hósdagur 2. mai 2019síða 5

FRÍGGJADAGUR 3. MAI 2019 SOSIALURIN 50 5 Umhugsin Nærverandi Ítøkiligur MIÐFLOKKURIN SJÁLVANDI hvørt vikuskifti í Sosialinum www.midflokkurin.fo MIÐFLOKKURIN Steffan Klein Poulsen stillar upp fyri Miðflokkin Eg havi havt sera stóran áhuga fyri politikki í fleiri ár. Mær hevur dámt væl at fylgt við í tí, sum gongur fyri seg í løgtinginum, at vera partur av orðaskifti um ymisk samfelagsmál og annars eygleitt ta kós, ið samgongur hava sett. Eg havi tó ikki verið tann, sum hevur rópt hart og verið politiskt virkin. Enn... Men tá ið umboð fyri Miðflokkin fyri tíð síðani heitti á meg um at stilla upp, valdi eg at taka av. Eg eri 23 ára gamal, føddur og uppvaksin í Hvannasundi. Í løtuni lesi eg búskaparfrøði á Fróðskaparsetri Føroya, eftir at hava lokið Handils­ skúlan á Kambsdali. Búskapur og samfelagið sum heild hevur mín áhuga. Eg dámi serliga væl at seta meg inn í ymiskar ósemjur, royna at skilja tær og síðani hugsa eina góða loysn inn í støðuna. Eg eri sera fegin um at kunna stilla upp fyri Miðflokkin, tí virðir sum at verja ófødda barnið, hjúnabandið og líknandi áskoðanir eri eg púra samdur í. Eg síggi hetta tí sum ein góðan møguleika til at stríðast fyri, at vit í Føroyum tora at halda fast við slík virðir og ikki loyva øllum rákum at festa røtur her hjá okkum. Serliga er tað ófødda barnið, ið liggur mær tætt at hjarta, og hevur gjørt tað leingi. Hesin minni luta­ bólkur fær jú ikki vart seg sjálvan á nakran hátt. Tí vil eg, saman við Miðflokkinum og øðrum, ið deila hesa hugsjón, gera mítt til at verja ófødda barnið. Eg síggi gjarna samfelagið taka hond um tey veiku. Eingin ivi um tað. Eitt mark má tó vera fyri hvussu nógv landið skal stýra og stuðla borg­ aranum, tí hetta kann skjótt gerast ein sovipúta hjá okkum borgarum. Eg trúgvi upp á frælsi og frían vilja innan skilagóðar rammur. Borgarin hevur í fleiri støðum vit og skil til at klára seg sjálvan, og skal hetta tí eisini vera møguligt. Millum annað familjan, ið er ein hornasteinur í okk ara samfelag, skal hava frælsi til at virka í einum góðum og trygg­ um heimi, har foreldur veruliga fáa loyvi at taka sær av sínum børnum og nærmastu. Jú, vit hava almennar stovnar, so sum barnagarðar og skúlar, ið eru góðir fyri okkum, men eg trúgvi at eitt gott bakland er minst líka umráðandi fyri børnini. Vangamynd torshavn.fo/byggisamtyktir Tórshavnar býráð samtykti á fundi 24. apríl 2019 uppskot um nýggja serstaka byggisamtykt við Kvíggjartún, matr. nr. 56a, Argir, í sambandi við ætlanir um at byggja almennan stovn í økinum. Økið, sum ætlanin er at byggja almennan stovn á, liggur í C3 øki í almennu byggisamtyktini fyri Tórshavnar kommunu, sum millum annað loyvir skúlum, almennum stovnum og íbúðum. Øll útstykking og bygging í C3 øki skal gerast sambært serstakari byggisamtykt. Tilfar, sum lýsir uppskotið um nýggju serstøku byggisamtyktina, liggur frammi á torshavn.fo/byggisamtyktir og í Snarskivuni frá 2. mai 2019 til 13. juni 2019. Møgulig mótmæli ella broytingaruppskot verða at senda Tórshavnar kommunu skrivliga til torshavn@torshavn.fo í seinasta lagi 13. juni 2019. Nýggj serstøk byggisamtykt við Kvíggjartún, matr. nr. 56a, Argir DREYMASTARVIÐ FINNUR TÚ Á