hósdagur 2. mai 2019síða 14

FRÍGGJADAGUR 3. MAI 2019 SOSIALURIN 50 14 TEMA: Eurovision Av tí at Føroyar ikki eru limur í EBU, so kunnu føroyskir sangarar ikki luttaka í Eurovision umboðandi Føroyar. Í staðin hava fleiri føroyingar roynt eydnuna í undankappingunum hjá grannalondunum, men enn hevur tað ikki eydnast nøkrum at vinna sær plássið í stóru Eurovision sangkappingini. Serliga hava nógvar føroyskar luttøkur verið í danska grand prixnum, men vit hava eisini sæð føroyingar í svensku og íslendsku sangkappingini. Sosialurin hevur hitt nakrar av føroyingunum, sum hava verið við í prix-kappingunum í grannalondunum, og vit spyrja teir nakrar spurningar um Eurovision og sjálvstøðuga føroyska umboðan. Í 2018 royndu Carlsen systrarnar seg í danska melodi grand prixnum við sanginum “Standing up for love”. Carlsen systrarnar eru tær tríggjar Barbara Chaparro, Laila Carlsen og Vanja Carlsen. Tað eydnaðist teimum ikki at syngja seg víðari í finaluna. Vanja Carlsen er positiv um føroyska Eurovision-luttøku, og hon svarar soleiðis: Hvat er Eurovision- sangkappingin fyri teg? - Mær dámar væl kappingina. Nógv siga at antin elskar man tað ella hatar man tað so eg veit ikki, men eg haldi tað er eitt stuttligt tónleikaligt “event” har man aldrin veit hvat kemur at henda. Hóast tað stendur í leiðreglunum at Eurovision skal ikki litast av politikki osfr er tað nemliga tað Eurovision er so at siga hvørt ár og tað er keðiligt haldi eg, men mær dámar væl tann positiva andan og rúmmigheitina við Eurovision. Plagar tú at fylgja við? - Ja, eg fylgi vanliga altíð við bæði í danska og viðhvørt eis­ini í teimum norðurlendsku undan­ um­førum áðrenn stóra braki tá eurovision er. At síggja eurovision er eitt “must”. Hóast eg eri skuffað av úrs­litinum summi ár, og lovi at eg aldrin skal hyggja aftur, - siti eg allíkavæl nelgd frammanfyri skermin árið eftir. Heldur tú, at Føroyar áttu at verið við í Eurovision- sangkappingini? - Eg haldi absolutt at Føroyar átti at verið umboðað, tí hóast vit inn ímillum sleppa upp í part í tí danska er man stadivekk fremm­ andur. Hvør hevði munurin hjá føroyskum tónleikarum verið millum at luttaka í Grand Prix kappingum í grannalondunum og einari kapping í Føroyum? - Eg veit ikki hvør munurin hevði verið men um eg skal nevna nakað so er tað nokk tónleika­stíl­ ur­in. Eg haldi tó at vit eiga st vera opin fyri øðrum útlendskum sang­skrivarum sum man td eis­ ini ger í Danmark har tað er frítt at senda inn allastaðni frá. Okk­ ara sangur var td skrivaður av svensk­arum. Hvat heldur tú, at føroysk Eurovision luttøka kann geva føroyskum tónleiki? - Eg haldi, at eurovision kann geva føroyskum tónleikalívi spenn­ing og størri avbjóðingar í altjóða høpi. Hevði tú luttikið í einari føroyskari prix undankapping, um tú fekst møguleikan? - Nú hevur man roynt at verið við einaferð og rokni ikki við man fer at royna hatta aftur men man skal aldrin siga aldrin. Vanja Carlsen: - Siti negld framman fyri skermin hvørt ár Føroyskir grand-prix luttakarar: - FØROYAR EIGA AT VERA VIÐ Í EUROVISION Mynd: Henning Bagger / Ritzau Scanpix