mánadagur 6. mai 2019síða 15

15 Mánadagur 6. januar 2014 · Nr. 2 Sosialurin Mánadagur 6. mai 2019 · Nr. 51 Hugskot og viðmerkingar – send sms til 225000 SÚKKLING Torkil Veyhe og teir: Pætur Albinus Vónbrot Torkil Veyhe livir í hesum døgum sítt lív fult út sum full­ tíðar súkklari á danska liðnum, Riwal Readynez, har hann nú av álvara er sloppin at merkja, at hann súkklar á allarhæsgsta støði. Seinastu fýra dagarnar hevur hann luttikið í Tour de Yorkshire í Onglandi, sum er ein kapping á World Tour- støði, har hann kappaðist ímóti eitt nú ferfalda Tour de France- vinnaranum, Chris Froome, og tí 30-faldaða teinavinnaranum í Tour de France, Mark Caven­ dish. Eitt er tað, at teir luttóku, men teir á Riwal Readynez løgdu harumframt eitt fram­ úr­skarandi gott úrslit eftir seg og vóru millum mest eyðsýndu liði­num í annars sera væl mann­aða feltinum, har danska liðið, ið vanliga súkklar einari lægri deild, einans var sloppið við eftir at hava fingið eitt wild­card. Fýra teinar vóru í Tour de Yorkshire. Kapteynurin hjá Riwal Readynez, Alexander Kamp, vann triðja teinin, og undan seinasta teininum lá hann á einum samlaðum fyrsta­plássi, men hóast seinasti tein­urin lá væl til hansara og vónir vóru um ein ótrúligan samlaðan sigur, so gjørdist hann ov stuttur og gleið úr samlaða topp trý. Hann gjørd­ ist nummar fýra. - Vit eru vónbrotnir av, at vit ikki eydnast, men vit eru stolt­ir av, at vit tora at vinna. Vit koyra ótrúliga væl sum lið, og vit vísa at vit tora - óansæð hvørjum vit eru uppi ímóti. Fyri at tora at vinna má man eisini satsa og risikera at tapa, sigur Torkil Veyhe. - Tað er trupult at seta fing­ ur­in á júst hvat manglaði. Vit eru kanska eitt sindur í undir­ tali til endans í mun til Team INEOS, so Kamp situr nakað einsa­mallur. Vit vóru eisini noyddir at heinta útbrotið, so Kamp kundi koyra við um bonussekund. Tað var okkara møguleiki, sigur Torkil Veyhe eftir tann hendingarríka teinin, har alt tíverri ikki fløskaði seg sum teir á Riwal Readynez ynsktu. Virðing Í stóru myndini kunnu teir á Riwal Readynez tó vera væl nøgd­ir. Teir súkkla vanliga á næst­hægsta støðinum, ið kallast procontinental, og ein av bestu mátunum at slúsa seg inn á hægsta støðið, ið kall­ast World Tour, er at vísa seg fram og gera seg galdandi tá ið teir fáa wildcards til tær stóru kappingarnar. Tað fingu teir gjørt í ríkiligt mát hesa­ ferð í sjónvarpsskíggjum kring allan heimin, og tað ger tað ikki verri, at teir, ið skipa fyri Tour de Yorkshire, eru teir somu, sum skipa fyri Tour de France og øðrum stórum súkklu­kapp­ ingum. Tað eru í síðsta enda hesir fyri­skipararnir, sum skulu út­luta wildcards til nøkur fá smærri lið. - Vit hava víst, at vit vilja vinna, og vit koyra saman sum eitt lið. Vit hava vunnið virð­ ing frá hinum World Tour-lið­ unum, og vónandi eisini fyri­ skiparunum, so vit kunnu fáa fleiri kappingar á hesum støði­ num, sigur Torkil Veyhe. Fyri framman hjá Torkili Veyhe og liðfeløgunum eru Tour of Uppsala, Hammer Series og Tour of Norway. Tour of Uppsala byrjar nú miku­dag­ in, meðan Tour of Norway, ið er eitt av stóru málunum hjá Riwal Readynez, er í døgunum 28. mai til 2. juni. albinus@sosialurin.fo 1. teinur 182,5 kilometrar úr Doncaster til Selby Vinnari: Jesper Asselman (Roompot-Charles) Torkil Veyhe hevur verið raktur av krími undan kappingini, men hann stríðist fyri at koma fyri seg aftur. Hann stríðist ikki einans fyri seg sjálvan, men serliga fyri kapteynin á liðnum, Alexander Kamp. Hetta er eisini orsøkin til, at Torkil má sleppa tíðliga og rullar á mál smáar sjey minuttir aftanfyri feltið. - Eg hevði ikki meira, sum eg kundi hjálpa við, so eg rullaði bara á mál fyri at spara meg, segði Torkil eftir teinin, har Riwal Readynez greiddi sín einfalda setning fyri dagin - nevniliga at halda Alexander Kamp í tryggari støðu. 2. teinur 132 kilometrar úr Barnsley til Bedale Vinnari: Rick Zabel (Katusha) Aftur verður Torkil Veyhe sendur til arbeiðis tíðliga á teininum, og hetta kostar honum nógva orku. Hann kennir tó á sær, at hann er við at koma fyri seg aftur eftir krímið. - Eg passaði upp á Alexander Kamp, og tað gekk sum tað skuldi. Tað var mótvindur, so teinurin var lutfalsliga lættur, sigur Torkil, sum umvegis radio kundi hoyra liðfelagan, Andreas Stokbro, vera við í hópspurtinum, har hann gjørdist nummar seks. Kapteynurin, Alexander Kamp, kemur sum ætlað á mál saman við feltinum. 3. teinur 132 kilometrar úr Bridlington til Scarborough Vinnari: Alexander Kamp (Riwal Readynez) Uppgávan er tann sama hjá Torkili. Sum ein rættur hjálpari brúkar hann seg upp fyri kapteynin, Alexander Kamp, og hann kemur útvið 20 minuttir seinni enn hinir á mál. Riwal Readynez hevur tveir mans við í finaluni, og alt meðan tað verður roknað við, at tann kviki Andreas Stokbro fer at gera um seg í spurtinum, so súkklar Alexander Kamp framvið øllum og fer fyrstur um málstrikuna. Hann leggur seg harvið á eitt deilt samlað fyrstapláss í kappingini saman við Chris Lawless frá Team INEOS (fyrr: Team Sky) 4. teinur 175 kilometrar úr Halifax til Leeds Vinnari: Greg van Avermaet (CCC Team) Talan er um ein knallharðan tein. Torkil Veyhe leggur upp til eitt álop, sum Riwal Readynez ger áleið 40 kilometrar áðrenn mál, men tað fækkast so líðandi við Riwal Readynez-súkklarum í feltinum, og álopið vísir seg at kosta. Alexander Kamp kemur at sita einsamallur og stendur seg ikki í longdini í beinhørðu kappingini ímóti profilum so sum Chris Froome og Greg van Avermaet. Ein dreymakapping frá Riwal Readynez endar við einum vónbroti, har kapteynurin, Alexander Kamp, glíður úr topp 3. Tour de Yorkshire úrslit SÚKKLARI LAND LIÐ TÍÐ 1. Chris Lawless Stórabretland Team INEOS 15:18:12 2. Greg van Avermaet Belgia CCC Team + 0:02 3. Eddie Dunbar Írland Team INEOS + 0:11 4. Alexander Kamp Danmark Riwal Readynez + 0:15 5. James Shaw Stórabretland SwiftCarbon + 0:25 89. Torkil Veyhe Føroyar Riwal Readynez + 27:44 GJØRDU SEG GALDANDI Á STÓRA PALLINUM Hóast mótstøðumenninir vóru heimsstjørnur sum Chris Froome og Mark Cavendish, so smæddust Torkil Veyhe og teir als ikki burtur í Tour de Yorkshire. Liðið hjá Torkili, Riwal Readynez, myndaði í stóran mun kappingina. - Vit hava vunnið virðing frá hinum World Tour-liðunum, metir Torkil Veyhe, ið nú hevur fingið smakkin eftir meira Torkil Veyhe sæst her næstuttastur til vinstru