fríggjadagur 3. desember 2004síða 13

Nr. 232 - 3. desember 2004 13 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundir føðingardagar, brúðleypsdagar, starvssetanir og -dagar. Jóhan Martin Restofff er føddur í Havn 6. desember 1939. Hann er sonur Mariu, f. Joensen og Christ- ian Dahl Restorff, sum bæði vóru havnarfólk. Abbarnir hjá Jóhan í báðar ættir vóru kendar havnar- myndir, Jóhan Restorff, ið var skip- ari og róptur kapteynurin og Hans Joensen, undir Kletti, ið var hand- ilsmaður. Føðingardagsbarnið, Jóhan Res- torff, vaks upp fyrstu 9 árini av lívi sínum niðri á Áarvegnum, í barn- dómsheiminum hjá pápanum, sum stóð har niðasti parturin av Hotel Hafnia er. Í 1948 flutti húskið niðan á Hoyvíksvegin at búgva. Jóhan gekk í skúla í gamla kommunuskúlanum, sum varð bygdur á Húsgarðsbønum seinast í 1890-unum. Hetta er prýðiligi bygningurin úr gróti, har býráðsum- sitingin heldur til. Seinni fór Jóhan í realskúlan og tók prógv haðani. Stutt eftir lokið realprógv fór Jóhan undir hotelútbúgving á Hotel Baltic í Nykøbing Falster í Dan- mark. Saman við honum fór eisini Ester, ættað úr Fuglafirði, sum hann giftist við í 1959. Eftir lokna hotelútbúgving í 1960 kom Jóhan heimaftur á klettarnar at hjálpa pápa sínum, sum í 1950 hevði bygt Hotel Hafnia og var byrjaður hotelvirksemi saman við konu síni, Mariu. Hotel Hafnia hevur verið virkisøki og arbeiðs- plássið hjá Jóhan síðani og myndaði hann, saman við faðiri sínum, leiðsluna á Hafnia árini fram til 1971, tá ið yngri beiggin, MC kom heimaftur, eisini eftir lokna út- búgving innan hotelfakið. Jóhan og Ester fingu 4 børn: Christian, sum einans 5 ára gamal doyði av vanlukku yviri við strond í 1965, har ruskplássið í Tórshavnar kommunu var tá. So er tað Katrin, Jan og Martin. Ester, kona Jóhan, tók eisini út- búgving innan hotelfakið, sam- stundis sum Jóhan, á Hotel Baltic. Hon tók prógv sum smyrjibreyðs- kvinna og arbeiddi eisini á Hafnia í fleiri ár. Umframt bróðirin MC, hevur Jó- han tvær systrar, Birgit og Kirstin, sum báðar hava arbeitt á Hafnia í mong ár. Í arbeiði sínum sum hotellstjóri hevur Jóhan - eins og faðirin Christian Dahl Restorff - duga sera væl at vísa gestunum blíðskap, so hesir hava kent seg væl, bæði sum gistandi gestir og matgestir. Jóhan hevur ikki einans verið hin føddi hotelverturin. Hann hevur eisini virkað á øðrum økjum. Hann hevur verið í sangkórinum í Ebe- nezer síðani hann var blaðungur og hevur við góðu sangrødd síni verið mikil stuðul har. Tey veiku og sjúku eiga góðar vinir í Jóhan og konuni Ester, sum mangan hava vitjað tey, ið hava serligan tørv og soleiðis lívgað mangan, ið tørvaði vinar- hond og eitt gott orð - ikki minst andaliga. Hjartalagið fyri teim sjúku og veiku var eisini nakað, ið eyðkendi bæði foreldrini. Mong eru tey, sum hava sitið gott í heiminum hjá Ester og Jóhan, bæði tá ið tey búðu á Húsabrúgv, í J. Paturssonargøtu, á Hoyvíksvegi og har tey nú búgva. Trúgvin á Frelsaran, sum Jóhan og Ester lærdu at kenna í barna- árum, hevur verin berandi tátturin í lívi teirra, serstakliga tá ið sorgar- og sjúkuóløgi hava hótt við at taka tey av fótum. Men í øllum hesum eru tey í trúnni á Jesus borin ígjøg- num alt - til dagin í dag. Vit ynskja Jóhan hjartaliga til- lukku við teim sekstifimm og hon- um og Ester signing Guds framyvir, somuleiðis børnum og barnabørn- um teirra. Føðingardagin 6. desember kl. 9- 12 eru fólk vælkomin á Parnassið á Hafnia at hitta Jóhan og fáa sær ein drekkamunn. Sv. Jóhan M. Restorff 65 ár Dagurin 3. desember. Sveinur. Teir vita einki um halgimenni við hesum navni. Norrønt navn ið merkir ungur maður. 1. desember 2004 var rekt- araskifti á Fróðskaparsetr- inum. Jóan Pauli Joensen, professari, dr.phil & fil, tók við eftir Maluna Marners- dóttir, professara, dr.phil, sum hevur verið rektari síðani 1998, tvs. í tvey valskeið. Hann er valdur fyri eitt trý ára skeið til 30. november 2007, tá ið rektaraval aftur verður. Malan Marnersdóttir hevur starvast á Føroya- málsdeildini á Fróðskapar- setrinum síðani 1983. Fyrstu trý árini sum ad- junktur, men síðani 1986 sum lektari í bókmentum. Jóan Pauli Joensen hevur verið í starvi á Fróskapar- setrinum síðani 1989, sama árið varð hann tilnevndur professari í siðsøgu og fólkalívsfrøði. Í 1998 og 1999 var hann professari í etnologi við Universitetið í Bergen. Hósdagin 2. desember fylti ein vælkendur klaks- víkingur, Sámal Júst Dahl, fyrrverandi lærari, 70 ár. Hann var borin í heim í Klaksvík 2. desember 1934, sonur Oluffu, f. Ziska, og Jógvan Ziska Dahl, bæði úr Klaksvík. Pápin fórst undir kríg- num við "Ekliptiku", helst á Sandoyarbankanum. So Sámal Júst kom at vaksa upp hjá mammuni saman við systkjunum Hermani og Karin Mariu ovast í Kirkjubrekkuni. Her tróð hann barna- spor-ini bæði tá tátt og tá kavi var og varð longu góður skídrongur í stór- kavanum, sum kom á kyndilsmessu í 1947. Samstundis gjørdist hann skóti í Skótaliði Nólsoyar Pálls, skótalið- num hjá Roberti Joensen o.ø. Og tað var skjótt, at hann varð patruljuleiðari har og inti eitt valaverk innan fyri skótarørsluna, fyrst í kjallaranum í Fim- leikarhøllini og frá 1950 í nýggju Uppistovu. Seinni var hann við í Santa Jørundsgildi, felag av eldri skótum sum m.a. við risabingospølum í KÍ- høllini var við at leggja fíggjarligar karmar um nýggju skótahúsini. Hann tók realprógv í Klaksvík í 1951 og ar- beiddi so heima, til hann fór á læraraskúla í Haslev og tók prógv í 1957. Tá gingu eisini so mætir menn har sum Hilmar Bech, Jaspur í Rituvík, Eilif Samuelsen og Eld- bjørn Joensen. Sámal Júst gjørdist lær- ari við Klaksvíkar skúla og undirvísti í at kalla øll- um vanligum lærugrein- um. Hann var m.a. mate- matikari, fimur sum ein selur á sundi, urguleikari, sangari o.m.a., og tá skúlin varð sundurbýttur í 1979, kom hann oman í Ósá- skúlan og spældi á flyglið og sang morgunsang. Tá teldan sá dagsins ljós, legði hann til brots og gjørdist kunnugur teldu- maður og kundi greiða bæði lærarum og næming- um frá teldunnar ABC og víðari loyndarmálum. Sámal Júst var á DLH árini 1974-76 í eftirút- búgving og seinna árið undirvísti hann eisini við skúlan í Bagsværd. 1986/87 var hann kst. varaskúlastjóri við skúlan við Ósánna. Hann fór frá fyri aldur í 1997. Hann spældi fótbólt í KÍ bæði í 2. og 1. deild. Hann hevur mong ítriv, hevur sungið í kóri og var dygg- ur stuðul í Dansifelagnum, í Fornminnafelagnum, var m.a. í áttamannafarinum á Norðoyastevnu og er ein primus motor í Bridgefe- lagnum og rættuliga kring- ur í bridge. Sámal Júst giftist 5. november 1961 við Astrid, f. Lydersen, av Grømman- um á Viðareiði, og tey eiga synirnar Jógvan Ziska, Heina og Bjarna og eiga fleiri abba- og ommubørn. Tey búgva við Kráar- gøtu í nágrenni barna- heimi hennara, og har er hugnaligt at koma á gátt eins og at njóta teirra frá- líka urtagarð, sum er snotuligur og altíð væl røktur. Ella tú kemur innar til teirra á Grømmanum á Viðareiði, har tey eisini hava hús, og har tey eisini hava seyð inni um vetrar- nar í seyðahúsinum. Sámal Júst hevur arbeitt á seglvirki, síðan hann gavst í skúlanum, og er á floti viðhvørt. Hjartaliga tillukku Sám- al Júst og blíðan byr. Vinur Sámal Júst Ziska Dahl 70 ár Jóan Pauli Joensen nýggjur rektari Rektaraskifti á Fróðskaparsetrinum 1. desember. Malan Marnersdóttir gevur nýggja rektaranum, Jóan Paula Joensen, lyklarnar Mynd: Jens Kristian Vang