hósdagur 25. apríl 2019síða 18

VINNUBLAÐIÐ HJÁ MIÐLAHÚSINUM 10 apríl 2019 26 -Broytingar henda alla tíðina, men vit síggja, at meðan bert trý av 10 ferða­ fólkum vóru útlendingar, so eru fýra út av hvørjum 10 tað í dag. Jóhanna á Bergi eer stjóri í føroyska tjóðar­flogfelagnum, Atlantic Airways. Hon sigur at stóri vøksturin í ferðafólkatalinum í stóran mun hongur saman við, at streymurin av útlendskum ferðafólkum til Føroyar veksur so nógv. 308.000 ferðafólk ferðaðust við Atlants­flog í fjør. Talið er met hjá føroyska flog­felagnum, sum fleyg 1500 ferðir úr Vágumn í fjør og 1500 ferðir til Føroyar. Avlopið vaks Felagið hevði góðar 16 milljónir í avlopi í fjør. -Hetta er ein vinna, sum ikki leggur ser­liga nógv eftir seg, býta vit tað upp á hvønn einstakan ferðandi. Tí er nokkso um­ráðandi, at vit hava eitt so stórt tal av ferða­fólkum, sum tilber, sigur Jóhanna á Bergi. Flogvinnan verður ofta samanborin við handilsvinnuna, sum selir matvørur og annað. Tað er umráðandi at umsetningurin er stórur, fyri at krónutalið, sum loypir av, gerst nóg stórt. - Eg frøist um, at hóast harða kapping, ferðaðust fleiri ferðafólk við Atlantic Airways í 2018 enn nakrantíð áður. Fram­ gongdin í ferðafólkatalinum var heili 10 prosent, og avlopið eftir skatt batnaði góðar 13 milliónir í 2018, staðfestir Niels Morten­sen, nevndarformaður í Atlantic Airways í sambandi við ársaðalfundin hjá felagnum. Jóhanna á Begi, stjóri sigur, at tey arbeiða miðvíst við at gerast burðardygg og fáa flutt so nógv ferðafólk millum Før­ oyar og útheimin, sum møguligt. -Vit skifta flogførini út við onnur, sum hava 30 pláss meira enn flogførini vit hava í dag. Og bert eitt av teimum, sum altso kemur í vár, gevur pláss fyri 30.000 fleiri ferðafólkum eyka uppá eitt ár, sigur stjórin. Nýggju flogførini taka ikki bert fleiri ferðandi, men tey eru eisini meira um­ hvørvis­vinarlig. Tey hava minni útlát og brenna minni. Verður útlátið rokna eftir hvørjum einstøkum ferðandi, so er útlátið meira enn 30 prosent minni. Ferðamál Eitt av málunum hjá Atlantic er at knýta um­heimin tættari at Føroyum. Hetta verður gjørt við at flúgva til onnur mál enn Keypmannahavn. Keypmannarhavnarrutan er framvegis tann størsta, men føroyska flogfelagið røkir eisini aðrar rutur. Floftið verður til Billund og Ålborg í Danmar, Bergen í Noreg, Reykjavík í Íslandi og Edinburgh í Skotlandi. Seinastu árini er eisini flogið til Barcelona, Gran Canaria og Mallorca Fýra av 10 ferðafólkum hjá Atlantic Airways eru útlendsk STÓRI VØKSTURIN Í FERÐAVINNUNI SÆST VÆL AFTUR MILLUM TEIRRA, SUM FLÚGVA VIÐ ATLANTSFLOG TIL FØROYAR Niels Mortensen, nevndarformaður í felagnum, fegnast um, at felagið hevur sett met við ferðafólki Áhaldandi kappingin er størsta avbjóðingin í framtíðini, sigur Jóhanna á Bergi, stjóri í Atlantsflog