mánadagur 6. mai 2019síða 4

4 Sosialurin Hugskot og viðmerkingar – send sms til 225000 Mánadagur 6. mai 2019 · Nr. 51 Fleiri enn 80 fólk á skeiði um vegarbeiði Skeiðslutt­akarar læra at gera og halda vegarbeiðið trygt, bæði fyri ferðandi á vegnum og fyri seg sjálvar og sínar starvsfelagar Vilmund Jacobsen Eftirútbúgv­ ingargrunnurin Vitan hevur hetta seinasta árið skipað fyri fýra ”Vegurin sum arbeiðspláss” skeið­ um, har fleiri enn 80 fólk hava luttikið. - Skeiðið er ætlað teim­um, sum arbeiða á veg­un­um. Á skeiðnum fáa luttakararnir kunn­ leika um grundleggjandi ásetingar um upp­merk­ ing, reglur, tilfar og trygd á vegunum. Í Vinnuhúsinum siga tey í dag, at skeiðs­lut­tak­ ar­arnir læra soleiðis at gera og halda vegarbeiðið trygt, bæði fyri ferðandi á vegnum og fyri seg sjálv­ar og sínar starvs­ felag­ar - við rættari upp­ set­an og niðurtøku av skelti­savmerkingum. Á bíðilista Tað er eftirútbúgving­ar­ grunnurin Vitan, ið skip­ ar fyri skeiðnum, sum verð­ur hildið av EUC Nord­vestsjælland. Skeiðið er galdandi í 5 ár. - Næsta skeið er ikki ásett enn, men til ber at skriva seg á bíðilista í Vinnu­húsinum, verður lagt aftrat. Selmar Nielsen er afturvaldur sum for­ maður í Ráðgevara­ felagnum. Nevndin hevur skipaði seg við Selmari Nielsen sum formanni og Eyðbirna Brimnes sum næst­ formanni. Hinir eru Árni Jakobsen, Rúni Abra­ ham­sen og Klæmint Eliasen. Læra at brúka mønustingara Í kvøld klokkan 19 verður grindaskeið í Løkshøll í Runavík. Hetta er eitt ókeypis skeið, har neyðugt ikki er við tilmelding Vilmund Jacobsen Skeiðið í kvøld snýr seg um undirvísing í brúki av mønustingara. Víst verður til grinda­ kunngerðina, har sagt verð­ur í grein 20: - Bert persónur, sum er 16 ár ella eldri, og sum hevur loyvisprógv fyri at hava luttikið á grinda­ skeiði, kann avlíva hval. Í stykki 2 stendur eisini, at tann, ið avlívar hval, hevur skyldu til at hava loyvisprógv, sam­ bært § 6, stk. 3, hjá sær. - Sýslumaðurin ella grindaformenn kunnu krevja at síggja loyvis­ prógvið í samband við grinda­dráp, verður lagt aftrat í grinda­kunn­gerð­ ini. Sagt verður eisini, at grindaskeið fyri grinda­ menn skal innihalda kunn­ing um grindalóg­ gávu, kunning og upp­ lær­ing í brúki av grinda­ reiðskapi, drápshátti og staðfesting av deyðs­eyð­ kenni hjá hvali. Soleiðis gongur við fiskiskapi Vilmund Jacobsen Fýra ísfiskalínuskip fiska undir Føroyum, og væntandi koma trý av hesum inn at landa í dag. Fjórða skipið kemur seinni í vikuni. - Línuskipini undir Føroyum fáa mest av toski, hýsu og longu og so nakað av brosmu. Tað vita tey á Fiskamarknaði Føroya at siga. Eitt ísfiskalínuskip og fýra frystilínuskip fiska í íslendskum sjógvi. Ísfiskalínuskipið kemur heim at landa síðst í hesi ella fyrst í næstu viku.  Streymurin er harður, men batnar, sum henda vikan gongur. Veðrið verður gott, men tað verður nógv høgætt, sum ikki er góð til útróður norðanfyri. - Vit rokna kortini við, at nakað verður av útróðrarfiski í vikuni, verður lagt aftrat. Flestu partrolarapør eru til fiskiskap, og skipini koma inn at landa, sum henda vikan gongur. Fiskiskapurin eftir upsa er einki at reypa av. Trý partrolarapør fiska gulllaks. Fríggjadagin vóru bara tveir djúpvatnstrolarar til fiskiskap. Teir fiska svartkalva, stinglaks og blálongu. - Báðir djúpvatnstrolararnir koma inn at landa hesa vikuna. Fríggjadagin lógu allir teir smáu trolbátarnir, men væntandi er, at teir fyrstu fara út aftur ein av komandi døgunum. Tvey garnaskip fiska svartkalva. Annað skipið frystir fiskin umborð, og hitt ísar. - Eitt garnaskip fiskar havtasku. Fiskiskapurin hjá garnaskipum er brúkiligur, verður sagt. ÍDNAÐARFERIA: Ídnaðarferian fyri byggivinnuna, sum nevndin í Føroya Handverkmeistarafelag ásetir, verður í vikunum, 30, 31 og 32. Soleiðis hevur ferian ligið í fleiri ár.