðið verður afturvendandi, og eftir ætlan verður skeiðið boðið út aftur í heyst, siga tey í Tórs­ havnar kommunu. Børn og ung kunnu spæla í miðbýnum Vilmund Jacobsen Leygardagin varð nýtt spælipláss tikið í nýtslu á Tvøroyri, og hetta er ein verkætlan, sum kommunan hevur arbeitt við í longri tíð. Tað er Sp/f Hjálpirót, sum hevur staðið fyri at seta spæliplássið upp og leggja undirlag úr gummi á. Á spæliplássinum er ørgrynna av stuttligum tingum at royna hjá børnunum og ungum, og í Tvøroyrar kommunu ivast tey onga løtu í, at nýggja spæliplássið fer at verða væl vitjað. - Longu, meðan spæliplássið stóð í gerð, flokkaðist ungdómurin um tað, ið var komið upp. Tískil vórðu arbeiðsfólkini noydd at seta hegn upp kring spæliplássið, tí trygdin mátti sjálvandi vera í lagi. Í Tvøroyrar kommunu vita tey at siga, at tá almenna løta var seinnapartin leygardagin, og tá spæliplássið alment varð tikið í nýtslu, segði borgarstjórin, Kristin Michelsen, nøkur orð. Við høvið fingu børnini pizza og okkurt leskandi afturvið. Í Tvøroyrar kommunu fegnast tey um, at nýggja spæliplássið nú er liðugt og alment tikið í nýtslu. - Vit fegnast um, at miðbýurin nú hevur fingið eitt stórt uttandura aktiv fyri okkara børn og ungdóm, siga tey í Tvøroyrar kommunu. Tað er Lasse Jensen, ið eigur viðheftu mynd. Krabbameinsfelagið hevur havt aðalfund. Fyri vali stóðu Durita Tausen og Sonja Nielsen. Báðar vórðu afturvaldar. Nevndin hevur skipað seg við Duritu Tausen sum forkvinnu, Sonju Nielsen sum næstforkvinnu og kassameistara. Hini í nevndini eru Magnus Magnussen, Johan Poulsen og Katrin Kallsberg, og tiltakslimir eru Martin Joensen og Elmar Ósá.