hósdagur 2. mai 2019síða 15

FRÍGGJADAGUR 3. MAI 2019 SOSIALURIN 50 15 Í 2010 royndi Jens Marni Hansen seg í danska grand prixnum við rokksanginum “Gloria”. Hann var sera væl dámdur og fekk flestar sms-atkvøður hetta árið. Men hann mátti lúta fyri juryini, sum ikki meintu, at sangurin hjá Jens Marna hevði tað, sum skuldi til fyri at umboða Danmark í Eurovision sangkappingini. Jens Marni Hansen er sannførdur um, at tað ikki snúði seg um sangin, men um hann sum persón, tí hann ikki var dani - men føroyingur. Hvat er Eurovision- sangkappingin fyri teg? - Konseptið er fínt, og tað er ein spennandi kapping. Eurovision er gevandi fyri eitt land, tí mann skapar jú eitt fokus gjøgnum hesa kappingina. Eg vildi hildið tað, at mann í Føroyum hevði kunnað skapt eitt rættiliga stórt fokus, um mann hevði profilerað seg væl. Serliga um mann ger ein góðan profil, so kemur tað at síggja væl aftur í Føroyum, tí landið er so lítið. Samanborið við eitt stórt land er so nógv annað, sum er stórt eisini. Plagar tú at fylgja við? - Eg hyggi ikki so ofta eftir grand­ prix-kappingum. Tað er orsakað av stílinum, sum gongur aftur í sendingini. Har er í so nógv, sum eg ikki tími at lurta efitr; serliga tey síðstu árini. Heldur tú, at Føroyar áttu at verið við í Eurovision- sangkappingini? - Ja, tað er heilt sikkurt. Tað er ein sjálvfylgja, at vit skulu gera okkara egnu kapping og umboða okkum sjálvi. Tað hevði verið øgi­liga gott fyri Føroyar at havt tann møguleikan. Tann einasta av­bjóðingin er, at vit kunnu ikki vera vertir, men tað er ein loysn fyri tí, tí eitt grannaland kann saktans hýsa kappingini fyri ein. Hvør hevði munurin hjá føroyskum tónleikarum verið millum at luttaka í Grand Prix kappingum í grannalondunum og einari kapping í Føroyum? - Tað eru so nógvir føroyingar, sum hava luttikið í kappingunum hjá grannalondunum, men tað er ikki ein, sum hevur vunnið. Tað vísir seg hvørja ferð, at før­ oy­ingarnir ongan kjans hava at vinna kappingina hjá einum øðr­ um landi. Eg vænti ongantíð, at føroyingar fara at vinna í Dan­ mark, tí har hevur mann eitt dómarapanel, sum hevur valt, at føroyingar ikki skulu koma víð­ari og vinna. Tað var í øllum før­um heilt tilvitað í mínum føri. Eg var jú langt fremst í sms- kapp­ingini, men juryin vildi ikki hava meg við, so teir sorteraðu meg frá. - Mann kann gott møta upp í danska grand prixnum og gera sín profil har, men higartil hevur hann ikki veri tikin fyri fult. Hvat heldur tú, at føroysk Eurovision luttøka kann geva føroyskum tónleiki? - Tað kann flyta. Tú kanst bara hyggja eftir ABBA í Svøríki, tað kann gera tað sama. Vit skulu ikki vera so stór sum ABBA fyri at kunna mettað okkara land, um mann hugsar tað sum ein vinnumøguleika. Tað kann gera nógv fyri bæði tónleik og ferða­vinnu. Tað eru so ræðuliga nógvar milliónir, sum hyggja eftir Eurovision. Hevði tú luttikið í einari føroyskari prix undankapping, um tú fekst møguleikan? - Um eg føldi, at eg hevði eitt lag, sum hevði kunnað gjørt tað gott, so hevði eg luttikið. Tað dugi eg ikki at síggja nakran trupulleika í. - Ein føroysk undankapping kann fáa sín egna dám Brandur Enni luttók í 2008 í svensku undankappingini til Eurovision, sum eitur Melodifestivalen. Hann sang lagið “Lullaby” og kom víðari til fyrstu semifinaluna, men tað rakk ikki til finaluna. Í dag býr Brandur Enni í Stokkhólmi, har hann lesur á universitetinum. Hann lýsir Eurovision sum eitt sterkt og savnandi forum, sum Føroyar høvdu passað væl inn í. Hvat er Eurovision sangkappingin fyri teg? - Kappingin hevur eina søgu og er næstan líka gomul sum sjón­ varpið í Evropa. Tað hevur verið eitt sterkt forum í nógv ár, har evrope­arar møtast. Tað politiska hevur eisini havt týdning, sjálvt um mann ikki sleppur at syngja nakað politiskt í kappingini. Tað er eisini áhugavert, hvussu kapp­ ing­in hevur broytt seg gjøgnum árini. Plagar tú at fylgja við? - Eg plagi at fylgja við í Svøríki, og so plagi eg eisini at lurta eft­ ir vinnaranum í Danmark og í Noregi. Men eg fylgi ikki bein­ leiðis við í kappingini í Danmark og Noregi, men lurti heldur eftir einstakum løgum. Heldur tú, at Føroyar áttu at verið við í Eurovision- sangkappingini? - Ja, tað hevði verið upplagt hjá Før­oyum at verið við. Hví skuldu vit ikki verið við? Eg meini so við, hví skuldu Danmark, Svøríki ella Norra valt ein føroying at um­ boða tey? Tað kunnu tey sjálv­ andi gera, men um tað er møgu­ ligt hjá føroyingum at luttaka sum Føroyar, so haldi eg tað hevði verið stuttligt. Hvør hevði munurin hjá føroyskum tónleikarum verið millum at luttaka í Grand Prix kappingum í grannalondunum og einari kapping í Føroyum? - Føroyingar kundu sikkurt vunnið í grannalondunum, men tað er so ikki hent enn. Um løg­ini ikki hava verið nóg góð, tað veit eg ikki. Men tað eru ymsar ment­ an­ir innan Eurovision í hvørjum ein­stakum landi. Tað danska er ikki tað sama sum tað svenska, og í Fraklandi og Íslandi hava tey aft­ur sín heilt egna stíl. Við einari egn­ari føroyskari undankapping hevði føroyski tónleikurin kunnað staðið í einari egnu rætt. Hvat heldur tú, at føroysk Eurovision-luttøka kann geva føroyskum tónleiki? - Fyrst og fremst er tað ein pall­ur at standa á, sum er ein møgu­leiki at koma út í heimin við sínum tónleiki. Ein møgulig før­oysk undankapping hevði verið eitt forum, sum kundi verið sjálv­ støðugt í sjálvum sær. Prix Før­oyar hevði sín tónleikaliga dám, og ein nýggj føroysk prix- und­ankapping kann eisini fáa sín egna dám. Tann tónleikaligi form­urin á kappingini nýtist ikki vera so avmarkaður og líkjast teim­um týpisku Eurovision und­ an­kappingunum. Hevði tú luttikið í einari føroyskari prix undankapping, um tú fekst møguleikan? - Ja, tað hevði verið stuttligt. Tað hevði eg gott tímað, um mann hevði eitt feitt lag. - Føroyingar vera ikki tiknir fyri fult í øðrum kappingum Jens Marni Hansen: Brandur Enni: Jens Marni: Mynd: Schutze Rene/Polfoto