hósdagur 11. apríl 2019síða 24

FRÍGGJADAGUR 12. APRÍL 2019 SOSIALURIN 43 24 FRANTS JENSEN - Tað er tíverri ikki teir stóru skúla­politisku tankarnir, sum mynda skúlapolitikkin í Før­ oyum. Vit reka við streymi­num og gera so nøkulunda tað, sum tey gera aðrastaðni. Í nógv størri mun eru tað fíggjarkarmarnir, sum mynda skúlapolitikkin, sigur Herálvur. Fígging í staðin fyri skúlapolitikk Hann harmast um, at kjakið í sam­felagnum í ov lítlan mun snýr seg um yvirskipaðan skúla­ politikk, og hvat vit vilja við fólkaskúlanum. - Hetta tíðarskeiðið, eg havi verið í nevndini, hava vit vart rætt­indi, meiri enn vit hava vunnið rættindi, tí ágangurin á lærarayrkið er stórur. Tá ið eg tók við sum formaður í 2010, varð farið undir stórar sparingar á fólkaskúlaøkinum. Tá var fyri fyrstu ferð nevnt í fíggjarlógini, at bygnaðarbroytingar skuldu gerast í fólkaskúlanum. Bygn­ að­ar­broytingarnar, sum hugsað var um, vóru at leggja smærru og miðalstóru skúlarnar niður og at leggja skúlar saman, sigur fráfarandi formaðurin. Beint ímóti granskingini - Hesar skriviborðsætlanirnar fingu sum kunnugt ikki undir­ tøku í nærumhvørvinum, og bygnaðarbroytingarnar gingu ikki sum ætlað. Tí var farið aðra­ staðni at leita eftir spar­ing­um. Eitt av tí, sum tá stóð fyri skot­um, var arbeiðstíðin hjá lærar­um. - Við tepru tímajáttanini til skúlarnar hevur tað í ein ávísan mun eydnast Menta­ mála­ráðnum at gera seg inn á arbeiðstíðaravtaluna hjá lærarum, tí lærarar í dag undirvísa størri part av samlaðu arbeiðstíðini, enn teir gjørdu áðrenn 2010. Tað mest óhepna hevur verið, at tíðin til lærarasamstarv, toymis­ sam­starv, felags fyrireiking og skúla­menning er minkað niður í flest øllum skúlum, hóast øll gransking og nútímans skúla­ tankar vísa, at hetta eru sera týðandi lutir, sigur Herálvur. Fólkaskúlin undirfíggjaður Hann heldur, at taka vit ikki annað skinn um bak, nærkast vit tíðini aftur, har lærarar undir­vístu og einki annað. - Eins og nógvir aðrir al­ mennir stovnar er fólkaskúlin undir­fíggjaður. Tað hevur Lærara­felagið gjørt vart við í nógv ár, og hóast skúlastjórar treyðugt siga tað alment, so eru flestu teirra samdir um, at tíma­ játtanin ikki røkkur til, at vit kunnu hava ein so góðan skúla, sum vit áttu at havt, sigur Her­ álvur. Lønarhækking í prosentum - ein sigur - Eg kann ikki siga, at eg havi nátt øllum mínum málum. Eg havi roynt at hildið stand, tí ágang­urin hevur verið stórur, og fíggjarliga trýstið er stórt, sigur Herálvur. Hann gleðist tó um nakrar sigrar. - Tað var ein sigur við seinasta lønar­samráðingar, at vit fingu lønar­hækkingina í prosentum. Hetta var eitt bragd, sum var sera týðandi fyri okkara limir, sum fingu væl meira burturúr, enn teir høvdu fingið, um talan var um hækking í krónum og oyrum. Dagliga samskiftið við limir hevur fylt nógv í for­ mansarbeiðinum, og tað hevur eisini verið gevandi, sigur Her­ álvur Jacobsen. - Vit hava eisini verið við til at hjálpa nógvum einstøkum lim­um, sum standa í eini keði­ ligari støðu, til dømis vegna sjúku, mistan arbeiðsførleika ella annað. Tað hevur verið gevandi, tí vit hava greitt nógvar iva­spurningar og vunnið nógvar ”smáar” sigrar, og tað hava limirnir verið takksamir fyri. Glaður fyri akkers­ læraraskipan Hyggur Herálvur Jacobsen aftur á formansskeiðið, eru tað nøkur viður­skifti, felagið hevur stríðst fyri og fingið framt. - Akkerslæraraskipanin er ein roynd at minka um hvøkk­ in, sum flestu nýútbúnu lærar­ arnir uppliva, tá ið tey byrja í starvi. Nýútbúni lærarin fær ein royndan lærara knýttan at sær at vegleiða og ráðgeva um spurningar í dagliga lærara­ yrkinum. Hetta er ein neyðug og gagnlig skipan, sum hevur til endamáls at gera tað lættari hjá nýútbúna læraranum at fóta sær í lærarayrkinum. - Eisini hevur floks­lærara­ arbeiðið í fyrsta flokki fingið ein tíma afturat, men har er langt frá komið á mál, tí lærarauppgávan í innskúlingini er áhaldandi vaksin. Harðar lønarsamráðingar fyri framman Nýggja nevndin, sum tekur við eftir komandi aðalfund, fær úr at gera; lønarsamráðingar ÁGANGURIN Á LÆRARAYRKIÐ ER STÓRUR Formaðurin í Føroya Lærarafelag seinastu átta árini, Herálvur Jacobsen, harmast um, at tað fíggjarliga fyllir ov nógv í mun til yvirskipaðan skúlapolitikkin Hóast skúlastjórar treyðugt siga tað alment, so eru flestu teirra samdir um, at tímajáttanin ikki røkkur til, at vit kunnu hava ein so góðan skúla, sum vit áttu at havt. Herálvur Jacobsen, fráfarandi formaður í Føroya Lærarafelag