hósdagur 25. apríl 2019síða 31

FRÍGGJADAGUR 12. APRÍL 2019 SOSIALURIN 43 17 E ingin á einum hond­ bólts­vølli kann av sín­um eintingum koppa ein dyst so væl sum ein málverji, og tað hava finalur­nar í ár eisini borið boð um. Í fyrstu FM-finaluni ímill­ um Neistan og H71 var eitt navn, ið fólk nevndu sum av­gerandi. Tað var Nicholas Satch­well hjá Neistanum, ið vísti hví hann stendur í mál á landsliðnum. Í aðru finaluni var tað fyrrverandi lands­lið­málverjin, Ári Dam, ið var dagsins maður. Í triðju finaluni skaraði ongin av hesum framúr fyrstu longu løtuna. Nicholas Satchwell fekk ikki fatur á so nógvum, og Mikkjal Hansen varð skiftur inn í staðin. Eykamálverjin framdi fleiri stórbjargingar og var atvoldin til, at dysturin koppaði til Neistan eftir at H71 hevði stóra leiðslu í fyrra hálv­leiki. Í fjórðu finaluni vóru fleiri málverjar inni. Nicholas Satch­well og Mikkjal Hansen skiftust í málinum hjá Neista­ num, meðan Ári Dam og Hørður Trygvason gjørdu tað sama hjá H71. Hendan finalan var hin einasta, har ein ikki peikaði á ein málverja sum alt­avgerandi leikaran, men Hørður Trygvason átti stóran lut í, at H71 vann dystin. Í kvinnufinalunum hava mál­verjarnir eisini alt at siga. Tá ið Kyndil vann steypa­kappingina fyrr í ár, var tað í stóran mun Jovanu Stranjanac at takka. Tað er eisini sigandi, at Kyndil ikki fekk síni fyrstu stig hetta kappingarárið fyrr enn serbiski málverjin kom til Føroya. Hjá VÍF stend­ ur landsliðsmálverjin, Vivi­ ann Petersen, sum fyrsti mál­verji. Hon var púrasta av­gerandi í fyrstu finaluni miku­kvøldið, og tað var eisini ein stórbjarging frá henni, ið forð­aði fyri at Kyndil legði seg á odda. Í fyrstu finaluni, sum Neist­in vann eftir longda leiktíð, fekk Pætur Thomsen 12 mál fyri H71. Fyri Neistan fekk Rasmus Søby 8 mál. Síðani hevur Rasmus Søby ikki fing­ið heilt so nógv mál, men hetta kann frágreiðast við, at H71 síðani hevur lagt ein mann fram um verjuna fyri at steðga sterka bakkinum. Í aðru finaluni, sum H71 vann við níggju málum, gjørd­ ist Hilmar Leon Jakobsen topp­skjútti við níggju mál­ um. Honum á baki kom Peter Krogh við seks málum. Peter Krogh fekk eisini átta mál fyri H71, tá ið Neistin vann triðju finaluna. Tá var tað neistavongurin, Høgni Zachariassen, sum gjørdist topp­skjútti við tíggju málum. Í fjórðu finaluni var merkis­vert at Peter Krogh og Rasmus Søby bert fingu ávikavist eitt og tvey mál. Í staðin var tað Hilmar Leon Jakob­sen, ið var toppskjútti við níggju málum. Hjá Neista­ num gjørdi Tróndur Mikkel­ sen um seg við sjey málum. Við teimum níggju mál­unum gjørdist Hilmar Leon Jakob­ sen eisini tann leikarin, ið hevur skotið flest máli hesi finalu­røðini. Tað sæst á hagtølinum at vanda­miklastu leikararnir hjá H71 eru teir báðir bakkarnir, Hilmar Leon Jakobsen og Peter Krogh. Í einstøkum dyst­um hava vengirnir hepn­ ast við at fáa nógv mál. Pætur Thom­sen fekk 12 av sínum 17 málum í sama dysti og Leivur Mortensen fekk átta av sínum 11 í fjórðu finaluni. Hjá Neistanum fær Høgni Zachariassen flest mál. Hans­ ara besti dystur á mál­talvu­ni var triðja finalan, tá ið hann fekk tíggju mál. Rasmus Søby skeyt átta mál í fyrstu finaluni. Síðani hevur hann fingið tíggju mál afturat í teimum næstu trimum finalunum. Tróndur Krage­steen tykist at liggja um eini fýra mál fyri hvønn dyst, meðan teir báðir ungu bakk­arnir, Dánjal Ragnarsson og Tróndur Mikkelsen hava skiftst nakað um bæði leiktíð og málskjóting. Eisini er merkisvert, at strikuleikararnir hjá Neista­ num, Rune Olsen og Pætur Mikkjalsson hava fingið ávika­vist 11 og seks mál. Striku­leik­arin hjá H71, Niklas Høj­gaard Hanusarson hevur fingið tíggju mál. Savnað fyri fyrstu fýra finalur­nar hava leikararnir fingið hesi málini: H71: Hilmar Leon Jakobsen 25 Peter Krogh 24 Pætur Thomsen 17 Vilhelm Poulsen 12 Leivur Mortensen 11 Niklas Højgaard Hanusarson 10 Brandur Halgirsson 8 Rúni Vest Højgaard 5 Bergur Ákason 1 Hans Kári Hansen 1   Neistin: Høgni Zachariassen 23 Rasmus Søby 18 Tróndur Kragesteen 15 Rune Olsen 11 Tróndur Mikkelsen 10 Dánjal Ragnarsson 10 Pætur Mikkjalsson 6 Karl Martin Olsen 5 Torkil Hentze 5 Teis Horn Rasmussen 1 Málverjarnir eru altíð avgerandi Hilmar Leon, Peter og Høgni skjóta flest mál Í teimum fýra fyrstu finalun­um hava ymiskir topp­skjúttar verið av­gerandi Kyndil – VÍF 23-26 (9-15) Kyndil: Turið Arge 7, Bára Krossteig Hansen 6, Marianna Geirsdóttir Eystberg 5, Súna Krossteig Hansen 4, Ásleyg Súnadóttir 1. VÍF: Liljan Djurhuus 8, Durita C. Jojic 7, Agnas Olsen 6, Lív Ingdórsdóttir 2, Brynja Rógvadóttir 1, Daniella Joensen 1, Kathe Frederiksen 1 og Heidi Maria Akselsen 1. Skráin fyri finalurnar: Leygardagin 27. apríl klokkan 18.00: VÍF – Kyndil (Høllin í Vestmanna) Sunnudagin 28: apríl: Møgulig triðja finala hjá kvinnum (Høllin í Vestmanna) Leygardagin 27. apríl klokkan 20.00: H71 – Neistin (Hoyvíkshøllin)