hósdagur 11. apríl 2019síða 26

FRÍGGJADAGUR 12. APRÍL 2019 SOSIALURIN 43 26 PÆTUR HJALMAR EVENSSON N ú er bíðitíðin skjótt liðug. “Veturin kem­ ur”. Leingi hava fjepparar kring allan heimin bíðað eftir nýggju sesongini av Game of Thrones, men mánadagin er ikki neyðugt at bíða longur. Tá fer áttanda sesong av spennandi drama­ røð­ini endiliga av bakkastokki. Tá fara vit at finna út av, hvør lagnan hjá Jon Snow, Daenerys Tar­gary­en og restini av Westeros verður. Game of Thrones er størsta success­in nakrantíð hjá risa­ stóra framleiðslufelganum HBO, og er yvirhøvur millum populer­astu sendirøðirnar, sum nakran­tíð hava verið at sæð á sjón­varps­skerminum. Sendi­ røðin byggir á bøkurnar hjá amerikanska rithøvundanum George R.R. Martin. Game of Thrones saman­ tvinn­ur uppá ein skilagóðan hátt realismu og fantasy í ein­ um drama, sum blæsir ein um koll ferð aftaná ferð. Røðin við­ ger nógv ymisk evni og hálar okkum inn í eitt kjak um vald, politikk, samleika, religión, rætt­ vísi og kyn. Fingrarnir verða ið hvussu er ikki lagdir ímillum, tá tað umræður ógvusligar pallmyndir við harðskapi, drápi og sex - her verður einki fjalt og sensurerað. Game of Thrones hevur við hesum onkursvegna megnað at flutt markið fyri, hvat mann kann loyva sær at vísa á sjónvarpsskerminum fyri almenninginum, og tað verður gjørt á ein so gjøgnumførdan hátt við listarliga flottum upp­ tøkum. Tá søgan ikki fangar Tað eru ikki bara fantasy-drama fjepparar, ið hava tokka til Game of Thrones, tí røðin hevur eftir hond­ini vunnið frama í megin­ streyin­um, soleiðis at hvør Hanus og Janus fylgir við í dag. Tað ber illa til at geva eina stutta frágreiðing um Game of Thrones fyri einum, sum einki kenn­ir til sendirøðina. Søgan er so mikið kompleks, at mann má síggja sendirøðina - ella hava lisið bøkurnar - fyri at halda hana vera spennandi. Tað tók undir­ritaða hálvaaðru sesong, fyrr enn sendirøðin fangaði og av álvara gjørdist spennandi. Har eru nógvir ymiskir persónar og harvið enn fleiri persónlig sam­bond, sum gera seg galdandi í søguni, sum tað kann taka tíð at fáa greiðu á. Tað sama við stað­setingunum. Tí er tað skiljandi, tá fólk siga, at sendirøðin ikki fangaði, og hatta ikki var nakað fyri tey. Her plagi eg at spyrja, nær ketan leyp av - og tá siga tey sum oftast, at tey mistu tolið í øðrum ella triðja parti. Men so er tað her, at eg heiti á tey um at geva tí ein eyka kjans, byrja á nýggjum og hyggja at allari fyrstu sesong, áðrenn tey geva upp aftur. Tá tað riggaði hjá mær, sum annars altíð havi verið skeptiskur um drama- og fantasyrøðir, so eigur tað eisini at rigga hjá øðrum. Um tað ikki riggar, so kanst tú líka umhugsa, at hetta altso er heimsins mest um­rødda sendirøð. Søgan í stuttum Sendi­røðin gongur fyri seg í onkrum sum líkist miðøldini í heims­partinum "Westeros", sum hevur sjey ríkir. Søgugongdin tekur støði í dystinum um ta sokallaðu Jarntrónina í býnum Kings Landing - og tað eru fleiri, ið meina seg hava einarætt til trón­ina. Út frá hesum fylgja vit fleiri valdsstríðum millum einkultpersónar og sokallað “hús”, umframt innanhýsis stríð. Ein annar søgutráður gongur fyri seg í kuldanum fyri norðan, har menn halda vakt við einum risa­stórum ísmúri. Teir halda vakt, so tey fólkini og farligu skapn­ingarnir sum White Walkers, sum liva norðan fyri múrin, ikki koma suður um. Samstundis fylgja vit teirru vonu og avgjørdu Daenerys Tar­gary­en og hennara trimum drek­um í eini tíð, tá drekar annars hildust at vera útdeyðir. Hennara mál er at endurvinna Jarn­trónina, sum umstríddi pápi hennara á sinni varð rikin burtur frá. Uttan at tríva í alla søguna, so kann sigast, at í sjeyndu sesong hittast fleiri av hetjunum, og vónin um at alt nokk skal enda lukkuligt birtist onkursvegna. Millum annað møtir djarvi kongurin av Norði, Jon Snow, fyri fyrstu ferð Daenerys Tar­ gary­en. Jon Snow fortelur henni um hóttandi herin av White Walkers, sum eru ávegis úr Norði og hava í hyggju at gera av við alt, sum er livandi, á teirra vegi. Tað verður greitt, at eitt heilt serligt band er millum hesi bæði, og hetta kemur óivað at hava okkurt at siga fyri restina Bíðitíðin er liðug: NÚ BYRJAR GAME OF THRONES ENDILIGA AFTUR Mánadagin 15. apríl verður hol set á áttandu og síðstu sesong av populeru spenningsrøðini Game of Thrones