hósdagur 25. apríl 2019síða 8

FRÍGGJADAGUR 12. APRÍL 2019 SOSIALURIN 43 8 PERSÓNSSØGA: Erik Aanderaa Her liggur báturin Tessie á Tvøroyri fyrr­verandi regattabátur, sum er sera breiður, djúpur og langur, og hann liggur væl á sjónum. Eg eri imponeraður av, hvussu nógv hann tolir av í óveðrinum, so hetta er ein sera góður bátur, sum er lættur at fáast við og hóskar seg væl til tað, eg geri, fortelur Erik, sum eisini hevur brúkt nógvar pengar til út­ gerðina umborð. Umborð etur hann dósamat Erik hevur trý ting, hann leggur seg eftir umborð - tey eru, at hann skal vera: turrur, heitur og mettur. Áðrenn hann legði frá landi úr Hetlandi og setti kósina móti Føroyum, hevði hann tryggjað sær, at hann hevði nokk av mati við. Tað ger hann, hvørja ferð hann fer avstað við bátinum. - Mær dámar ikki at gera mat, so eg eti øgiliga einfalt umborð. Eg havi nokk av dósamati við, og so eti eg bara hetta, sum í flestu førum eru einfaldir rættir í dós. Tað smakkar væl… Tað eru nógv, sum reagera uppá mín kost í dósa­mati, men eg havi ongar trupul­leikar við hesum mati­ num. So leingi eg eti, so eg fái orku til túrin, og so er fínt fyri meg. Dokumenterar alt á video Á sosialu miðlunum er Erik Aanderaa ein populerur maður og verður ofta kallaður “hin norski víkingurin”. Hann er aktivur á bæði Facebook og Insta­gram, men serliga er tað á You­Tube, at hann hevur sligið sítt navn fast sum djarvi sjó­ maðurin, sum ikki verður stygd­ ur burtur av aldum og ringum veðri. Á YouTube fylgja fólk úr øllum heiminum honum á hansara mongu pílagrímsferðum, og hann hevur nærum 40.000 fast­ ar fylgjarar. Tað hevur stóran týdning fyri hann, at upptøkurnar eru av bestu góðsku, og tað sæst eisini aftur á endaliga úrslitinum. Hann hevur keypt sær nógva ymsa útgerð til endamálið, sum gevur óvanliga flottar upptøkur, sum allar kunnu síggjast á hans­ ara YouTube-kanal. Føroyska ferðin kemur í fleiri pørtum Erik Aanderaa hevur sjálvandi eisini filmað Føroyaferðina, og hendan kemur eftir ætlan út í fleiri pørtum á hansara YouTube kanal. - Tilsamans havi eg 119 gigabyte av videotilfari, sum skal redigerast, tá eg komi heim til Haugesund. Við mær hevði eg fimm GoPro, tvær dronur og eitt speglrefleksmyndatól. So tað er nógvur filmur á fleiri ymsum myndatólum, sum skal klippast saman til ein film av mínari ferð til Føroya. Tilsamans havi eg kanska eini 2.000 ymisk videobrot, so tað tekur eina løtu at gera, sigur Erik Aanderaa. Hann leggur aftrat, at film­ urin verður klárur í seinasta lagi síðst í mai, men hann vónar, at tað verður væl fyrr enn tað. Góðir dagar í Føroyum Tað var seinasta mikudag, at Erik Aanderaa legði at á Tvør­ oyri. Hann var í Føroyum í fýra dagar og nýtti høvið at uppliva oyggj­arnar, sum hann nú ikki hevði sæð í nógv ár. - Eg varð sera væl móttikin av tvørá­fólki og fekk fantastiska hjálp frá teimum. Eg hitti borgar­ stjóran og fekk góðan føroyskan mat. Dagin eftir leigaði eg ein bil og koyrdi suður eftir á oyn­ ni, har eg fekk eina rúgvu av sera góðum dronumyndum í fantastiska veðrinum. Síðani sigldi eg norður til Havnar, har eg aftur leigaði mær ein bil. Tá koyrdi eg norður eftir og hugdi eftir eitt nú Tindhólmi og Gása­ dali, og her fekk eg aftur nakrar dronumyndir, sum eg hopi blivu góðar, fortelur hann. Fer at vísa allari familjuni Føroyar Norski ævintýrarin hevði ein góðan túr, og hann er sera hug­ tikin av øllum tí føroyska - so hug­tikin, at hann longu hevur gjørt ætlanir um at vitja Føroyar enn einaferð. - Tað var ein heilt fantastiska góður túrur. Eg havi nú tosað við familjuna hjá mær, og eg havi gjørt av, at eg fari at taka tey øll við til Føroya komandi summar. Eg vil eisini hava, at tey skulu upp­liva Føroyar, so eg havi sagt tað, at øll í familjuni skulu við, sigur hann og staðfestir: - Har eru nógv flott støð í heimi­num, men Føroyar er uttan iva tað vakrasta staðið, eg nakran­tíð havi vitjað. Siglir heim aftur Í dag, fríggjadagin, fer hann aftur úr Hetlandi og heim til Hauge­ sund í Noregi. Um fram­tíðar­ mál við seglbáti sínum á opna havinum sigur hann so­leiðis: - Málið hjá mær var í fyrsta umfari at sigla úr Haugesund til Hetlands og úr Haugesund til skotsku oynna Fair Isle. Og til síðst at sigla úr Haugesund til Føroya. Alt tað havi eg gjørt nú, so í roynd og veru er dreymurin blivin til veruleika. Eg havi ikki nakrar ítøkiligar ætlanir fyri komandi tíðina, men eg lúri eitt sindur uppá at sigla til Ís­ lands ella Svalbard, sigur Erik Aanderaa. PATUR@SOSIALURIN.FO