mánadagur 29. apríl 2019síða 17

17 Mánadagur 6. januar 2014 · Nr. 2 Sosialurin Mánadagur 29. apríl 2019 · Nr. 48 Hugskot og viðmerkingar – send sms til 225000 neistamanninum júst so nógv pláss at skotini hjá hon­um vera ov trupul. Neistin roynir at skifta aðrar á høgra vongin, men framvegis eru hoy­vík­ ingar nøgdir við at lata møgu­ leik­ar­nar koma í hesi síðuni, og verjan fær vart eyka væl fyri í vinstru síðu. Bæði liðini eru eyðkeynd við stórskjótandi bakkum. H71 við Peteri Krogh og Neistin við Ras­musi Søby. Og bæði liðini velja eftir fyrstu finaluna, at mansverja hesar leikarar, so at teir seta sín dám á dystin eins,og teir gera í fyrstu finaluni. Hetta gevur møgu­leikar til aðrar leikarar, har Tróndur Mikkelsen og Dánjal Ragnarsson hjá Neista­ num vísa, at teir eru á rættari leið til at gerast stór­skjútt­ar í Føroyum. Hetta hevur Hilmar Leon Jakobsen prógv­að fyrr. Seinasta árið hevur hoy­vík­ ingurin kortini stríðst við ein ringan skaða, ið í roynd og veru ikki er lektur, og kanska ongantíð verður tað. Men leikarin spælir ígjøgnum pín­ una í finalunum, og hann stendur eftir sum toppskjútti og vanda­miklasti áleypari í finalu­røðini, tá ið hann sveimar høgt og langt og høggir bólt­ar­ nar inn ferð eftir ferð. 31 ferðir til samans í teimum fimm final­un­um. Neistamenn fara kortini at iðra seg um, at tað skuldi ganga teimum so illa í sein­ astu finaluni, men teir kun­ nu ernast um at hava givið hondbóltsføroyum framúr spenning og vakran hondbólt sein­astu 27 dagarnar. Ítrottar­ sosial­urin hevur savnað nakr­ ar av bestu løtunum her í blað­ num. sjurdur@sosialurin.fo HONDBÓLTUR Besta málverjuavrik Ári Dam í fimtu finaluni. Hagtølini siga at hann bjargar júst helvtina av skotunum í avgerandi dystinum. Annað árið á rað, at hann stendur sum ímyndin av finalusigrinum hjá H71. Besta bjarging Nicholas Satchwell ímóti Pæturi Thomsen tíðliga í aðru finaluni. H71-vongurin er púra leysur í skjótálopi, men málverjin tykist onkursvegna at venda sær í leysari luft og bjargar. Týdningarmesta stórbjarging Mikkjal Hansen ímóti Niklasi Hanusarson, ið er fríur á strikuni við støðuni 24-26 til Neistan og hálvum triðja minutti eftir at leika í triðju finaluni. Málverjin ger seg stóran og treffir bóltin væl, og so er ov lítil tið hjá H71 at koma aftur í aftur. Besti tvídystur: Nicholas Satchwell ímóti Pæturi Thomsen. Ígjøgnum tær fimm finalurnar síggja vit málverjan og veingin lumpa hvønn annan ferð eftir ferð. Stundum fær vongurin lobbað bóltin upp um, men aðrar ferðir lesur málverjin royndirnar. Besti skótálopsspælari Pætur Thomsen er serstakliga avgerandi í skjótálopinum. Skýtur millum annað 12 mál í fyrstu finaluni. Fær 25 mál til samans, og er sera saknaður hjá H71, tá ið hann er burturstaddur í triðju finaluni. Besta plásskifti Neistin hevur trupulleikar á høgra vongi, og vinstri bakkurin, Dánjal Ragnarsson verður settur at avloysa, og hann eydnast við fleiri skotum úr trongum støðum. Besta langskot. Peter Krogh langar bóltin í netið við beinleiðis fríkasti áðrenn steðgin í fyrstu finaluni Besta taktiska broyting H71 setur mansverju á Rasmus Søby, eftir at sterki bakkurin hevur verið ómøguligur hjá H71-verjuni at hava við at gera í fyrsta hálvleikinum av øllum. Restina av finalurøðini verður hann mansvardur. Neistin roynir tað sama við Peter Krogh, men hevur einki mótsvar ímóti Hilmar Leoni Jakobsen. Besti ungi leikari Har eru nógvir um boðið, serliga tá ið flestu leikararnir á báðum liðum eru heilt ungir. Vit hugsa tí einamest um leikarar, ið spæla sítt fyrsta kappingarár. Millum boðini eru Dánjal Ragnarsson , ið er sera avgerandi í fyrstu finaluni, og Tróndur Mikkelsen, ið skýtur nógv mál seinastu tríggjar dystirnar Hjá H71 er Brandur Halgirsson týdningarmikil leikari - bæði í verju og álopi. Besta innskifting Mikkjal Hansen kemur inn fyri Nicholas Satcwell eftir 14 minuttir av triðju finaluni. Støðan er tá 4-9 til H71, men Neistin endar við at vinna dystin. Besta time-out Neistin í triðju finaluni. Støðan er 12-6 til H71, men við hálvleik er munurin minkaður niður í 9-12 og í seinna hálvleiki koppar Neistin dystin til sín. Besta finta Rullufinturnar hjá Tróndi Mikkelsen, ið bæði geva mál, brotskøst og útvísingar til mótstøðuna. Tær koma ofta, men tykjast altíð at koma óvart á verjuleikararnar Best fyri føroyskan hondbólt: Mongu ungu leikararnir. Dánjal Ragnarsson, Tróndur Mikkelsen, Brandur Halgirsson, Leivur Mortensen, Høgni Zachariassen, Hørður Trygvason og aðrir blaðungir leikarar, ið fáa sett veruligan dám á finalurnar. Harafturat sera hugaligt at síggja óhepnu U21-stjørnunar frá Algeria, Teis Horn Rasmussen og Hilmar Leon Jakobsen vísa seg fram aftur. Besta strikuspæl Neistin í fjórðu finaluni. Serliga í fyrra hálvleiki av fjórðu finaluni hevur H71 stórar trupulleikar av at steðga Runa Olsen. Hoyvíkingar verja nakað høgt, og bólturin endar ferð eftir ferð hjá sterku strikuni, ið er ómøgulig at halda. Eisini merkisvert at fríspælingarnar koma frá nógvum ymsum leikarum. Pætur Mikkjalsson fær eisini ágóðan av fríspælingum frá serliga Tróndi Kragesteen. Besta mótvápn Hilmar Leon Jakobsen. Tá ið Neistin ger av at taka stórskjúttan hjá H71, Peter Krogh burtur við mansverju, tekur Hilmar Leon Jakobsen yvir sum stórskjútti. Satt at siga fær afturvendi bakkurin eyka nógv pláss, og krossar í heilum yvir til skot frá vinstra til høgra bakk. Besta fríspæling Tróndur Kragesteen til Runa Olsen í fjórðu finaluni. Í fjórðu finaluni vera áskoðararnir forkelaðir við flottum málum. Eftir tjúgu minuttum av dystinum flytur Hilmar Leon Jakobsen seg enn einaferð yvir ímóti høgra bakki, tá ið hann tveitir bóltin afturum seg í eitt tómt rúm, har Niklas Hanusarson fær fatur á bóltinum og fær brotskast. Lítla løtu seinni spælir Tróndur Kragesteen flott til Pætur Mikkjalsson, men kanska besta spælingin í øllum teimum fimm finalunum kemur eftir 49 minuttum av hesum dystinum. Tróndur Kragesteen fer loypandi móti høgri og sleppir hegnisliga bóltin afturum seg har Rune Olsen er til reiðar og minkar um munin til 24-27. Besta skjótálop Pætur Thomsen fær bóltin í skjótálopinum í seinna hálvleiki av fjórðu finaluni. Fleiri Neistamenn eru komnir oman til høgra vongin, ið velur at senda hann tvørturum til Leiv Mortensen, ið er púra leysur leggur H71 tvey mál fram um Neistan. Óhepnastu ella óneyvastu leikarar Neistaleikarar í seinastu finaluni. Rasmus Søby rakar ferð eftir ferð síni skot á stengurnar, veingirnir gera yvirtrakk og bæði skot og spælingar eru yvirhøvur óneyv. Okkurt av tí er vantandi hepni, men so nógvar støður í einum heilum dysti bera boð um, at neistamenn vóru rætt og slætt ikki í røttu sinnisstøðu henda dagin.